دوئِم تیموتائوس 3:16 - کتاب مقدس به زبان لکی - گویش مرکزی

¹⁶ کُل نُسَخ مقدّس حَفار دَم خداءَ ئو اَرِه تیَلیم ئو خِض اَر خطائَل، اصِلاح ئو تربیت اِ صالح‌بیئین فادَه دیری.

دوئِم تیموتائوس 3:16 Iomraidhean Croise

مَتّی 13:52

عیسی وِتی‌ئونو: «اِسَه، هر مَلِم توراتی گه اِبارَه پاتِشائی آسمو تیَلیم گِرتوئیتی، هر گا صائای‌مالی کَ گه اژ خزینَه ووژ چیئَل نوو ئو کُینَه ماریَ دِریر.»

مَتّی 21:42

اَسَه عیسی وِتی‌ئونو: «مَر تاگَه اِسگَه اِنوم کِتاو زبور داوودتو نَحیوَنیَ گه، «”بَردی گه مِمارَل رَدو کِرد، بیَ بَرد بِنچین ساخدِمو. یَه کار خداون بی، ئو وَه چیَم ایمَه بِلُجوئیا مای“؟

مَتّی 22:43

عیسی وِتی: «اِسَه چطور داوود وَه هدائَت روحِ خدا، وَه خداون هِنا مِهِیتی؟ اَرِیَگه اِنوم کِتاو زبور داوودَ موشی:

مَتّی 26:54

مِنتائای اَرّ هُنَ بو چطور پیشگوئیَل نُسَخ مقدّس اَنجومَ مَگِری گه موشی ایی اتفاقِلَ باس بِکُوءِ؟»

مَتّی 26:56

مِنتائای یوئنَ کُل اتفاق کَت تاگَه پیشگوئیَل پِخَمَرَل اِنوم نُسَخ مقدّس اَنجوم بِگِری.» اَسَه کُل شاگردَل اوُ هُیشتَ جا، حِیواین.

مَرقُس 12:24

عیسی وِتیَ بینو: «هَرایی قصَه ووژ نِشو نِمِ گه هُمَه اژ رئی اِرهاتینونَ، اَرِیَگه نه اژ نُسَخ مقدّس چیئی مَذانینو ئو نه اژ قدِرت خدا؟

مَرقُس 12:36

داوود، ووژ وَه هدائَت روح‌القدس اِنوم کِتاو زبور وِتیَسی: ”خداون وَه خداونِ مِه وِتی: «بِنیش اَر دس راس مِه تاگَه دشمنَلِت باوژمِ ژیر پائلِت.»“

یوحنا 10:35

اَرّ اونَلی گه کلوم خدا رَسیَسَ بینو، - ’خدائَل‘ هِناءَ موئن -ئو هُیچ جا اژ نُسَخ مقدّس بی اِتِبار نِماو-

یوحنا 3:20

اَرِیَگه هر کی گه کارَل گَنَ مِهِه اژ نُیر بیزارَ ئو نِمای اَرِه تک نُیر، تاناخواد کارَل آشگار بوتی ئو رُسبا بو.

کارَل رسولَل 1:16

اَسَه وِتی: «اِاِ بِرال، اَ نُسَخ مقدّسَ باس اَنجومَ موئیا گه روح‌القدس وِرِکار وَه زوئو داوودِ پاتِشا اِبارَه یهودا وِتی، هَر اَوَه گه رَنِما اونَلی بی گه عیسی‌ئو گِرت.

کارَل رسولَل 18:25

اِ رئی خداون تیَلیم گِرتوئیتی ئو وَه آگِر روح‌القدس قصَه مَهَردی ئو اِبارَه عیسی خو تیَلیمَ ماتی، وَه‌یاآگه فَخَد اژ خُسِل تیَمید یحیی خَوَر داشدی.

کارَل رسولَل 20:20

هُمَه مَذانینو گه چطور اژ اِلوم چیئَلی گه فادَه‌تون اَرِه داشدی، دریخِم نَهَرد، بلکِم اِنوم جیَم ئو مال اَر مال تیَلیمِم داینو.

کارَل رسولَل 20:27

اَرِیَگه مِه بی‌کمِ‌کسر، کُل کلوم خدام اِلوم کِردیَس اَرینتو.

کارَل رسولَل 28:25

اِسَه هَرهُنَ گه دَمَرَگئونَ گَرد یَکَ مَهَرد، اژ اورَه چِن. مِنتائای وِر اژ یَگه اژ اورَه بِچِن، پولُس قصَه آخِر ووژ کِردی ئو وِتی: «روح‌القدس چَنی خوءَ گَرد باوَه‌ل هُمَه قصَه کِردی، اَسَه گه وَه‌سونگَ اِشعیا پِخَمَر وِتی:

رومیان 15:4

اَرِیَگه هر چی گه اژ قدیم نُیسیاءَ، اَرِه تیَلیم ایمَه بی تا وَه‌سونگَ پایاری ئو دلگُوئی‌ای گه نُسَخ مقدّسَ موئَشخی‌ئونمو، امیدمو داشدوئی.

رومیان 2:20

مِربی نایونَل ئو مَلِم آیلَل گُجَرین، تو گه اِ شریعت، میَرفت ئو حخیخت اَجورَ گه ماو بوئینینی دیرین،

رومیان 3:2

فِرَه، اژ کُل لِحاظی. اول یَگه کلوم خدا وَه اَمونت سپارتیاس‌ئونو.

رومیان 4:23

مِنتائای ایی قصَه «اَرِه او وَه حساو یِهات»، فَخَد اَرِه او نَنُیسیا

اول قرنتیان 12:7

عطائَل روحِ خدا اژ هر کی گه دیارَ ماو اَرِه خِریَّت کُل ایمودارِلَ.

غَلاطیَل 3:8

ئو تورات وِرِکار دیتی گه خدا خِرِیهودیَل وَه ایمو صالح وَه حساوَ ماری، وِر اژ یَه بشارت داتیَ ابراهیم گه «کُل قومَل وَه‌سونگَ تو بِرَکتَ مَگِرِن.»

دوئِم تیموتائوس 2:25

باس کسَلی گه اَرضدِنی وَه مِلائمت رَنِمائی کِ، هایتِر خدا صِلا توئَه بوئَشخیَ بینو تاگَه حخیخت بشتاسِن

دوئِم تیموتائوس 4:2

کلوم خدا موعظَه کَ ئو وخد ئو بی‌وخد آمادَه بو ئو وَه صبِر ئو تیَلیم کامل، رَنِمائی ئو توبیخ ئو تشویق بِهَه.

عِبرانیَل 11:1

اِسگَه ایمو، اطمینون اَر چیئَلی کَ گه امیدون‌ئون دیریم ئو زقین اَر چیئَلی گه هَنی نِموئینیم.

عِبرانیَل 3:7

اِسَه هَراَ جورَ گه روح‌القدسَ موشی: «ایمِرو، اَرّ دَنگ اوءَ مَشتوئینو،

عِبرانیَل 4:12

اَرِیَگه کلوم خدا زِنیَ ئو کارَ مِهِه ئو اژ هر شِمشیر دو‌دَمی تیژتِرَ، ئو هُنَ مَچو اِنوم گه نفْس ئو روح، گُشبَنَل ئو مَزگ سِخون‌یش جیاآ مِهِه، ئو فگِرَل ئو نیّت دلَل تشقیصَ مِ.