دوئِم تیموتائوس 1:1 - کتاب مقدس به زبان لکی - گویش مرکزی

¹ اژ پولُس گه وَه خواس خدا ئو وَه خاطر وَدَه ژییاینی گه ها نوم مسیحْ عیسی‌اِر، رسول مسیحْ عیسیَ.

دوئِم تیموتائوس 1:1 Iomraidhean Croise

یوحنا 10:28

مِه ژییاین ابدیَ موئَشخِمَ بینو، ئو هرگِس نابود نِموئن. هُیچ‌کس نِمَتونی اونَل اژ دس مِن اِربِراقِنی.

یوحنا 17:3

ئو ژییاین ابدی یَسَ گه، تو تَنیا خدا حخیخی ئو عیسی مسیح‌یش گه تو کِلِت‌کِردیَ، بشتاسِن.

یوحنا 5:24

حخیختاً، موشِمَ بینتو، هر کی کلوم مِه گوش بِگِری ئو ایمو باری اَر کسی گه مِه کِل‌کِردیَسی، ژییاین ابدی دیری ئو داوری اَری نِماوتی، بلکِم اژ مرگ، جاواز بیَسَ ژییاین.

یوحنا 6:40

اَرِیَگه خواس باوَه مِه یَسَ گه هر کی اَر کُر سِیل کِ ئو ایمو بارتیَ بی، ژییاین ابدیَ ماوتیَ نَصُی، ئو مِه اِ روژ قیومت او زِنیا مَهَم.»

یوحنا 6:54

هر کی لارِم بیری ئو خوینِم خُرّ دِ، ژییاین ابدی دیری، ئو مِه اِ روژ قیومت، او زِنیا مَهَم.

رومیان 1:1

اژ پولُس، خُلُم مسیحْ عیسی، گه دَوَت بیَ تاگَه رسول بو ئو وَخم بیَسَ اَرِه انجیل خدا؛

رومیان 5:21

تاگَه هَراَ جورَ گه گنا اِنوم مرگ سِلطنت کِردی، فیض‌یش وَه‌سونگَ صالح‌بیئینی گه آخِری ژییاین ابدیَ سِلطنتَ مِهِه، وَه‌سونگَ خداونمو عیسی مسیح.

رومیان 6:23

اَرِیَگه مِز گنا مرگَ، مِنتائای پیشکَشی خدا، ژییاین ابدی اِنوم خداونمو مسیحْ عیسیَ.

اول قرنتیان 1:1

اژ پولُس، گه وَه خواس خدا دَوَت بیَ تاگَه رسول مسیح عیسی بو، ئو اژ بِرامو سوسْتِنِس،

دوئِم قُرَنتیان 1:1

اژ پولُس گه وَه خواس خدا رسول مسیح عیسیَ، ئو بِرامو تیموتائوس، وَه کلیسا خدا اِ شیَر قُرَنتُس، ئو وَه کُل ایمودارَل مسیح اِ سِرُسَر هیال اَخائیَه:

دوئِم قُرَنتیان 1:20

اَرِیَگه کُل وَدَه‌لی گه خدا اِنوم مسیح داسی ’اِاِ‘ءَ. اَژونَسَ گه وخدی اَرِه ستائشت خدا، وَه‌سونگَ مسیح ’آمینَ‘ ماریمَ زوئو، خدا جِلالَ مِیم.

غَلاطیَل 3:26

اَرِیَگه اِنوم مسیحْ عیسی، هُمَه کُل وَه‌سونگَ ایمو، کُرَل خدائینو.

غَلاطیَل 3:28

دیَر نه یهودی میَنا دیری ئو نه یونانی، نه خُلُم نه آزاد، نه پیا نه ژَن، اَرِیَگه هُمَه کُل اِنوم مسیحْ عیسی یَکی کینو.

اَفِسُسیَل 3:6

اَ رازَ یَسَ گه خِرِیهودیَل‌یش اِنوم مسیح ئو وَه‌سونگَ انجیل، هُم‌میراتِن ئو عضا یِه لارِن ئو اِ وَدَه او هُم‌بیَرِن.

اول تیموتائوس 6:19

وَه هُنَ، گنجی اَرِه ووژونَ ماوژِنِ پِ دس گه ماوَ پِ خوئی اَرِه آیندَه‌ئو، تاگَه بچسبِن اَر اَ چیئَه گه ژییاین حخیخیَ.

دوئِم تیموتائوس 1:10

ئو اِسگَه وَه‌سونگَ ظاهربیئِن نجاددهندَه‌مو مسیحْ عیسی، کَتیَسِ در- او گه وَه‌سونگَ انجیل مرگ اژ بِن بِردی ئو زِنِه‌ی ئو ژییاین ابدی آشگار کِردی،

دوئِم تیموتائوس 1:13

اِنوم ایمون ئو مِحبتی گه ها نوم مسیحْ عیسی‌اِر، سفدِسخد بچسب اَر اَ چیئَه گه اژ مِنِت شنَفتیَ اِجور سرمقش تیَلیم دُریسی.

دوئِم تیموتائوس 1:9

خدای گه ایمَه نجاد داتی ئو دَوَتمو کِردیَ زِنِه‌ی مقدّس، نه وَه خاطر کارَل ایمَه بلکِم وَه خاطر قَص ئو فیض ووژ، گه او وِر اژ بِنیا زمونَه‌ل، اِنوم مسیحْ عیسی بَشخیتیَ ایمَه.

دوئِم تیموتائوس 2:1

اِسَه تو اِاِ کُرِم، وَه فیضی گه ها نوم مسیحْ عیسی‌اِر قویَت بِگِر،

دوئِم تیموتائوس 2:10

اِسَه مِه کُل چی وَه خاطر کسَلی گه دیاری بینَ تیَمِلَ مَهَم تاگَه اون‌یش نجادی‌ گه ها نوم مسیحْ عیسی‌اِر، وَه‌گَرد جِلال ابدی بارِنَ دس.

دوئِم تیموتائوس 2:3

اِجور سَرواز خو مسیحْ عیسی، اِ عذاوَل طاختِت داشدوئی.

دوئِم تیموتائوس 3:15

ئو چطور هِر اژ آویلی نُسَخ مقدّسِت ذِناسدیَ، گه مَتونی حکمتتَ بی دِ گه نجاد وَه‌سونگَ ایمون اَر مسیحْ عیسیَ.

تیتوس 1:2

ایی حخیختَ مِطابق امید اَر ژییاین ابدیَ، گه خدای گه هرگِس دِرو نِموشی، وِر اژ بِنیا زمونَه‌ل وَدَه اَوَه داءَ بینمو،

تیتوس 1:4

وَه تیتوس، گه مِطابق ایمونی گه کُل اَژی بیَر دیریمونی کُر حَخمَ: فیض‌وسِلامتی اژ جونِم خداءِ باوَه ئو نجاددهندَه‌مو مسیح عیسی اَر تو بو.

عِبرانیَل 9:15

اِسَه مسیح بَسخَه‌کَر عَت جدیدی کَ، تا اونَلی گه دَوَت بینَ بتونِن میرات ابدی‌ای گه خدا وَدَه داسی، بارنَ دس. اَرِیَگه مرگی اتفاق کَتیَ گه اونَل اژ گنائَلی گه اِ عَت اول اَنجوم گِرتیِ، آزادَ مِهِه.

اول یوحنا 2:25

ئو یَسَ اَ چیئَه گه او وَدَه داسی‌ئونمو، یانی ژییاین ابدی.