دوئِم تیموتائوس 3:2 - کتاب مقدس به زبان لکی - گویش مرکزی

² اَرِیَگه مردِم فَخَد ووژو دوس دیرِن، پیل‌دوسِن، قُرات ئو کِلَچِن، دُشمین‌فِروشِن، کورفِربون اژ دائوباوَه‌لو ئو بولَت ئو ناپاکِن،

دوئِم تیموتائوس 3:2 Iomraidhean Croise

مَتّی 15:6

اُهُنَ دیَر اَری واجب نیِ گه عزّت بِنی اَر باوَه ووژ. وَه ایی جورَ هُمَه وَه خاطر رسمِ‌رِسیم ووژتو، کلوم خدا باطلَ مِهِینو.

لوقا 12:15

اَسَه وِتیَ مردِم: «حُواستو بو ئو ووژتون اژ کُلِ جور هَلگ دائِن ئو طَما دویرا بِگِرِن، اَرِیَگه زِنِه‌ی آم وَه فِرَه بیئین مالِ‌منالی نیَ.»

لوقا 16:14

شیخَل فرقَه فَریسی گه پیل‌دوس بین وخدی ایی قصَه‌ل عیسی‌ئونَ شنَفت ریشخَنو کِرد.

لوقا 6:35

مِنتائای هُمَه، دشمنَلتو دوس داشدوئی ئو خوئی بِهَنَ اَرینو، ئو بی‌یَگه چیَمَ‌رئی تِلافَتی بوئینو، قَرت بیَن‌ئونو، اَرِیَگه اَجِرتو فِرِهءَ، ئو موئینونَ آیلَل خداءِ متعال، اَرِیَگه او وَه‌گَرد ناشُگیرَل ئو گَنَ‌کارَل مِرِبونَ.

کارَل رسولَل 5:36

اَرِیَگه وِر اژ ایی روژِلَ، پیای گه نُم تِئوداس بیتی هیزگِرتی گه ادعا مَهَردی اَرِه ووژ کسی کَ، ئو نزیک اَر چوارصد نفریش مِرید بینی. مِنتائای او کُشیا ئو مِریدَلی‌شی کُل پَشخِ‌پِلاآ بین.

رومیان 11:18

اَر اَ پَلِلَ قُراتی نِهَه. اَرّ هُنَ مِهِینَ، وَه ویرِت بو تو حُیا اَ ریشیَ نیئین، بلکِم ریشی حُیا تونَ.

دوئِم قُرَنتیان 5:15

ئو او وَه خاطر کُل مِرد تاگَه اونَلی گه زِنیئِن دیَر اَرِه ووژو زِنِه‌ی نَهَن، بلکِم اَرِه او گه وَه خاطر اونَل مِرد ئو زِنیا بی.

فیلیپیَل 2:21

اُوُ کُل هانِ دُم نفع ووژونا، نه عیسی مسیح.

کولُسیَل 3:5

اِسَه هر چیئی گه اِنوم هُمَه زمینیَ بِکُشِن، یانی بی‌عصمتی، ناپاکی، شَوَت، چیئَل گَن هِستِن، طَما گه هَر بِت‌پِرَسیَ.

دوئِم تِسالونیکیَل 2:4

او اَرضد هرچی گه خدا هِناءَ ماو ئو مَپِرَسِنی هیزَمَگِری ئو ووژَ مَنی اَر بِلِنگ‌تِر اژ اونَل، تا جای گه مَنیشی اِنوم معبد خدا ئو اِلومَ مِهِه گه ووژ خداءَ.

اول تیموتائوس 1:20

هیمِنائوس ئو اسکندر اژ ایی دَسَه‌نَ، گه سپارتِنمَسَ شِطو تا عبرت بِگِرِن دیَر کِفِر نَهَن.

اول تیموتائوس 1:9

هَمیش مَذانیمو شریعت نه اَرِه آمَل صالح، بلکِم اَرِه کسَلی کَ گه قانونَ مَنِنِ ژیر پا ئو کسَلی گه کورفِربونِن، اَرِه بی‌دینَل ئو گناکارَل، ئو ناپاکَل ئو کِفِرچیَل؛ اَرِه خوینیَل باوِه‌ئودا؛ اَرِه کسَلی گه آمَ مَکُشِن،

اول تیموتائوس 3:3

نه یَگه شِراوی بو، یاگَه زور بوشی، بلکِم فَخیر ساگوش‌کَتی بو، ئو نه جنگَری، یا پیل‌دوس.

اول تیموتائوس 6:10

اَرِیَگه پیل‌دوسی ریشی کُلِ جور گَنیَ، وَه خاطر هَر ایی طَما پیلَسَ گه بِری اژ رئی ایمون اِرهاتِنَ، دردَل فِرِه‌ئونی کِردیَسَ گیژ ووژونا ئو زیَم‌دارا بینَ.

