دوئِم تیموتائوس 3:14 - کتاب مقدس به زبان لکی - گویش مرکزی

¹⁴ مِنتائای تو سفدِسخد بوس اَرسر اَ چیئَه گه گِرتِتَسا ئو ایمونتَ بی آوِردیَ، اَرِیَگه مَذانین اژ چه کسَلی گِرتِتَسا.

دوئِم تیموتائوس 3:14 Iomraidhean Croise

کارَل رسولَل 17:31

اَرِیَگه یِه روژی مَیِّن کِردیَسی، گه اِ اَ روژَ وَه‌سونگَ پیای گه دیاری کِردیِ، اَر دنیا وَه عدالتا داوریَ مِهِه، ئو وَه زِنیا کِردِنی اژ مِردیَل ایی حخیختَ ثابت کِردیَسی اَر کُل کس.»

رومیان 14:5

یَکی یِه روژ بیتِر اژ روژَلی‌تِرَ مَذانی؛ یَکی‌تِر، کُل روژَل وَه یِه جورَ مَذانی. هر کی باس اِ فگِر ووژ، کامل اطمینو داشدوئیتی.

کولُسیَل 2:2

تاگَه دلگرم بوئن، اِنوم مِحبت بوئنَ یَکی ئو اژ پِری بی‌حدِحساو اطمینو کاملی گه اژ فیَمَ ماءَ دس بیَردارا بوئن ئو هُنَ راز خدا گه مسیحَ، بفیَمِن.

اول تِسالونیکیَل 1:5

اَرِیَگه انجیل ایمَه نه فَخَد وَه قصَه بلکِم اِنوم قدِرت ئو اِنوم روح‌القدس ئو وَه اطمینو کامل رَسیَ هُمَه. هُنَ گه مَذانینو وَه خاطر هُمَه چطور اِنومتو رفدارمو کِرد.

اول تِسالونیکیَل 2:13

ئو ایمِه‌یش یِمِجو اَرِه یَه شگِر خداءَ مِهِیم، گه وخدی چینون‌ِ گِرد کلوم خدا گه اژ ایمَه‌تو شنَفت، اَوتونَ نه اِجور کلوم اِنسو بلکِم اِجور کلوم خدا قبول کِرد، گه اِراسی‌ش هَس، کلومی گه اِنوم هُمَه ایمودارَل کارَ مِهِه.

اول تیموتائوس 4:16

خو، ویرت اَر ووژت ئو تیَلیمی گه مِین، بو. بوس اَرسر یَه، اَرِیَگه اَرّ هُنَ بِهِین هم ووژِت ئو هم کسَلی گه گوشتَ میَنَ بی نجادَ مِین.

دوئِم تیموتائوس 1:13

اِنوم ایمون ئو مِحبتی گه ها نوم مسیحْ عیسی‌اِر، سفدِسخد بچسب اَر اَ چیئَه گه اژ مِنِت شنَفتیَ اِجور سرمقش تیَلیم دُریسی.

دوئِم تیموتائوس 2:2

ئو اَ چیئَه گه اَرتَک شاتَل فِرِه‌ی اژ مِنِت شنَفتیَ، بسپارتیَ آمَل وفاداری گه مَتونِن یاء باقی‌ش دَن.

دوئِم تیموتائوس 3:15

ئو چطور هِر اژ آویلی نُسَخ مقدّسِت ذِناسدیَ، گه مَتونی حکمتتَ بی دِ گه نجاد وَه‌سونگَ ایمون اَر مسیحْ عیسیَ.

تیتوس 1:9

او باس سفدِسخد بچسبی‌ اَر کلوم لائق اِتِمادی گه گِرتیَسیا، تاگَه بتونی مِطابق تیَلیم دُریس تربیت کِ، ئو هَمیش خِض بِهِه اَر کسَلی گه اَرضد یَئنَ.

عِبرانیَل 10:22

بورِن وَه دلی رُی‌راس ئو اطمینو کاملِ ایمو نزیکا بوئیمون اَر خدا ئو، هُنَ گه دلَلمو اژ وِژدان گَن پاکا کِردیَ ئو لارَلمو وَه آو پاک شوریَ؛

عِبرانیَل 6:11

آواخدمو یَسَ گه هرکُم اژ هُمَه هَر ایی خیرَتَ تاگَه آخِر حفظ کِ تاگَه امیدتو کامل وَه اَنجوم برَسی،