دوئِم تِسالونیکیَل 3:9 - کتاب مقدس به زبان لکی - گویش مرکزی

⁹ نه وَه خاطر یَگه هُنَ حَخی نِریم، بلکِم مِهِستمو اژ ووژمو نمونَه‌تونَ بی دِیم تا سرمقشا بِگِرینو.

دوئِم تِسالونیکیَل 3:9 Iomraidhean Croise

مَتّی 10:10

ئو اَرِه سفر، تورَه یاگَه کِراس زیاکی یاگَه کِلاش یاگَه موزبِرَه هیزنیَن؛ اَرِیَگه کارگر حَخَسی مِزدَس ووژ بِسینی.

یوحنا 13:15

اَرِیَگه مِه وَه اَنجوم دائِن ایی کارَ، سرمقشمی داسَ بینتو تاگَه هُمِه‌یش هَرهُنَ بِهِینو گه مِه اَرِه هُمَه‌م کِرد.

اول قرنتیان 4:16

اِسَه مَلالکِمَ بینتو اژ مِه سرمقشا بِگِرِن.

غَلاطیَل 6:6

هر کی اژ کلوم خداءَ مَگِریا، باس مَلِم ووژ اِ کُل چیئَل خو بیَردارا کِ.

اول تِسالونیکیَل 2:6

ایمِه‌یش وَه دُم جِلال اژ جونِم مردِما نوئیمو، چه اژ جونِم هُمَه چه اژ جونِم باقی مردِم، وَه‌یاآگه اِ مقوم رسولَل مسیح ایی حَخمونَ داشد گه اَژینتو بِمو.

دوئِم تِسالونیکیَل 3:7

اَرِیَگه ووژتونَ مَذانینو گه باس چطور اژ ایمَه سرمقشا بِگِرینو. اَرِیَگه زمونی گه ایمَه وَه‌گَردتو بیمو، تَمَل نوئیمو.

اول پطرس 2:21

اَرِیَگه، هُمَه هَر اَرِه یَه دَوَت بینونَ، اَرِیَگه مسیح‌یش اَرِه هُمَه زجِر کیشیتی ئو سرمقشی اَرِنتو هُیشتی تا پا بِنینون اَر جاپا او.

اول پطرس 5:3

نه یَگه اَر کسَلی گه سپارتیانَسَ دَستو آقایی کِینو، بلکِم نمونه‌ی بوئن اَرِه اَ ریئَنَ،