دوئِم تیموتائوس 2:19 - کتاب مقدس به زبان لکی - گویش مرکزی

¹⁹ وَه ایی حالا بِناوَه موکَمی گه خدا ناسی، پایارَ ئو هُنَ میر بیَ گه: «خداون کسَل ووژَ مَشتاسی،» ئو «هر کی نُم خداون باریَ زوئو باس اژ نادُریسی دویرا بِگِری.»

دوئِم تیموتائوس 2:19 Iomraidhean Croise

مَتّی 24:24

اَرِیَگه مسیحَل دِروزِنِ ئو پِخَمَرَل دِروزِنِ هیزَمَگِرِن، ئو نشونَه‌ل ئو مُجِزَه‌ل کَلِنگی اَنجومَ میَن تاگَه اَرّ بو، جُ‌جُ کسَلی گه دیاری بینَ اژ رئی اِربارِن.

مَتّی 28:19

اِسَه بِچِن ئو کُل قومَل بِهَنَ شاگرد مِه ئو اونَل وَه نُم باوَه، کُر ئو روح‌القدس خُسِل تیَمید دَن

مَتّی 7:23

مِنتائای اِلومَ مَهَم اَرِنو، ”هرگِس هُمَه‌م نَشتاسیَ. اژ مِه دویرا بِگِرِن، اِاِ گَنَ‌کارَل!“

مَتّی 7:25

وارُ واری ئو لافاو کَتِ رئی ئو واهوفَه‌ل هاتِن ئو زورو آوِرد اَر مالِهَه، اِرنَرِمیا، اَرِیَگه پِ اَرسر کُچِک بیتی.

مَرقُس 12:16

سکَه‌ئونی آوِرد. اَژینو پِرسیتی: «نَشق ئو نُم کی هار رُی ایی سکَه؟» جوواوُ دا: «نَشق ئو نُم امپراطور روم.»

مَرقُس 13:22

اَرِیَگه مسیحَل ئو پِخَمَرَل دِروزِنِ آشگارَ موئن، نشونَه‌ل ئو مُجِزَه‌ل اَنجومَ میَن تاگَه اَرّ بو، کسَلی گه دیاری بینَ اژ رئی اِربارِن.

لوقا 13:27

مِنتائای اوءَ موشی‌ئونِت: ”موشِم‌ئونتو، نِمَذانِم اژ کو هاتینونَ. کُل اژ مِه دویرا بِگِرِن، اِاِ گَنَ‌کارَل!“

لوقا 6:48

او اِجور کسی کَ گه اَرِه مال آوشدِنی، زَمی قویل کَنی ئو پِ مال نا اَررُی کمر. وخدی لاف هات ئو لافاو، هاوِنت اَر مالِهَه، نتونستی تَکو دِیتی اَرِیَگه موکَم سازیائی.

یوحنا 10:14

مِنِم اَ شوئو خوءَ. مِه کاوِرَل ووژمَ مَشتاسِم ئو کاوِرَل‌یش مِنَ مَشتاسِن،

یوحنا 13:18

«اَ چیئَه گه موشِم اِبارَه کُل هُمَه نیَ. مِه اونَلی گه دیاریِم کِردیَ، مَشتاسِم. مِنتائای ایی نُخسَه مقدّسَ اِنوم زبور باس اَنجوم بِگِری گه ”اَوَه گه نُو مِنَ میری، اَرضد مِه هیزگِرتیِ.“

یوحنا 3:33

اَوَه گه مَچوءِ گِرد شاتی او، میر تاییدَ مِ اَر یَگه خدا حخیختَ.

کارَل رسولَل 11:26

ئو وخدی دیا، او آوِردی اِرَه اَنطاکیَه ئو یِه سال تموم اَر اورَه اِنوم کلیسا جیَمَ موئیان ئو مردِم فِرِه‌ئونی تیَلیمَ ما. اِنوم اَنطاکیَه بی گه اَرِه گِل اول وِتونَ شاگردَل ’مسیحی‘.

