دوئِم تیموتائوس 2:12 - کتاب مقدس به زبان لکی - گویش مرکزی

¹² اَرّ تیَمِل بِهِیم، وَه‌گَرد او سِلطنت‌یشَ مِهِیم. اَرّ حاشا کِیمی اویش حاشامونَ مِهِه.

دوئِم تیموتائوس 2:12 Iomraidhean Croise

مَتّی 10:33

مِنتائای هر کی مِن اَرتَک مردِم حاشا کِ، مِن‌یش اَرتَک باوَه ووژِم گه ها نوم آسمون‌اِر، حاشاءَ مَهَمی.

مَتّی 26:35

مِنتائای پطرس وِتی: «جُ‌جُ اَرّ لازم بو وَه‌گَرد تو بِمِرِم، حاشات نِمَهَم.» باقی شاگردَل‌یش هُنِئونَ وِتَ.

مَتّی 26:75

اَسَه پطرس قصَه‌ل عیسی آوِردیَ ویر گه وِتوئیتی: «وِر اژ یَگه کِلَه‌شیر باءِ بال، سه گِل مِه حاشاءَ مِهِین!» اَسَه چیَ دِریر ئو رواِرو بیِ گیری.

مَرقُس 10:33

وِتی: «اِسگَه مَچِم اَرِه اورشلیم. اَر اورَه کُر اِنسونَ ماوژِنِ گیر رِئیسَل کاهنَل ئو مَلِمَل تورات. اُوُ مَکومَ مَهَنی اَر مِردِن ئو میَنیَ دس کسَلی گه یهودی نیِن.

مَرقُس 8:38

اَرِیَگه هر کی اِنوم ایی نسِل زِنهاکار ئو گناکارَ اژ مِه ئو قصَه‌لِم عار بایتی، کُر اِنسون‌یش اَسَه گه اِنوم جِلال باوَه ووژ وَه‌گَرد فریشدَه‌ل مقدّس بای، اژ او عارَ مایتی.»

لوقا 12:9

مِنتائای هر کی مِن اَرتَک مردِم حاشا کِ، اَرتَک فریشدَه‌ل خدا حاشاءَ ماو.

لوقا 22:29

اِسَه هَراَ جورَ گه باوَه‌م پاتِشائی عطا کِردیَ مِه، مِن‌یش عطاءَ مَهَمَ هُمَه،

لوقا 22:30

تاگَه اِنوم پاتِشائی مِه، اَرسر سِفِرَه مِه بیرینون ئو خُرّ دِینو ئو بنیشینون‌ اَرسر تختَل ئو داوری بِهِینون اَر دوازَه طائفَه اسرائیل.

لوقا 9:26

اَرِیَگه هر کی اژ مِن ئو قصَه‌لِم عار بایتی، کُر اِنسون‌یش اَسَه گه اِنوم جِلال ووژ ئو جِلال باوَه ئو فریشدَه‌ل مقدّس بای، اژ او عارَ مایتی.

کارَل رسولَل 14:22

قویَتونَ ماءَ دل شاگردَل ئو اونَلو تشویقَ مَهَرد تاگَه بوسِن اَرسر ایمونو ئو موئِتو: «ایمَه باس وَه تیَمِل سخدیَل فِرِه، بِچیمَ نوم پاتِشائی خداآ.»

رومیان 5:17

اَرِیَگه اَرّ وَه‌سونگَ کورفِربونی یِه اِنسو، ئو وَه خاطر او مرگ سِلطنت کِردی، چَنی ویشتِر کسَلی گه فیض بی‌حدِحساو خدا ئو پیشکَشی صالح‌بیئینَ مَگِرِن، وَه‌سونگَ اَ یِه اِنسونَ، یانی عیسی مسیح، سِلطنت اَر ژییاینَ مَهَن.

رومیان 8:17

ئو اَرّ آیلَل خدایمو، اِسَه وارثَل‌یش هِیم، یانی وارثَل خدا ئو هُم‌ارثَ گَرد مسیح. وَه شرطی گه ایمِه‌یشَ گَرد او عذاو بِکیشیم تاگَه وَه‌گَرد او جِلال بِگِریم.

فیلیپیَل 1:28

ئو اِ هُیچی اژ کسَلی گه هان اَرضدتو زِلَتو نِمَچو. یَه اَرِه اُوُ نشونَه آشگاری اَرِه نابودیونَ، مِنتائای نشونَه نجاد هُمِئَه، ئو یَه اژ جونِم خداءَ.

