دوئِم تیموتائوس 2:10 - کتاب مقدس به زبان لکی - گویش مرکزی

¹⁰ اِسَه مِه کُل چی وَه خاطر کسَلی گه دیاری بینَ تیَمِلَ مَهَم تاگَه اون‌یش نجادی‌ گه ها نوم مسیحْ عیسی‌اِر، وَه‌گَرد جِلال ابدی بارِنَ دس.

دوئِم تیموتائوس 2:10 Iomraidhean Croise

مَتّی 24:22

اَرّ اَ روژِلَ کُئلا نِموئیا، هُیچ بشری گیو آزا اِرنِمَهَردی. مِنتائای وَه خاطر کسَلی گه دیاری بینَ، اَ روژِلَ کُئلا ماو.

مَتّی 24:24

اَرِیَگه مسیحَل دِروزِنِ ئو پِخَمَرَل دِروزِنِ هیزَمَگِرِن، ئو نشونَه‌ل ئو مُجِزَه‌ل کَلِنگی اَنجومَ میَن تاگَه اَرّ بو، جُ‌جُ کسَلی گه دیاری بینَ اژ رئی اِربارِن.

مَتّی 24:31

او فریشدَه‌ل ووژ وَه دَنگ کَلِنگ شِپور کِلَ‌مِهِه ئو اونَل دیاری‌بیَل خدا اژ چوار سویک دنیا اژ یِه پر آسمو تاگَه اَ پر، جیَمَ مَهَن اَر دور یَکا.

لوقا 18:7

اِسَه، مَر خدا نِمَرَسیَ دای اونَلی گه ووژ دیاری کِردِنَسی گه شو ئو روژ اِمدایَ مارِنیِ درگا؟ یانی ایی کارَ هَراَ ماوژیِ دُما؟

لوقا 22:57

مِنتائای پطرس حاشا کِردی ئو وِتی: «اِاِ ژَن، مِه او نِمَشتاسِم.»

یوحنا 11:52

ئو نه فَخَد اَرِه قوم، بلکِم اَرِه جیَم کِردِن ئو یَکی کِردِن آیلَل خدا گه اژ یَک چویچیانَ.

یوحنا 17:24

اِ باوَه، مِم اونَلی گه داتَسَ بینِم وَه‌گَرد مِه بوئن، هَراَ جاءَ گه مِه هم، تاگَه جِلالِم بوئینِن، جِلالی گه تو داتَسَ بینِم؛ اَرِیَگه وِر اژ یَگه بِنیا دنیا باوِنی مِنِت دوس داشدیَ.

یوحنا 17:9

دوعا مِه اَرِه اونَسَ؛ مِه نه اَرِه دنیا بلکِم اَرِه اونَلی دوعا مَهَم گه تو داتَسَ مِه، اَرِیَگه هِن تونِن.

رومیان 2:7

او ژییاین ابدیَ موئَشخیَ کسَلی گه وَه صبِر اِ اَنجوم کارَل خو، هان اَر دُم جِلال ئو عزّت ئو زِنِه‌ی ابدیا؛

رومیان 9:23

تاگَه جِلال بی‌حدِحساو ووژ بشتاسِنی اَر حاجَتَل ریَمَتی گه وِرِکار اَرِه جِلال حاضر کِردِنِ؟

اول قرنتیان 1:21

اَرِیَگه وَه حکمت خدا، دنیا نتونستی وَه‌سونگَ حکمتْ، خدا بشتاسی، خدا هُنَ صِلا دیتی گه وَه‌سونگَ هَرایی نایونیَ گه موعظَه مِهِیم، کسَلی گه ایمونَ مارِن، نجاد بِ.

اول قرنتیان 9:22

اَرتَک آمَل ضِیف، بیمَ ضِیف تاگَه ضِیفَل اَرِه مسیح بارمَ دس. مِه اَرِه کُل کسی بیمَ کُل چی، تاگَه هر جوری بیَ بِری اَژینو نجاد بیَم.