کارَل رسولَل 15:17

تاگَه باقی نسِل بشر کُل، اِ مِنِی خداون بوئن، کُل خِرِیهودیَلی گه نُم مِنو ها رُی. خداونی گه یَه اَنجومَ مِه، هُنَ موشی،

کارَل رسولَل 9:14

ئو اَر ایریشَ اژ جونِم رِیئسَل کاهنَل قدِرت‌واختیار دیری تاگَه هر کس گه نُم تو باری اَر زوئو، زندونی کِ.»

رومیان 11:2

خدا قوم ووژ گه وِرِکار شناسیتی، رد نَهَردیَسی. مَر نِمَذانینو نُسَخ مقدّس اِبارَه ایلیا پِخَمَر چَه موشی؟ یَگه چطور اژ دس قوم اسرائیل اَرتَک خدا گِلِی کِردی ئو وِتی:

رومیان 12:9

مِحبت باس خالص بو. اژ گَنی بیزار بوئن ئو سفدِسخد بچسبِنَ اَ چیئا گه خوءَ.

رومیان 15:20

آواخدِم هَر یَه بیَسَ گه انجیل اِ جای موعظَه بِهَم گه تا اِسگَه نُم مسیحو نَشتَفتیَ، تاناخواد اَرسر بِناوَه کسی‌تِر، بسازِم،

رومیان 15:9

ئو تاگَه قومَل خِرِیهود، خدا اَرِه ریَمَتی جِلال دَن. هَرهُنَ گه اِنوم نُسَخ مقدّس نُیسیاءَ: «وَه ایی خاطرَ، تون اِنوم قومَل خِرِیهود، شُگِرَ مَهَم، ئو اَرِه نُم تو دَنگ اِرَمارِم.»

رومیان 8:28

ئو ایمَه مَذانیم اَرِه اونَلی گه خدا دوس دیرِن ئو مِطابق خواس او دَوَت بینَ، کُل چیئَل وَه‌گَرد یَک اَرِه خِریَّت کارَ مَهَن.

رومیان 9:11

وَه‌یاآگه وِر اژ یَگه بانَ دی، ئو کار خو یاگَه گَنی اَنجوم دَن -اَرِیَگه مصقود خدا اژ دیاری کِردِن پایار بِمینی، نه وَه خاطر کارَلی گه مَهَن، بلکِم وَه خاطر اَوَه گه دَوَتَ مِهِه-

اول قرنتیان 1:2

وَه کلیسا خدا اِ شیَر قُرَنتُس، وَه اونَلی گه اِنوم مسیحْ عیسی تقدیس بینَ ئو دَوَت بینَ گه زِنِه‌ی مقدّسو داشدوئی، وَه‌گَرد کُل کسَلی گه اِ هر جای‌تِر نُم خداونمو عیسی مسیحَ مَپِرَسِن، گه خداون ایمَه ئو خداون اونِلَ:

اول قرنتیان 8:3

مِنتائای اَ کسَ گه خدا دوس دیری، وَه‌سونگَ خدا شناسیا ماو.

دوئِم قُرَنتیان 7:1

اِاِ عزیزَل، اِسگَه گه ایی وَدِه‌لَ دیریم، بورِن ووژمو پاکا کِیم اژ هر ناپاکی جسم ئو روح، ئو وَه ترس اژ خدا، مقدّس‌بیئین برَسِنیمَ کمال.

غَلاطیَل 4:9

مِنتائای اِسگَه گه خداءَ مَشتاسینو، یاگَه بیتِرَ بوشِم، خدا هُمَه مَشتاسی، چطورَ مَتونینو اِدوارَه گِلابیرینو ویرِ قانونَل سُس ئو بی‌ارزشد ایی دنیا ئو مِتو اِدوارَه بَنَه اونَل بوئینو؟

اَفِسُسیَل 2:20

ئو اَر رُی بِناوِه‌ی گه رسولَل ئو پِخَمَرَلو ناءَ بِنا بینونَ، گه مسیحْ عیسی ووژ، بَرد بِنچین اَوَه‌‌سَ.

