دوئِم تیموتائوس 1:12 - کتاب مقدس به زبان لکی - گویش مرکزی

¹² اَژونَسَ گه هُنَ عذاویشَ مَکیشِم، مِنتائای عارِم نِمای، اَرِیَگه مَذانِم ایمونِم آوِردیَس اَر کی ئو اطمینو دیرِم گه اوءَ مَتونی اَ چیئَه گه سپارتیاسَ مِه، تا اَ روژَ حفظ کِ.

دوئِم تیموتائوس 1:12 Iomraidhean Croise

مَتّی 12:21

نُم اوءَ ماوَ امید اَرِه قومَلی‌تِر.»

مَتّی 24:36

«مِنتائای هُیچ‌کس اَ روژ ئو اَ ساتَ نِمَذانی بِخِر اژ باوَه؛ جُ‌جُ فریشدَه‌ل آسمون ئو کُریش خَوَر اَژی نِرِنی.

مَتّی 7:22

اِ اَ روژَ فِرَه کَسِلَ موشِن‌ئونِم: ”اِاِ خداون، اِاِ خداون، مَر وَه نُم تو نبوّتمو نَهَرد؟ مَر وَه نُم تو مِلاکَتَلمو نَهَردَ دِریر؟ مَر وَه نُم تو مُجِزَه‌ل فِرَه‌مونی اَنجوم نا؟“

لوقا 10:12

موشِم‌ئونتو گه اِ روژ داوری، طاخَت مِجازات اَرِه شیَر سُدوم آسُتِرَ ماو تاگَه اَرِه اَ شیَرَ.

لوقا 23:46

اَسَه عیسی وَه دَنگ کَلِنگا دای داتی: «اِاِ باوَه، روحِ ووژمَ مَسپارمَ دَسَل تو.» یَه وِتی ئو هِناسی آخِر کیشیتی.

یوحنا 17:15

مِه نِمِم گه اونَل اژ ایی دنیاءَ بیَرین، بلکِم مِم اژ اَ شِطو شریرَ حفظو کِین.

یوحنا 6:44

هُیچ‌کس نِمَتونی با اَرِه تک مِه مَر یَگه باوِه گه مِه کِل‌کِردیَسی، بارتی ویرِ مِه، ئو مِه اِ روژ قیومت او زِنیا مَهَم.

کارَل رسولَل 13:46

اَسَه پولُس ئو برنابا وَه جورَتا وِتو: «لازم بی کلوم خدائو اول‌بار بوئتاءَ هُمَه. مِنتائای اَرِیَگه هُمَه رَدتو کِرد ئو ووژتون اَرِه ژییاین ابدی لائق نَذِناسد، اِسگَه مَچیمون اِرَه تک خِرِیهودیَل.

کارَل رسولَل 13:50

مِنتائای یهودیَل، ژِنَل دیندار ئو سرشناس ئو کَلِنگَل شیَریشو رِشونِ یَک ئو اَرضد پولُس ئو برنابا آنتریکو کِردِن تاگَه عذاوُ دَن. اِسَه پولُس ئو بِرنابائون اژ اَ هیالَ تار کِرد.

کارَل رسولَل 21:13

مِنتائای پولُس جوواوا داتی: «یَه چه کاری کَ مِهِینو؟ اَرچَه مَگیرینون ئو دل مِنَ مَشکِنینو؟ مِن اَرِه نُم خداون عیسی، حاضرِم نه فَخَد بِکُوئِمِ زندو، بلکِم اِنوم شیَر اورشلیم بِمِرِم.»

کارَل رسولَل 7:59

وخدی اونَل داشدو استیفانو سنگسارَ مَهَرد، او دوعا کِردی وِتی: «اِاِ عیسیِ خداون، روحِ مِه قبول کَ!»

کارَل رسولَل 9:16

مِه نشونَ میَمی گه وَه خاطر نُم مِه چَنی باس جُور بِکیشی.»

رومیان 1:16

اَرِیَگه مِن اژ انجیل عارِم نِمای، اَرِیَگه قویَت خداءَ اَرِه نجاد هر کی گه ایمو باری، اول‌بار یهود ئو دُماخِرِ یونانی.

رومیان 9:33

هَرهُنَ گه اِنوم کِتاو اِشعیا پِخَمَر نُیسیاءَ: «اِسگَه کُچِکی مَنِم اِنوم صَهیون، گه باعث کَتِن بو، ئو کمری گه باعث اِراکَتِنَ؛ ئو هر کی ایمو باری اَر او، خجالتا نِماو.»

اول قرنتیان 1:8

او تاگَه آخِر، هُمَه پایارَ مِیلی، تا اِ روژ خداونمو عیسی مسیح بی‌عِو بوئینو.

اول قرنتیان 3:13

کار هر کی آشگارا ماو، اَرِیَگه اَ ’روژَ‘ کُل چیئَه ماوژیِ در. اَرِیَگه آگِر آخِر کار آشگارَ مِهِه، ئو آگِر گَن ئو خو کار هر کی اِنتحونَ مِهِه.

فیلیپیَل 1:20

هُنَ گه وَه شوقا چیَمَ‌رئیِم ئو امید دیرِم گه اِ هُیچی خجالتا نوئم، بلکِم اِسگِه‌یشَ اِجور همیشَه وَه جورَت کامل، مسیح اِنوم لار مِه جِلالَ مَگِری، چه وَه زِنِه‌ی چه وَه مرگ.

فیلیپیَل 3:10

تاگَه مسیح ئو قدِرت زِنیابیئِنی بشتاسِم ئو اِ عذاوَلی شریک بوئمی، اِ مرگی بوئم اِجور او.