دوئِم قُرَنتیان 1:6

اَرّ هایمونِ سخدی، وَه خاطر دلگُوئی ئو نجاد هُمِئَه، ئو اَرّ دلگُوئی دیریم، هَنی اَرِه دلگُوئی هُمِئَه، گه وخدی هُمِه‌یش هَراَ عذاوِلَ مَکیشینو گه ایمَه مَکیشیم ئو وَه صبِر طاخَتَ مارینو، وَه کارَ مای.

دوئِم قُرَنتیان 12:15

مِن اَرِه گیونَل هُمَه، وَه خَوشی خرجَ مَهَم ئو گیون‌یشمَ مَهَمَ خِرتو. اَرّ مِه هُمَه ویشتِر دوس دیرِم یانی باس کمتِر مِحبت بوئینِم؟

دوئِم قُرَنتیان 4:15

اَرِیَگه یوئنَ کُل وَه خاطر هُمِئَه، تاگَه فیضی گه نَصُی آمَل ویشتِر ئو ویشتِری ماو، شگِرگزاری اَرِه جِلال خدا ویشتِرا کِ.

دوئِم قُرَنتیان 4:17

اَرِیَگه سخدیَلی گه گُجَرِن ئو مَگُذَرِن، اَرِه ایمَه جِلال ابدی‌ای مارِن گه نِماو وَه‌گَرد اَ سخدیِلَ قیاس کِینی.

اَفِسُسیَل 3:13

اِسَه خواهشد اَژینتونَ مَهَم وَه خاطر جُورَلی گه اَرِه هُمَه مَکیشِم، دلسردا نوئن، اَرِیَگه اونَل باعث افتخارتونِن.

کولُسیَل 1:24

اِسگَه اژ جُورَلی گه وَه خاطر هُمَه‌م کیشیَ خَوشالِم ئو وَه خاطر لار او گه کلیساءَ، اَ چیئَه گه اِ جُورَل مسیح کمَ، اِنوم جسم ووژِم پِرا مَهَم.

کولُسیَل 1:27

خدا هُنَ هِستی تا اَرِنو آشگارا بِهِه گه ایی سِرَّ چه جِلال بی‌حدِحساوی اِنوم خِرِیهودیَل دیری، ایی سِرَّ یَسَ گه مسیح، گه امید جِلالَ، ها اِنوم هُمَه.

اول تِسالونیکیَل 5:9

اَرِیَگه خدا ایمَه اَرِه خَضو مَیِّن نَهَردیَسی، بلکِم اَرِیَگه وَه‌سونگَ خداونمو عیسی مسیح نجاد باریمَ دس.

دوئِم تِسالونیکیَل 2:14

اَرِه یَه او وَه‌سونگَ انجیل ایمَه دَوَت اَژینتو گِرتی تاگَه جِلال خداونمو عیسی مسیح بوءَ نَصُیتو.

دوئِم تیموتائوس 1:1

اژ پولُس گه وَه خواس خدا ئو وَه خاطر وَدَه ژییاینی گه ها نوم مسیحْ عیسی‌اِر، رسول مسیحْ عیسیَ.

دوئِم تیموتائوس 2:1

اِسَه تو اِاِ کُرِم، وَه فیضی گه ها نوم مسیحْ عیسی‌اِر قویَت بِگِر،

دوئِم تیموتائوس 2:3

اِجور سَرواز خو مسیحْ عیسی، اِ عذاوَل طاختِت داشدوئی.

تیتوس 1:1

اژ پولُس، خُلُم خدا ئو رسول عیسی مسیح، گه مَیِّن بیمَ تا ایمو کسَلی گه خدا دیاری کِردِن تقویت کَم ئو حخیختی گه مِطابق دینداریَ، بوشِم.

اول پطرس 2:10

وِرِکار قومی نوئینو، مِنتائای اِسگَه قوم خدائینو؛ زمونی ریَمَت خدا نِموئیاءَ نَصُیتو، مِنتائای اِسگَه ریَمَت خدا بیَسَ نَصُیتو.

اول پطرس 5:10

دُما یَگه مِدت کمی عذاوتو کیشی، خداءِ کُل فیضَل گه هُمَه اِنوم مسیح دَوَت کِردیَسیَ جِلال ابدی ووژ، ووژ اِدوارَه بِناتونَ مِهِه، ئو موکَم ئو زوردار ئو پایارتونا مِهِه.