اَفِسُسیَل 3:15

هر خانوادَه اِنوم آسمو ئو اَر رُی زَمی، نُم ووژ اژ اوءَ مَگِری،

اَفِسُسیَل 4:30

روحِ قدوس خدا گه وَه او اَرِه روژ نجاد میر بینونَ، خَمین نَهَن.

اول تیموتائوس 3:15

تا اَرّ دیر بی، بِذانین گه اِنوم مال خدا گه کلیسا خداءِ زِنی ئو کول ئو پِ حخیختَ باس چطور رفدار بو.

اول تیموتائوس 6:19

وَه هُنَ، گنجی اَرِه ووژونَ ماوژِنِ پِ دس گه ماوَ پِ خوئی اَرِه آیندَه‌ئو، تاگَه بچسبِن اَر اَ چیئَه گه ژییاین حخیخیَ.

عِبرانیَل 11:10

اَرِیَگه چیَمَ‌رئی شیَری بی گه بِناوَه داشدوئیتی، گه مِمار ئو بنّای خداءَ.

دوئِم پطرس 3:14

اِسَه اِاِ عزیزَل، اِسگَه گه چیَمَ‌رئی ایی چیئَلینونَ، خو تقِلا بِهَن تا اَرتَک او بی‌لکَه ئو بی‌عِو ئو اِنوم صُئل بوئینو.

اول یوحنا 2:19

اونَل اِنوم ایمَه چِنَ دِریر، مِنتائای اژ ایمَه نوئین؛ اَرِیَگه اَرّ اونَل اژ ایمَه بیان، مَمَنِنَ گَرد ایمَه. مِنتائای اونَ چِنَ دِریر تا یَه بِکُوءِ در گه هُیچ‌کُم اژ اونَ اژ ایمَه نیِن.

مِکاشفَه 17:8

اَ جونور وَشیتَ گه دی، زمونی بیتی، اِسگَه نیَسی، ئو وَه ایی زویَ اژ چا هاویَه ماءَ دِریر ئو نابودَ ماو. اونَلی گه لیزو گِرتیَس اَررُی زَمی ئو اژ بِنیا دنیا نُمون اِنوم دفتر ژییاین نَنُیسیاءَ، وخدی اَ جونور وَشیَ بوئینِن اژ ووژونا مَچِن، اَرِیَگه زمونی بیتی، اِسگَه نیَسی، ئو مای.

مِکاشفَه 2:13

مَذانِم جالیزِت هار کو، اَر اورَه گه تخت پاتِشائی شِطونَ. وَه ایی حالا سفدِسخد چسبینَس اَر نُم مِنا ئو ایمونی گه اَر مِنِت داشد، حاشا نَهَرد، جُ‌جُ اِ روژَلی گه آنتیپاس، اَ شات وفادار مِنَ، اِنومجا هُمَه گه جالیز شِطونَ، کُشیا.

مِکاشفَه 21:14

ئو تیخَه شیَر دوازَه بِناوَه داشدی گه اَر اونَل دوازَه نُم دوازَه رسول وَرک نُیسیائی.

مِکاشفَه 22:4

اونَل نوم‌رُیَ موئینِنی ئو نُم هایتی اَرنوم توئلو.

مِکاشفَه 3:8

کارَل تونَ مَذانِم. سِیل کَ، دِراخِل وازکَریامی ناس اَر وَر تو گه هُیچ‌کس نِمَتونی بوئنتی. مَذانِم گه قویَت کمی دیرین، مِنتائای کلوم مِنِت حفظ کِردیَ ئو نُم مِنِت حاشا نَهَردیَ.