اول تیموتائوس 6:4

اژ قُراتی مَس بیَ ئو هُیچ نِمَفیَمی. هُنَ کسی ها هَلگَ‌هَلگ‌اِر اَرِه دَمَرَگَ ئو بَث اَر سر کِلمَه‌ل، گه اَژینی حَسوئی ئو مِرافَه ئو دُشمین ئو بدگُمونی هیزَمَگِری

دوئِم تیموتائوس 3:4

خیونتکار ئو بی‌مِلاحظَه ئو پِر اژ رِنگَریِن گه عِیاشی ویشتِر اژ خدا دوس دیرِن.

یعقوب 2:8

اَرّ هُمَه اِراسی اَ شریعت شاهونَه مِطابق نسخَه توراتَ بارینونَ جا، گه موشی: «اِجور گیو ووژِت اَر هُمسات مِحبت کَ،» کار خوتونی کِردیَ.

یعقوب 4:16

اِسگَه هُمَه وَه قُراتیتو افتخارَ مِهِینو. هُنَ افتخار کِردِنی گَنَ.

یعقوب 4:6

مِنتائای فیضی گه خدا موئَشخیَ بینتو، ویشتِر اژ یَسَ. اِسَه اِنوم امثال سلیمانَ موشی: «خدا موسی اَر نوا آمَلی گه وَه ووژونَ مَنازِن، مِنتائای وَه آمَل فِروتن، فیضَ موئَشخی.»

اول پطرس 5:5

هُمِه‌یش اِاِ جِهالَل، فِربوبَر شیخَل بوئن. کُلتو اِ رفدارتو وَه‌گَرد یَکتِری جِنِک تاواضی بِهَنِ وَر، اَرِیَگه، «خدا موسی اَر نوا کسَلی گه قُراتِن، مِنتائای فیضَ موئَشخیَ کسَلی گه فِروتنِن.»

دوئِم پطرس 2:10

مصقوصاً اونَلی گه هانَ دُم هُواوهوس فاسد نفْس ووژونا ئو هر قدِرت‌واختیاری خوارَ مَذانِن. یوئنَ اَخِنَ گُرساخ ئو قُراتِن گه اژ کِفِر کِردِنَ کَلِنگَل آسمونی زِلَئو نِمَچو؛

دوئِم پطرس 2:12

مِنتائای اونَل اِجور جونورَل بی‌شعوری گه وَه غریزَه رفدارَ مَهَن ئو هاتِنَسَ دی گه بِکُوئِنِ تِلَه ئو نابود بوئن، قصَه‌ل گَنَ موشِنَ چیئَلی گه درکی اَژینو نِرِن ئو اِنوم نابودی ووژو، نابودَ موئن

دوئِم پطرس 2:18

اَرِیَگه وَه قصَه‌لی گه وَه دَنگ کَلِنگ پر اژ قُراتی ئو نَفیَمیَ، اونَلی گه وَه ایی تازَه اژ چِنگ کسَلی گه اژ رئی اِرهاتِنَ حِواینَ، ماوژِنِ تِلَه شَوَتَل نفسونی ووژو.

دوئِم پطرس 2:3

اونَل اژ طَمائو، وَه یاری قصَه‌ل دِرو، خارَتتونَ مَهَن. مِنتائای مکومیَتو گه وِرِکار مَیِّن بیَ، بیگار نَنیشتیَ ئو نابودیو نَحیوَتیَ!

یهودا 1:16

یوئنَ هَر خُت‌خَتَ مَهَن ئو گِلِیَ مَهَن ئو هانَ دُم هُواوهوسَل گنابار ووژونا؛ یوئنَ چِنَه‌مِفتَل قُراتِن ئو وَه نفع ووژو جونِمداریَ مَهَن.

مِکاشفَه 13:1

اَسَه دیم یِه جونور وَشی اژ دریا ماءَ دِریر. دیَه شاخ داشدی ئو هفت سر، وَه‌گَرد دیَه تاج اَر شاخَلی؛ ئو اَرنوم هر سر اَژینی نُم کِفِرداری نُیسیائی.

مِکاشفَه 16:11

ئو وَه خاطر ژُنَل ئو زیَمَل ووژو کِفِرونَ موئتَ خداءِ آسمو، ئو اژ کارَل ووژو توئه‌ئو نَهَرد.

مِکاشفَه 16:21

ئو اژ آسمو توئِرگ سخدی رِشیا اَر سر مردِم‌اِرا، گه هر گِلِه، مَری پنجا کیلو بی؛ ئو مردِم وَه خاطر ایی توئِرگَ کِفِر خدائو کِرد، اَرِیَگه بِلا فِرَه سخدی بی.

مِکاشفَه 16:9

ئو مردِم اژ زور گرما سُتِن ئو کِفِرو وِتَ نُم خدا گه اَر ایی بِلائِلَ قدِرت دیری، مِنتائای توئه‌ئو نَهَرد ئو اوُ جِلال نا.