فیلیپیَل 3:21

او گه وَه قدِرتی گه قویَتَ مِیتیَ بی گه جُ‌جُ کُل چی بِهِئَه فِربوبَر ووژ، لارَل خوار ایمَه عوضَ مِهِه تا بوئن اِجور لار پِرجِلال ووژ.

فیلیپیَل 3:8

اِراسی مِه کُل چی وَه خاطر اَرزشد فِرَه شناخت خداونِم مسیحْ عیسی ضِرَدَ حساوَ مارِم گه وَه خاطر او کُل چیئِمِ کیس اِرچیَ ئو اونِلَ اِشخال وَه حساوَ مارِم، تاگَه نفعِم مسیح بو.

اول تِسالونیکیَل 2:16

ئو نِمِیلِن ایمَه وَه‌گَرد یهودیَل قصَه بِهِیم تاگَه نجاد بِگِرِن. هُنَ هَر پِمونَه گنائَل ووژو نِقُ‌نِق پِرا مَهَن. مِنتائای آخِری خَضو هاتیَسَ سرو.

اول تِسالونیکیَل 5:4

مِنتائای هُمَه اِاِ بِرال اِنوم تیَریکی نیئینو، تاگَه اَ روژَ اِجور دُزی ناهَلمونَ‌گیرتو کِ.

اول تیموتائوس 6:20

اِاِ تیموتائوس، اَمونتی گه سپارتیاسَ بینِت، حفظ کَ. اژ چِنَه‌ل مِفت ئو کِفِر ئو بَثَلی گه اَرضد یَکِن ئو وَه خِلَطَ موشِنَ بینو شناخت، دویرا بِگِر.

دوئِم تیموتائوس 1:14

وَه‌سونگَ روح‌القدس گه لیز گِرتیَس اِنوم ایمَه، اَ اَمونت خوءَ گه سپارتیاسَ بینِت، حفظ کَ.

دوئِم تیموتائوس 1:16

ریَمَت خداون اَر عتِ‌عیال اونیسیفوروس، اَرِیَگه او چَن گِل گیو مِه تازه‌آ کِردی ئو اژ زنجیرَلِم عار ناهاتی.

دوئِم تیموتائوس 1:18

خداون بوئَشخِتیَ بی گه اِ اَ روژَ اژ جونِم خداون ریَمَت بوتی اَری. تو ووژِت اژ خِلمتَل او اِ شیَر اَفِسُس خو خَوَر دیرین.

دوئِم تیموتائوس 1:8

اِسَه اژ شاتی دائِن اَر خداون ایمَه عارِت نای ئو اژ مِن‌یش گه وَه خاطر او هامِ زندون‌اِر، بلکِم تونیش وَه قدِرت خدا اِ عذاو کیشین وَه خاطر انجیل شریک بو.

دوئِم تیموتائوس 2:9

وَه خاطر اَوَه‌‌سَ گه عذاوَ مَکیشِم، هُنَ گه اِجور جنائَتکاری هامِ زنجیراِر. مِنتائای کلوم خدا اِ زنجیر نیَ.

دوئِم تیموتائوس 4:8

اَژیرِ دُما تاج صالح‌بیئین اَرِنِم آماده‌ءَ، تاجی گه خداون، اَ داور عادلَ، اِ اَ روژَ موئَشخِتیَ مِه -نه فَخَد وَه مِه بلکِم وَه کُل کسَلی گه وَه دارا بینَ اَرِه ظاهربیئِنی.

تیتوس 3:8

ایی قصَه ماو اِتِمادَ بی کِینی، ئو اژ تونمَ مِ بِجُرّین‌ اَر ایی چیئِلَ، تاگَه کسَلی گه ایمونو آوِردیَس اَر خدا حُواسو بو گه ووژو وَخم کارَل خو بِهَن. ایی چیئِلَ اَرِه مردِم فادَه‌ دیری ئو خوءَ.

عِبرانیَل 12:2

ئو گِز بِهِیم اَر عیسی گه بِناوَه ایمون ایمِئَه ئو ایمونمو کاملا مِهِه گه وَه خاطر اَ خَوشی‌ای گه اَر نوا بیتی، صلیب تیَمِل کِردی ئو ننگ اَوَه خوارا کِردی ئو اِسگَه نیشتیَس اَر دس راس تخت خداآ.

عِبرانیَل 2:18

اَرِیَگه او ووژ وخدی اِنتحو بی، عذاو کیشیتی، مَتونی کسَلی گه اِنتحونَ موئن، یاری دِ.

عِبرانیَل 7:25

اِسَه اوءَ مَتونی اونَلی گه وَه‌سونگَ او مان اِرَه تک خدا، کامل نجاد دِ. اَرِیَگه هَر زِنیَ تاگَه شِفاعتو کِ.

اول پطرس 1:5

اَرِه هُمَه گه وَه قویَت خدا ئو وَه‌سونگَ ایمو، اَرِه نجادی‌ گه اژ هَراِسگَه آمادَه بیَ تاگَه اِ زمون آخِر آشگارا بو، حفظ بینونَ؛

اول پطرس 4:16

مِنتائای اَرّ کسی وَه نُم مسیحی عذاوَ مَکیشی، خجالت نکیشی، بلکِم وَه ایی نُمَ، خدا جِلال بِ.

اول پطرس 4:19

اِسَه کسَلی گه وَه خواس خدا عذاوَ مَکیشِن، باس گیونَلو بسپارنَ "خالق اَمونتدار" ئو یِمِجو کارَل خو بِهَن.

یهودا 1:24

اَر او گه مَتونی هُمَل اژ کَتِن اژ ایمو حفظ بِهِه ئو پِر اژ خَوشی کَلِنگی بی‌عِو باریتون‌ اَرِه درگا جِلال ووژ،