دوئِم تیموتائوس 2:18 - کتاب مقدس به زبان لکی - گویش مرکزی

¹⁸ گه اژ حخیخت اِرگیردینَ ئو موشِن زِنیا بیئِن اژ مِردیَل هَراِسگِه‌یشَ اتفاق کَتیَ، ئو دیرِن بِری اژ ایمونَ ماوژِن.

دوئِم تیموتائوس 2:18 Iomraidhean Croise

مَتّی 15:13

عیسی جوواوا داتی: «هر تویلی گه باوَه آسمونی مِه کِشت نَهَردوئیتی، اژ ریشی اِرَمای.

مَتّی 22:29

عیسی جوواوُنا داتی: «هُمَه اشتباءَ مِهِینو، اَرِیَگه نه اژ نُسَخ مقدّس چیئی مَذانینو ئو نه اژ قدِرت خدا!

لوقا 8:13

تُئمَلی گه مَکُوئِن اِنوم زَمی گُلور کسَلی کِن گه وخدی کلومَ مَشتوئِن، وَه خَوشی مَچِنیِ گِرد، مِنتائای کلوم اِنوم اونَل ریشیا نِمِ. یوئنَ مِدت کمی ایمو دیرِن، مِنتائای موقَع اِنتحو، ایمو ووژون اژ دسَ میَن.

کارَل رسولَل 5:39

مِنتائای اَرّ اژ خدا بو، نِمَتونینو شِکِسو دِینو، ناخواد گه ووژتون اِنوم جنگَ گَرد خدا بوئینینو!»

اول قرنتیان 11:19

اَرِیَگه باس‌یش چَن دسَه بیئِن اِنومتو بو تا کسَلی گه اِراسی ایمودارِن، شناسیا بوئن.

اول قرنتیان 15:12

اِسگَه اَرّ اِلومَ ماو گه مسیح اژ مِردیَل زِنیا بیَ، چطورَ ماو گه بِری اژ هُمَه مَتونینو بوشینو مِردیَل زِنیا نِموئن؟

کولُسیَل 3:1

اِسَه اَرّ وَه‌گَرد مسیح اژ مِردیَل زِنیا بینونَ، اِ دُم چیئَلیا بوئن گه هانِ بِلِنگ، جای گه مسیح نیشتیَس اَر دس راس خدا.

اول تیموتائوس 1:19

ئو بچسبَ ایمون ئو وِژدان پاک، اَرِیَگه کَشتی ایمو بِری وَه رد کِردِن ایی چیئِلَ حُیردِحَلو بیَ.

اول تیموتائوس 6:10

اَرِیَگه پیل‌دوسی ریشی کُلِ جور گَنیَ، وَه خاطر هَر ایی طَما پیلَسَ گه بِری اژ رئی ایمون اِرهاتِنَ، دردَل فِرِه‌ئونی کِردیَسَ گیژ ووژونا ئو زیَم‌دارا بینَ.

اول تیموتائوس 6:21

اَرِیَگه بِری گه ادعاکار ایی چیئِلَ بینَ، اژ رئی ایمون اِرهاتِنَ. فیضَ گَرد تو بو.

دوئِم تیموتائوس 2:14

یوئنِئونَ بارَ ویر ئو اَرتَک خدا هُشتارَ بینو دَ گه اَر سر کِلمَه‌ل دَمَرَگَ نَهَن، گه ثمری بِخِر اژ نابودی کسَلی گه مَشتوئِنی نِری.

تیتوس 1:11

اونَل باس دَمو بوئنی، اَرِیَگه وَه خاطر فادَه ناحخ، چیئَلی تیَلیمَ میَن گه نَباس تیَلیم دَن، ئو هُنَ خانوادَه‌ل بِن‌کُل نابودَ مَهَن.

عِبرانیَل 3:10

اَژونَبیَ، اژ دس اَ نسِلَ آگِر اژ سرِم چی، ئو وِتِم: ”یوئنَ هَر اِ دل ووژو اژرئی‌اِرهاتیِن، ئو رئیَل مِنو نَشتاسیَ؛“

یعقوب 5:19

اِ بِرال، اَرّ کسی اِنوم هُمَه اژ رئی حخیخت اِربای ئو کسی‌تِر گِلادِیتی،

اول یوحنا 2:19

اونَل اِنوم ایمَه چِنَ دِریر، مِنتائای اژ ایمَه نوئین؛ اَرِیَگه اَرّ اونَل اژ ایمَه بیان، مَمَنِنَ گَرد ایمَه. مِنتائای اونَ چِنَ دِریر تا یَه بِکُوءِ در گه هُیچ‌کُم اژ اونَ اژ ایمَه نیِن.