دوئِم تیموتائوس 1:9 - کتاب مقدس به زبان لکی - گویش مرکزی

⁹ خدای گه ایمَه نجاد داتی ئو دَوَتمو کِردیَ زِنِه‌ی مقدّس، نه وَه خاطر کارَل ایمَه بلکِم وَه خاطر قَص ئو فیض ووژ، گه او وِر اژ بِنیا زمونَه‌ل، اِنوم مسیحْ عیسی بَشخیتیَ ایمَه.

دوئِم تیموتائوس 1:9 Iomraidhean Croise

مَتّی 1:21

او کُری ماریَ دی گه تو نُمَ مَنینیَ ”عیسی“، اَرِیَگه او قوم ووژ اژ گنائَلو نجادَ مِ.»

لوقا 10:21

هَر اِ اَ ساتَ، عیسی اِنوم روح‌القدس پِرا بی اژ شائی ئو وِتی: «اِاِ باوَه، اِاِ مالک آسمون ئو زَمی، شگِرتَ مَهَم گه ایی چیئِلتَ اژ دونائَل ئو حکیمَل شاردیَسا ئو اَر آیلَل گُجَر آشگارتا کِردیَ. اَاَ، اِاِ باوَه، اَرِیَگه خواس پِر اژ فیض تو یَه بیَ.

یوحنا 17:24

اِ باوَه، مِم اونَلی گه داتَسَ بینِم وَه‌گَرد مِه بوئن، هَراَ جاءَ گه مِه هم، تاگَه جِلالِم بوئینِن، جِلالی گه تو داتَسَ بینِم؛ اَرِیَگه وِر اژ یَگه بِنیا دنیا باوِنی مِنِت دوس داشدیَ.

یوحنا 17:9

دوعا مِه اَرِه اونَسَ؛ مِه نه اَرِه دنیا بلکِم اَرِه اونَلی دوعا مَهَم گه تو داتَسَ مِه، اَرِیَگه هِن تونِن.

یوحنا 6:37

کُل کسَلی گه باوَه بیَ بینِم، مان اَرِه تک مِه؛ ئو هر کی با اَرِه تَکِم، هرگِس اژ ووژِم تار نِمَهَمی.

کارَل رسولَل 15:18

ایی چیئِلَ اژ قدیم آشگارا کِردیَسی.“

کارَل رسولَل 2:47

ئو اونَل شگِر خدائونَ مَهَرد. کُل مردِم عزّتون اَرینَ مَنیان؛ ئو خداون روژَ روژ کسَلی گه نجادونَ مَگِرت اضافَه‌آ مَهَردی اَر جَرخَه‌ئو.

رومیان 11:14

تاگَه هایتِر کسَلی گه وَه‌گَرد مِن اژ یِه تیرِ‌طائفَه‌ن، بارِم اَر سر خیرَت ئو بِری اَژینو نجاد دَم.

رومیان 11:29

اَرِیَگه خدا هرگِس پیشکَشیَل ئو دَوَت ووژ نِمَسینیِ دُما.

رومیان 16:25

اِسگَه جِلال اَر او گه مَتونی مِطابق انجیلی گه مِن اِبارَه عیسی مسیح موعظَه مَهَم، تقویتتو کِ، -مِطابق مِکاشفَه اَ رازَ گه اَرِه زمونَه‌ل دِریژی آشاریا مَنوئی.

رومیان 3:20

وَه‌چوینا گه هُیچ بشری وَه کارَل شریعت، اِ چیَم خدا صالح وَه حساو نِمای، اَرِیَگه شریعت، گناءَ مَشتاسِنیَ ایمَه.

رومیان 9:11

وَه‌یاآگه وِر اژ یَگه بانَ دی، ئو کار خو یاگَه گَنی اَنجوم دَن -اَرِیَگه مصقود خدا اژ دیاری کِردِن پایار بِمینی، نه وَه خاطر کارَلی گه مَهَن، بلکِم وَه خاطر اَوَه گه دَوَتَ مِهِه-

رومیان 9:24

جُ‌جُ ایمَه گه دَوَت کِردیمَسی، اژ اونَلیم، نه فَخَد اژ یهودیَل، بلکِم اژ خِرِیهودیَل‌یش.

