دوئِم تیموتائوس 2:15 - کتاب مقدس به زبان لکی - گویش مرکزی

¹⁵ تقِلا ووژِت بِهَه گه وَه دل خدا بوئین، اِجور عمِلِه‌ی گه دلیلی اَرِه خجالت نِری ئو کلوم حخیخت وَه دُریسَ میَریَ کار.

دوئِم تیموتائوس 2:15 Iomraidhean Croise

مَتّی 13:52

عیسی وِتی‌ئونو: «اِسَه، هر مَلِم توراتی گه اِبارَه پاتِشائی آسمو تیَلیم گِرتوئیتی، هر گا صائای‌مالی کَ گه اژ خزینَه ووژ چیئَل نوو ئو کُینَه ماریَ دِریر.»

مَرقُس 4:33

عیسی وَه متلَل فِرِه‌ی اِجور یَه، تا جای گه مَتونِستو بفیَمِن، کلوم خدا اَرِنونَ موئِتی.

لوقا 12:42

عیسی خداون وِتی: «اِسَه اَ پیشکار اَمونتدار ئو دونا کیَ گه اَرباوی بِنتی اَر سرپِرَسی خِلمتکارَل مال ووژ تاگَه بیَر خوراک اونَل اِ سر وخد بِ؟

کارَل رسولَل 2:22

«اِاِ پیال اسرائیل، یَه بشتوئِن: عیسیِ ناصری، پیای بی گه خدا وَه مُجِزَه‌ل ئو کارَل بِلُجوئی ئو نشونَه‌لی گه وَه دس او اِنوم هُمَه اَنجوم داتی، شاتی داتی اَر حَخ بیئین ووژ، هَرهُنَ گه ووژتو خوءَ مَذانینو

کارَل رسولَل 20:27

اَرِیَگه مِه بی‌کمِ‌کسر، کُل کلوم خدام اِلوم کِردیَس اَرینتو.

رومیان 14:18

هر کی هُنَ خِلمت اژ مسیح بِهِه، خدا قبولَ مِهِیتی ئو مردِم‌یش تاییدَ مَهَنی.

رومیان 16:10

وَه آپِلیس گه اژ اِنتحو ووژ اِنوم مسیح اِرهاتیَ، سِلام بِرَسِنِن. سِلام برَسِنِنَ هوز آریستوبولُس.

رومیان 6:13

عضا لار ووژتو تسِلیم گنا نَهَن تاگَه وسیلَه‌ ناراسی بوئن، بلکِم اِجور کسَلی گه اژ مرگ گِلوناهُاردیَسَ زِنِه‌ی، ووژتو تسِلیم خدا کَن تاگَه عضا لارتو اَرِه خدا وسیلَه‌ راسی بوئن.

اول قرنتیان 2:6

وَه ایی حالا، ایمَه اِنوم کسَلی گه کَلِنگِن، حکمتَ موشیم، مِنتائای نه حکمتی گه هِن ایی زمونَه یاگَه حکِمرونَل ایی زمونِئَه گه مَکومِن تاگَه اژ بِن بِچِن،

دوئِم قُرَنتیان 10:18

اَرِیَگه کسی گه اژ ووژ تیَریفَ مِهِه قبول نِماو، بلکِم اَ کسَ گه خدا اَژی تیَریف کِیتی.

دوئِم قُرَنتیان 3:6

او گه کفایت داسیَ ایمَه گه خِلمتکارَل عتِ جدید بوئیم -نه عَتی گه نُیسیاءَ بلکِم عَتی گه اژ روحِ خداءَ. اَرِیَگه نُیسیا مَکُشی، مِنتائای روحِ خدا ژییاینَ موئَشخی.

دوئِم قُرَنتیان 4:2

بلکِم ایمَه رئیَل پنهونی ئو نادُریسمو رد کِردیَ ئو وَه رِنگَریا رفدار نِمِهِیم ئو دس اِنوم کلوم خدا نِمیَریم، بلکِم وَه آشگارا وِتِن حخیخت، تقِلاءَ مِهِیم اَرتَک خدا ئو وِژدان کُل مردِم، تایید بوئیمو.

دوئِم قُرَنتیان 5:9

اِسَه چه اِ مال بوئیمو، چه دویر اژ مال، مصقودمو یَسَ گه وَه دل او بوئیمو.

غَلاطیَل 1:10

یانی مِه هام اَر دُم تایید اِنسو یا تایید خدا؟ یاگَه تقِلا مَهَم وَه دل اِنسو بوئم؟ اَرّ هَنی تقِلامَ مَهَرد گه وَه دل اِنسو بوئم، خُلُم مسیح نوئیم.

اَفِسُسیَل 1:13

هُمِه‌یش وخدی گه کلوم حخیختتو شنَفت، یانی هَراَ خَوَر خَوش نجادتونَ؛ ئو ایمونتو آوِرد اَر او، اِنوم او وَه روح‌القدسی گه وَدَه هاوِنتیَ میر بینو،

اول تِسالونیکیَل 2:4

بلکِم هَراَ جورَ گه خدا میر تایید داسی اَر ایمَه ئو انجیل سپارتیَسیَ بینمو، اِسَه ایمَه نه اَرِیَگه وَه دل مردِم بوئیم، بلکِم اَرِیَگه وَه دل خدای بوئیمو گه دلَلمو اِنتحونَ مِهِه، قصَه مِهِیم.

اول تِسالونیکیَل 5:14

ئو اِاِ بِرال، خواهشد اَژینتونَ مِهِیم گه کسَلی گه تَمَلِن مِنا کِینو، ئو بی‌جورَتَل تشویق کِینو، ضِیفَل یاری دِینو ئو وَه‌گَرد کُلو صبِرتو داشدوئی.

اول تیموتائوس 4:6

اَرّ ایی چیئِلَ بِینَ بِرال، موئینَ خادم خو مسیحْ عیسی، گه اِنوم کلوم ایمون ئو اَ تیَلیم خوءَ گه چینَسیَ تُرّا، تربیت بینَ.

عِبرانیَل 4:11

اِسَه بورِن سخد تقِلا بِهِیم تاگَه بِچیم اِنوم اَ پَلامارا، تاناخواد کسی وَه‌سونگَ هُنَ کورفِربونی‌ای بِکُوءِ.

یعقوب 1:12

خَوزگالَ کسی گه اِنوم اِنتحونَل طاخَتَ ماری، اَرِیَگه وخدی اِ اِنتحو سربِلِنگ بو، اَ تاج ژییاینَ ماریَ دس گه خداون وَدَه داسیَ دوسدارَل ووژ.

یعقوب 1:18

او مِطابق خواس ووژ ایمَه وَه کلوم حخیخت خَلک کِردی تاگَه اِجور نوبری بوئیم اژ مخلوقات ووژ.

دوئِم پطرس 1:10

اِسَه اِاِ بِرال، ویشتِر تقِلا بِهَن تا دَوَت ئو دیاری بیئین ووژتو ثابت بِهِینو، اَرِیَگه اَرّ هُنَ بِهِینو هرگِس اِرانِمَکُوئینو.

دوئِم پطرس 1:15

اَژونَسَ گه هر کاری بتونِم مَهَم تا دُما یَگه اژ ایی دنیاءَ چِم بتونینو ایی چیئِلَ هَر بارینونِ ویر.

دوئِم پطرس 3:14

اِسَه اِاِ عزیزَل، اِسگَه گه چیَمَ‌رئی ایی چیئَلینونَ، خو تقِلا بِهَن تا اَرتَک او بی‌لکَه ئو بی‌عِو ئو اِنوم صُئل بوئینو.