دوئِم تیموتائوس 2:26 - کتاب مقدس به زبان لکی - گویش مرکزی

²⁶ ئو بانَ سر ووژو ئو اژ تِلَه ابلیس بِحوان گه اونَل اسیر کِردیِ گه خواس او بارِنَ جا.

دوئِم تیموتائوس 2:26 Iomraidhean Croise

لوقا 11:21

وخدی پیا زورداری وَه اسلحَه کامل، اژ مال ووژ نگبونی کِ، مالِ‌منال او ها اَمون‌اِر.

لوقا 15:17

دُماخِرِ هاتِ سر ووژ ئو وِتی: ”خُلُمَل باوَه‌م چَنی خوراک زیاکی‌یش دیرِن، مِنتائای مِه اَر ایرَه دیرِم اژ وِرسِنیَ مَمِرِم.

لوقا 5:10

یعقوب ئو یوحنا، کُرَل زِبِدی‌یش، گه هُمکار شَمعون بین، هَر ایی حالونَ داشدَ. عیسی وِتیَ شَمعون: «زِلَت نَچو، اَژیرِ دُما اِجال مای، مردِم صیدَ مِهِین.»

یوحنا 13:2

موقَع شُم بی. ابلیس وِرِکار نایت‌ِ دل یهودا اَسخَریوطی، کُر شَمعون، گه عیسی بیَ گیر دشمن.

یوحنا 13:27

هَر یَگه یهودا گُپ نونِهَه گِرتی، شِطو چِتیِ دَرین. اَسَه عیسی وِتیَ بی: «اَ چیئَه گه مِ اَنجوم بِین، زویتِر اَنجوم دَ.»

کارَل رسولَل 26:18

تاگَه چیَمَلو واز کِین تاگَه اژ تیَریکی ویرِ روشتایی ئو اژ قدِرت شِطو گِلارِن ویرِ خدا، تاگَه وَه‌سونگَ ایمون اَر مِه گنائَلو بَشخیا بو ئو اِنوم کسَلی گه تقدیس بینَ، بیَرونی داشدوئی.“

کارَل رسولَل 5:3

پطرس وِتون: «حَنانیا، اَرّا هُیشتِت شِطو دلِت پِرا کِ، گه دِرو بوشینَ روح‌القدس ئو قِیلی اژ پیل زمینِهَه اَرِه ووژِت هیزدِین؟

اول قرنتیان 15:34

اژ ایی گیژی مَسیَ بورنَ دِریر ئو دیَر گنا نَهَن؛ اَرِیَگه بِری هَن گه خدا نِمَشتاسِن. یَه موشِم تاگَه خجالتا بوئینو.

دوئِم قُرَنتیان 2:11

تاگَه شِطو سر ایمَه فن نِ، اَرِیَگه اژ فنِ‌فیتَلی بی‌خَوَر نیئیمو.

اَفِسُسیَل 5:14

اَرِیَگه هر چیئی گه آشگارا ماو نُیرَ. اَژونَسَ موشی: «اِ کسی گه هاینِ خاواِر، بوءَ خَوَر، اژ مِردیَل هیزگِر، ئو مسیح مَدَرشخی اَرینِت.»

کولُسیَل 1:13

اَرِیَگه قدِرت تیَریکی اژ ایمَه آوشدیَسِ لا ئو جاوازمو کِردیَسیَ پاتِشائی کُر عزیزگرامی ووژ،

اول تیموتائوس 1:20

هیمِنائوس ئو اسکندر اژ ایی دَسَه‌نَ، گه سپارتِنمَسَ شِطو تا عبرت بِگِرِن دیَر کِفِر نَهَن.

اول تیموتائوس 3:7

اِلانَه باس اِنوم کسَلی‌شی گه اِ کلیسا هانَ دِریر نیکنُم بو تا رُسبا ناو ئو نَکُوءِ تِلَه ابلیس.

مِکاشفَه 12:9

ئو اُژدها کَلِنگو آوشدَ هُار، هَراَ مار قدیمیَ گه ابلیس ئو شِطو نُمَسی، اَوَه گه کُل دنیا اژ رئی اِرَماری. اوُ آوشد اَر زَمی، ئو فریشدِه‌لِهِیشی وَه‌گَرد اوُ آوشد اَر زَمی.