دوئِم تیموتائوس 2:3 - کتاب مقدس به زبان لکی - گویش مرکزی

³ اِجور سَرواز خو مسیحْ عیسی، اِ عذاوَل طاختِت داشدوئی.

دوئِم تیموتائوس 2:3 Iomraidhean Croise

کارَل رسولَل 23:31

اِسَه سَروازَل مِطابق فِربونی گه گِرتوئیو، وَه شوآ پولُسونَ گَرد ووژو بِرد تاگَه شیَر آنتیپاتْریس.

اول قرنتیان 13:7

مِحبت وَه‌گَرد کُل چیَ مَسازی، کُل چی باوار دیری، هَر امید دیری ئو کُل چی تیَمِلَ مِهِه.

اول قرنتیان 9:7

کُمین سَروازَ گه وَه خرج ووژ خِلمت بِهِه؟ کیَ گه باخ انگویر باوژی ئو اژ میوَه نیرتی؟ کیَ گه ریئَنی شوئونی کِ ئو اژ شیر اَوَه بیَر نیَری؟

دوئِم قُرَنتیان 1:6

اَرّ هایمونِ سخدی، وَه خاطر دلگُوئی ئو نجاد هُمِئَه، ئو اَرّ دلگُوئی دیریم، هَنی اَرِه دلگُوئی هُمِئَه، گه وخدی هُمِه‌یش هَراَ عذاوِلَ مَکیشینو گه ایمَه مَکیشیم ئو وَه صبِر طاخَتَ مارینو، وَه کارَ مای.

اول تیموتائوس 1:18

اِاِ کُرِم، تیموتائوس، ایی فِربونتَ مَسپارِمَ بی، مِطابق نبوّتَلی گه وِرِکار اِبارَه تو بی تاگَه وَه یاریو اَ جنگ خوءَ، بِهِین.

دوئِم تیموتائوس 1:1

اژ پولُس گه وَه خواس خدا ئو وَه خاطر وَدَه ژییاینی گه ها نوم مسیحْ عیسی‌اِر، رسول مسیحْ عیسیَ.

دوئِم تیموتائوس 1:8

اِسَه اژ شاتی دائِن اَر خداون ایمَه عارِت نای ئو اژ مِن‌یش گه وَه خاطر او هامِ زندون‌اِر، بلکِم تونیش وَه قدِرت خدا اِ عذاو کیشین وَه خاطر انجیل شریک بو.

دوئِم تیموتائوس 2:10

اِسَه مِه کُل چی وَه خاطر کسَلی گه دیاری بینَ تیَمِلَ مَهَم تاگَه اون‌یش نجادی‌ گه ها نوم مسیحْ عیسی‌اِر، وَه‌گَرد جِلال ابدی بارِنَ دس.

دوئِم تیموتائوس 2:9

وَه خاطر اَوَه‌‌سَ گه عذاوَ مَکیشِم، هُنَ گه اِجور جنائَتکاری هامِ زنجیراِر. مِنتائای کلوم خدا اِ زنجیر نیَ.

دوئِم تیموتائوس 3:11

ئو اژ آزارَل ئو عذاوَلی گه اِ اَنطاکیَه، قونیَه ئو لِستْرَه هاتَ سرِم ئو آزارَلی گه تیَمِلِم کِرد، خَوَر دیرین. وَه ایی حالا، خداون اژ کُل اونَ نجادِم داتی.

دوئِم تیموتائوس 4:5

مِنتائای تو هَر هوشیار بو، سخدیَل تیَمِل بِهَه، کار اِلوم انجیل اَنجوم دَ، ئو خِلمت ووژِت تمومِ‌کمال برَسِنَ آخِر.

فیلیمون 1:2

وَه خُیَه‌مو آپْفیا ئو هُم‌قطارمو آرخیپوس، ئو وَه کلیسای گه ها نوم مالت‌اِر:

عِبرانیَل 10:32

اَ روژَل وِر اژ یَه بارنَ ویرتو، زمونی گه تازَه نُیردارا بوئینو؛ اِ اَ روژِلَ، اِ جنگ کَلِنگیَ گَرد عذاوَل طاختتو آوِرد.

عِبرانیَل 11:27

وَه ایمو بی گه موسی بی‌یَگه زِلَه اژ خَضو پاتِشا بِچوتی اژ مصر کِردیَ دِریر، اَرِیَگه او طاخَت آوِردی، اِجور کسی گه اَوَه گه نِماو بوئینینی، موئینی.

عِبرانیَل 6:15

ئو وَه ایی جورَ، ابراهیم دُما یَگه وَه صبِر چیَمَ‌رئی مَن، وَدَه آوِردیَ دس.

یعقوب 1:12

خَوزگالَ کسی گه اِنوم اِنتحونَل طاخَتَ ماری، اَرِیَگه وخدی اِ اِنتحو سربِلِنگ بو، اَ تاج ژییاینَ ماریَ دس گه خداون وَدَه داسیَ دوسدارَل ووژ.