دوئِم تیموتائوس 1:13 - کتاب مقدس به زبان لکی - گویش مرکزی

¹³ اِنوم ایمون ئو مِحبتی گه ها نوم مسیحْ عیسی‌اِر، سفدِسخد بچسب اَر اَ چیئَه گه اژ مِنِت شنَفتیَ اِجور سرمقش تیَلیم دُریسی.

دوئِم تیموتائوس 1:13 Iomraidhean Croise

رومیان 2:20

مِربی نایونَل ئو مَلِم آیلَل گُجَرین، تو گه اِ شریعت، میَرفت ئو حخیخت اَجورَ گه ماو بوئینینی دیرین،

رومیان 6:17

مِنتائای شگِر اَرِه خدا گه وَه‌یاآگه زمونی خُلُمَل گنا بینو، اِسگَه وَه تموم دل بینو‌نَسَ فِربوبَر تیَلیمی گه خدا سپارتیَس‌ئونتو.

فیلیپیَل 1:27

فَخَد بِیلِن اِ زِنِه‌یتو رفدارتو لائق انجیل مسیح بو، تاگَه چه مِه بام ئو هُمَه بوئینِم چه نوئم، اِبارَه هُمَه بشتوئِم گه سفدِسخد اِ یِه روح هوسیاینونَ، وَه یِه فگِر، شونَ شو یَکتِری اَرِه ایمو انجیل تقِلاءَ مِهِینو.

فیلیپیَل 4:9

اَ چیئَه گه اژ مِنتو گِرتیَسا، ئو قبولتو کِردیَ، ئو اژ مِنتو شنَفتیَ ئو اِنوم مِنتو دیَ، هَر یوئنَ بارِنَ جا ئو خداءِ صُئل ئو سِلامتی ها گَرد هُمَه.

کولُسیَل 1:4

اَرِیَگه اژ ایمونتون اَر مسیحْ عیسی ئو مِحبتی گه اَر ایمودارَل دیرینو، شنَفتِمونَ.

اول تِسالونیکیَل 5:21

بلکِم کُل چی اِنتحو کَن؛ سفدِسخد بچسبِنَ اَ چیئَه گه خوءَ.

اول تیموتائوس 1:10

اَرِه زِنهاکارَل ئو پیالی گه وَه‌گَرد هُم‌جنس ووژونَ مِئسِن؛ اَرِه تاجرَل بردَه، دِروزِنَل ئو کسَلی گه شاتی دِروءَ میَن ئو هَمیش اَرِه هر کاری گه اَرضد تیَلیم دُریس بو،

اول تیموتائوس 1:14

ئو فیض خداونمونَ گَرد ایمون ئو مِحبتی گه ها نوم مسیحْ عیسی‌اِر، چَل‌چَل رِشیا اَر سر مِن‌اِرا.

اول تیموتائوس 6:3

اَرّ کسی جوری‌تِر تیَلیم بِ گه وَه‌گَرد قصَه‌ل دُریس خداونمو عیسی مسیح ئو تیَلیمی گه مِطابق دینداریَ، جور اِرنای،

دوئِم تیموتائوس 1:1

اژ پولُس گه وَه خواس خدا ئو وَه خاطر وَدَه ژییاینی گه ها نوم مسیحْ عیسی‌اِر، رسول مسیحْ عیسیَ.

دوئِم تیموتائوس 1:14

وَه‌سونگَ روح‌القدس گه لیز گِرتیَس اِنوم ایمَه، اَ اَمونت خوءَ گه سپارتیاسَ بینِت، حفظ کَ.

دوئِم تیموتائوس 2:2

ئو اَ چیئَه گه اَرتَک شاتَل فِرِه‌ی اژ مِنِت شنَفتیَ، بسپارتیَ آمَل وفاداری گه مَتونِن یاء باقی‌ش دَن.

دوئِم تیموتائوس 3:14

مِنتائای تو سفدِسخد بوس اَرسر اَ چیئَه گه گِرتِتَسا ئو ایمونتَ بی آوِردیَ، اَرِیَگه مَذانین اژ چه کسَلی گِرتِتَسا.

دوئِم تیموتائوس 4:3

اَرِیَگه زمونی مای گه مردِم تیَمِل شنَفتِن کلوم دُریس نِرِن، بلکِم بِری مَلِم جیَمَ مَهَن اَر دور ووژو گه اَ چیئَه گه گوشَلونَ مِیتی ئو مِطابق هُواوهوسَلونَ، بشتوئِن؛

تیتوس 1:9

او باس سفدِسخد بچسبی‌ اَر کلوم لائق اِتِمادی گه گِرتیَسیا، تاگَه بتونی مِطابق تیَلیم دُریس تربیت کِ، ئو هَمیش خِض بِهِه اَر کسَلی گه اَرضد یَئنَ.

تیتوس 2:1

مِنتائای تو اَ چیئَه گه مِطابق تیَلیم دُریسَ یاء دَ.

تیتوس 2:8

ئو هُنَ دُریس قصَه بِهَه گه عِوی اِر ناوتی، تا هُمال اَرِیَگه چی گَنی اِبارَه ایمَه نِری بوشی، خجالتا بو.

عِبرانیَل 10:23

بورِن بی‌یَگه سُسا بوئیمو، سفدِسخد بچسبیمون اَر امیدی گه اعترافَ مِهِیمی اَری، اَرِیَگه وَدَه‌دهندَه اَمونتدارَ.

عِبرانیَل 3:6

مِنتائای مسیح، اِجور کُری اَر مال خدا اَمونتدارَ، ئو مال او ایمِه‌یمو، وَه شرطی گه تاگَه آخِر وَه اطمینون ئو افتخار سفدِسخد بچسبیمون اَر امیدمو.

عِبرانیَل 4:14

اِسَه وخدی کاهن اعظم کَلِنگی دیریم گه ویرِ آسمونَل چیَسِ رُ، یانی عیسی کُر خدا، بورِن سفدِسخد بچسبیمون اَر اعتراف ایمونمو.

یهودا 1:3

اِاِ رولَه‌ل، وَه‌یاآگه شوق فِرَه‌می داشد تا اِبارَه نجادی‌ گه کُلمو وَه‌گَرد یَک اَژی هُم‌بیَریم اَرِنتو بِنُیسِنِم، مِنتائای لازمِم ذِناسد گه چَن خطتونی اَرِه بِنُیسِنِم، ئو اَژینتو بِم گه اَرِه ایمونی تقِلا بِهِینو گه یِگِل اَرِه همیشَه سپارتیاسَ ایمودارَل مسیح.

مِکاشفَه 2:25

فَخَد یَگه سفدِسخد بچسبِن اَر اَ چیئَه گه دیرینو تاگَه مِه بام.

مِکاشفَه 3:11

«مِه وَه ایی زویَ مام. سفدِسخد بچسب اَر اَ چیئَه گه دیرین، تاگَه کسی تاجت اَژی نَسینی.

مِکاشفَه 3:3

اِسَه اَ چیئَه گه گِرتِت ئو شنَفتِت بارِ ویر، بارَ جا ئو توئَه بِهَه. اَرّ تو نوئینَ خَوَر، مِن اِجور دُزی مام، ئو تو نِمَذانین مِه چه ساتی مام اَرِنِت.