دوئِم تیموتائوس 2:22 - کتاب مقدس به زبان لکی - گویش مرکزی

²² اِسَه اژ هُواوهوس جِهالی بِحوا، ئو وَه‌گَرد اونَلی گه وَه دل پاک هِنا مَهَن اَر خداون، وَه دُم صالح‌بیئین، ایمو، مِحبت ئو صُئلا بو.

دوئِم تیموتائوس 2:22 Iomraidhean Croise

کارَل رسولَل 7:59

وخدی اونَل داشدو استیفانو سنگسارَ مَهَرد، او دوعا کِردی وِتی: «اِاِ عیسیِ خداون، روحِ مِه قبول کَ!»

کارَل رسولَل 9:14

ئو اَر ایریشَ اژ جونِم رِیئسَل کاهنَل قدِرت‌واختیار دیری تاگَه هر کس گه نُم تو باری اَر زوئو، زندونی کِ.»

رومیان 14:17

اَرِیَگه پاتِشائی خدا هُاردِن ئو خُرّدائن نیَ، بلکِم صالح‌بیئین، صُئل‌وسِلامتی، ئو خَوشی اِنوم روح‌القدسَ.

رومیان 14:19

اِسَه بورِن وَه دُم چیئیکا بوئیمو گه باعث صُئل‌وسِلامتی ئو تقویت ایمو یَکتِریَ ماو.

اول قرنتیان 1:10

اِاِ بِرال، وَه نُم خداونمو عیسی مسیح خواهشد اَژینتونَ مَهَم گه کُل یِه دل بوئن ئو جیاکی نَکُوءِ نومتو، بلکِم فگِر ئو عخیدَه‌تو، یَکی بو.

اول قرنتیان 1:2

وَه کلیسا خدا اِ شیَر قُرَنتُس، وَه اونَلی گه اِنوم مسیحْ عیسی تقدیس بینَ ئو دَوَت بینَ گه زِنِه‌ی مقدّسو داشدوئی، وَه‌گَرد کُل کسَلی گه اِ هر جای‌تِر نُم خداونمو عیسی مسیحَ مَپِرَسِن، گه خداون ایمَه ئو خداون اونِلَ:

اول قرنتیان 10:14

اِسَه اِاِ عزیزَل، اژ بِت‌پِرَسی بِحوان.

اول قرنتیان 14:1

رئی مِحبت بِگِرِنِ وَر ئو اژ تیَه دلا وَه دُم عطائَل روحانیا بوئن، مصقوصاً یَگه نبوّت بِهِینو.

اول قرنتیان 6:18

اژ بی‌عصمتی بِحوان! هر گنای‌تِر گه اِنسو بِهِه، اژ لاری اِدِرَ، مِنتائای کسی گه بی‌عصمتیَ مِهِه اَر لار ووژ گنا مِهِه.

اول تیموتائوس 1:14

ئو فیض خداونمونَ گَرد ایمون ئو مِحبتی گه ها نوم مسیحْ عیسی‌اِر، چَل‌چَل رِشیا اَر سر مِن‌اِرا.

اول تیموتائوس 1:5

مصقود ایی فِربون ایمَه مِحبتَ، گه اژ دل پاک، وِژدان خو ئو ایمو رُی‌راسَ مای.

اول تیموتائوس 2:8

ایلَهَه آواخدِم یَسَ گه پیال اِ کُل جا، بی خِض ئو مِرافَه، دَسَل مقدّس اَرِه دوعا بِگِرِنِ رُ.

اول تیموتائوس 4:12

نِیل هُیچ‌کس وَه خاطر جِهالیِت خوارِت کِ، بلکِم اِ قصَه کِردِن ئو کردار ئو مِحبت ئو ایمون ئو پاکی، سرمقش کُل ایمودارَل بو.

اول تیموتائوس 6:11

مِنتائای تو اِاِ پیا خدا، اژ کُل یوئنَ بِحوا، ئو بِچُ اَدُم صالح‌بیئین ئو دینداری ئو ایمون ئو مِحبت، دَرین‌داری ئو مِلائمت.

عِبرانیَل 12:14

فِرَه تقِلا بِهَن تاگَه وَه‌گَرد کُل مردِم اِ صُئل بوئینو ئو مقدّس بوئینو، اَرِیَگه وَه بی‌اَوَه هُیچ‌کس خداون نِموئینی.

اول پطرس 2:11

اِاِ عزیزَل، خواهشد اَژینتونَ مَهَم اِجور کسَلی گه اِ ایی دنیا بیگونَه ئو خَریوِن، اژ هُواوهوسَل جسم گه وَه‌گَرد روحِ هُمَه هانَ جنگ‌اِر دویرا بِگِرِن.

اول پطرس 3:11

باس اژ گَنی دویرا بِگِری ئو خوئی بِهِه؛ وَه مِنِی صُئلا بو ئو بِچوتیَ تُرّا.

سِئِم یوحنا 1:11

اِاِ عزیزِم، گَنیَ سرمقش ووژِت نِهَه بلکِم اژ خوئی سرمقشا بِگِر؛ کسی گه خوئیَ مِهِه، اژ خداءَ، آم گَنَ‌کار هرگِس خدا نِئیَسی.