اول قرنتیان 1:18

اَرِیَگه پِغوم صلیب اَرِه اونَلی گه آخِری اژ بِنَ مَچِن، نایونیَ، مِنتائای اَرِه ایمَه گه هایمِ رئی نجاد، قدِرت خداءَ.

اَفِسُسیَل 1:11

ایمَه اِنوم او بیمونَسَ وارثَل. هُنَ گه خدا کُل چیئَل مِطابق خواس ووژ اَنجومَ مِ، ایمِه‌یش مِطابق مصقود او وِر اژ یَه اِنتخاو بیمونَ.

اَفِسُسیَل 1:9

خدا وَه ایی کارَ راز قَص ووژ شناسونی اَر ایمَه، ئو هُنَ گه ووژ صِلا دیتی اِنوم مسیح آشگارا کِردی

اَفِسُسیَل 2:5

جُ‌جُ وخدی اِنوم خطائَلمو مِردوئیمو، وَه‌گَرد مسیح زِنیا کِردیمی -اِسَه، وَه‌سونگَ فیض نجادتو گِرتیَ؛

اَفِسُسیَل 3:11

یَه مِطابق اَ قَص ازلی خدا بی گه او اِنوم خداون ایمَه مسیحْ عیسی وَه اَنجوم رَسونی.

فیلیپیَل 3:14

اَرِیَگه برَسم اَر قَص ووژِم تقِلا مَهَم تا جائزه‌ی بارمَ دس گه خدا اَرِه اَوَه اِنوم مسیحْ عیسی دَوَت کِردِمَسیَ بِلِنگ.

اول تِسالونیکیَل 4:7

اَرِیَگه خدا ایمَه دَوَت کِردیَسیَ مقدّس‌بیئین نه ناپاکی.

اول تیموتائوس 1:1

اژ پولُس گه وَه حکِم نجاددهندَه ایمَه خدا ئو امیدمو مسیحْ عیسی، رسول مسیحْ عیسیَ؛

دوئِم تیموتائوس 1:1

اژ پولُس گه وَه خواس خدا ئو وَه خاطر وَدَه ژییاینی گه ها نوم مسیحْ عیسی‌اِر، رسول مسیحْ عیسیَ.

تیتوس 1:2

ایی حخیختَ مِطابق امید اَر ژییاین ابدیَ، گه خدای گه هرگِس دِرو نِموشی، وِر اژ بِنیا زمونَه‌ل وَدَه اَوَه داءَ بینمو،

عِبرانیَل 3:1

اِسَه اِاِ بِرالِم، اِاِ مقدّسَل گه اِ دَوَت آسمونی هُم‌بیَرینو، چیَمتون اَر عیسی بو گه او اَ رسول ئو کاهن اعظمَ‌سَ گه اعترافَ مِهِیمی اَری.

اول پطرس 1:20

او وِر اژ یَگه بِنیا دنیا بِنِری مَیِّن بی، مِنتائای اِ ایی زمونَل آخِرَ وَه خاطر هُمَه ظاهر بی.

اول پطرس 2:9

مِنتائای هُمَه نسِلی کینو گه دیاری بینونَ ئو کاهنَلی کینو گه شاهونَه کاهنیَ مِهِینو، ملت مقدّس ئو قومی گه مِلک مصخوص خداءَ، تا صفتَل فِرَه خاص او اِلوم کِینو، او گه هُمَه اژ تیَریکی دَوَت کِردیَسی‌ِ نُیر بِلُجوئی ووژ.

مِکاشفَه 13:8

ئو کُل کسَلی گه لیزو گِرتیَس اَررُی زَمی عَبادتَ مَهَنی، یانی کُل کسَلی گه نُمون اژ بِنیا دنیا، اِنوم اَ دفتر ژییاینَ نَنُیسیاءَ گه هِن اَ وَرکَسَ گه قُرونی بی.

مِکاشفَه 17:8

اَ جونور وَشیتَ گه دی، زمونی بیتی، اِسگَه نیَسی، ئو وَه ایی زویَ اژ چا هاویَه ماءَ دِریر ئو نابودَ ماو. اونَلی گه لیزو گِرتیَس اَررُی زَمی ئو اژ بِنیا دنیا نُمون اِنوم دفتر ژییاین نَنُیسیاءَ، وخدی اَ جونور وَشیَ بوئینِن اژ ووژونا مَچِن، اَرِیَگه زمونی بیتی، اِسگَه نیَسی، ئو مای.