اول تیموتائوس 5:8

مِنتائای اَرّ کسی خرجِ‌بَرج زِنِه‌ی قومِ‌خویشَل ئو مصخوصاً عتِ‌عیال ووژ اِرناری، نَچیَسِ ژیر ایمو ئو گَنتِر اژ بی‌ایمونَ.

یهودا 1:4

اَرِیَگه بِری گه اژ قدیم اَرِه ایی مَکومیتَ مَیِّن بینَ، وَه بی‌کِشکیا هاتِنَس اِنوم هُمَه. یوئنَ خدانشتاسَلی‌ کِن گه فیض خدا ایمَه مَهَنَ عِیاشی ئو یَکونَه آقا ئو خداونمو، عیسی مسیح حاشاءَ مَهَن.

مِکاشفَه 1:6

ئو ایمَه کِردیَ مملکت ئو کاهنَلی اَرِه خدا، باوَه ووژ، جِلال ئو سِلطنت اَر او تا ابد. آمین.

مِکاشفَه 1:9

مِه، یوحنا، بِرا هُمَه، گه اِ جُور ئو پاتِشائی ئو پایاری‌‌ای گه ها نوم عیسی‌اِر، وَه‌گَردتو شیَریکِم، وَه خاطر کلوم خدا ئو شاتی اَر عیسی، اِ جزیره‌ی بیم گه نُم پاتموس بیتی.

مِکاشفَه 2:13

مَذانِم جالیزِت هار کو، اَر اورَه گه تخت پاتِشائی شِطونَ. وَه ایی حالا سفدِسخد چسبینَس اَر نُم مِنا ئو ایمونی گه اَر مِنِت داشد، حاشا نَهَرد، جُ‌جُ اِ روژَلی گه آنتیپاس، اَ شات وفادار مِنَ، اِنومجا هُمَه گه جالیز شِطونَ، کُشیا.

مِکاشفَه 20:4

اَسَه تختَلمی دی ئو کسَلی نیشتوئین اَررُیو گه قدِرت‌واختیار داوریو دائی‌ئونو. هَمیش گیونَل کَسَلمی دی گه وَه خاطر شاتی دائِن اَر عیسی ئو اَر کلوم خدا سرونا بِریائی، ئو کسَلی گه اَ جونور وَشیَ یا مِجسمِهِه‌ئو نَپِرَسوئی ئو نشونَه اَوُن اَر دس ئو توئل ووژو قبول نَهَردوئی. یوئنَ اِدوارَه اژ مِردیَل زِنیا بین ئو هزار سال وَه‌گَرد مسیح سِلطنتو کِرد.

مِکاشفَه 20:6

بِمارِک ئو مقدّسَ کسی گه اژ اول زِنیابیئِن اژ مِردیَل بیَری دیری. مرگ دوئِم هُیچ قدِرتی اَر اونَل نِری بلکِم کاهنَل خدا ئو مسیحِن ئو وَه‌گَرد او هزار سال سِلطنتَ مَهَن.

مِکاشفَه 3:10

اِسگَه گه کلوم مِنِت اِبارَه پایاری حفظ کِردیَ، مِن‌یش اَ سات اِنتحونَ اَژینتَ ماوژِمِ لا گه وَه ایی زویَ ما اَر سر کُل دنیا تاگَه مردِم رُی زَمی اِنتحو کِ.

مِکاشفَه 3:21

«هر کی فائق بای، یَه موئَشخِمی‌ئون گه وَه‌گَرد مِه بنیشی اَرسر تخت مِه، هَرهُنَ گه مِن‌یش فائق هاتِم ئو وَه‌گَرد باوَه‌م نیشتِم اَرسر تخت او.

مِکاشفَه 3:8

کارَل تونَ مَذانِم. سِیل کَ، دِراخِل وازکَریامی ناس اَر وَر تو گه هُیچ‌کس نِمَتونی بوئنتی. مَذانِم گه قویَت کمی دیرین، مِنتائای کلوم مِنِت حفظ کِردیَ ئو نُم مِنِت حاشا نَهَردیَ.

مِکاشفَه 5:10

ئو اونَلِت کِردَ مملکتی ئو کاهنَلی اَرِه خداءِ ایمَه ئو اونَل اَررُی زَمی سِلطنتَ مَهَن.»