دوئِم تِسالونیکیَل 3:6 - کتاب مقدس به زبان لکی - گویش مرکزی

⁶ اِسگَه اِاِ بِرال، وَه نُم خداون عیسی مسیح حکمَ مِهِیم اَرینتو گه اژ هر بِرای گه تَمَلیَ مِهِه ئو مِطابق تیَلیمی گه اژ ایمَه‌تو گِرتیَ رفدار نِمِهِه، دویرا بِگِرِن.

دوئِم تِسالونیکیَل 3:6 Iomraidhean Croise

مَتّی 18:17

اَرّ نِهِستی گوش بِگِری اَر اون‌یش، بوشَ کلیسا؛ ئو اَرّ جُ‌جُ نَچیِ گِرد قصَه کلیسایش، اَسَه اوءَ بیگونَه یاگَه خِراجگیر بِذان.

رومیان 16:17

اِاِ بِرال، خواهشدتون اَژینَ مَهَم گه حُواستون کسَلی بو گه باعث جیاییَ موئن ئو کُچِکَ مَنِن اَر نوم رئی هُمَه ئو هان اَرضد تیَلیمی گه گِرتِتونَسا؛ اَژینو دویرا بِگِرِن،

اول قرنتیان 11:2

تیَریف اَژینتونَ مَهَم گه اِ کُل چی مِنَ مارینون‌َ ویر ئو رسمِ‌رِسیم هَراَ جورَ گه سپارتم‌ئونتو، حفظَ مِهِینو.

اول قرنتیان 5:4

وخدی هُمَه وَه نُم خداون عیسی اِ دور یَک جیَمَ موئینو، مِن اِنوم روح ئو وَه قدِرت خداونمو عیسی هام اِنومتو،

اول قرنتیان 5:9

مِنِ نُامَه نواینِهَه ووژِم نُیسونم اَرِنتو گه وَه‌گَرد کسَلی گه بی‌عصمتیَ مَهَن، هاتِن‌چیئینتو ناآشدوئی.

دوئِم قُرَنتیان 2:10

هر کی گه هُمَه بوئَشخینو، مِن‌یشَ موئَشخِمی. اَ چیئَه گه مِه بَشخیمَ -اَرّ چیئی اَرِه بَشخونِن بو- اَرتَک مسیح ئو وَه خاطر هُمَه‌م کِردیَ.

اَفِسُسیَل 4:17

اِسَه یَه موشِم ئو اِنوم خداون شاتیَ میَم گه رفدارتو دیَر نَباس اِجور خِرِیهودیَل بو گه اِنوم فگِرَل باطل ووژو رفدارَ مَهَن.

کولُسیَل 3:17

ئو هرچی مِهِینو، اِ قصَه کِردِن یا کردار، کُل چی وَه نُم خداون عیسی اَنجوم دَن، ئو وَه‌سونگَ او شگِر خداءِ باوَه بِهَن.

اول تِسالونیکیَل 4:1

دُماخِرِ، اِاِ بِرال، ایمَه اِنوم خداون عیسی مَلالکیمَ بینتو ئو خواهشد اَژینتونَ مِهِیم، هُنَ گه اژ ایمَه‌تو گِرتا گه چطور باس زِنِه‌ی بِهِینو ئو وَه دل خدا بوئینو، هَرهُنَ گه دیرینو مِهِینو، هَر یَه ویشتِرِ ویشتِر بِهَن.

اول تِسالونیکیَل 4:11

آواخدتو یَه بوءَ گه زِنِه‌ی آرومتونی داشدوئی، ئو سرتونِ کار ووژتو بو، ئو وَه دَسَل ووژتو کار بِهِینو، هَرهُنَ گه حکِممو کِرد اَرینتو.

اول تِسالونیکیَل 5:14

ئو اِاِ بِرال، خواهشد اَژینتونَ مِهِیم گه کسَلی گه تَمَلِن مِنا کِینو، ئو بی‌جورَتَل تشویق کِینو، ضِیفَل یاری دِینو ئو وَه‌گَرد کُلو صبِرتو داشدوئی.

دوئِم تِسالونیکیَل 2:15

اِسَه، اِاِ بِرال، پایار بِمینِن ئو بچسبِنَ تیَلیمَلی گه چه زوئونی ئو چه وَه نُامَه اژ ایمَه‌تونا گِرت.

دوئِم تِسالونیکیَل 3:7

اَرِیَگه ووژتونَ مَذانینو گه باس چطور اژ ایمَه سرمقشا بِگِرینو. اَرِیَگه زمونی گه ایمَه وَه‌گَردتو بیمو، تَمَل نوئیمو.

اول تیموتائوس 5:21

اَر تک خدا ئو مسیحْ عیسی ئو فریشدَه‌لی گه دیاری بینَ، سفدِسخد اَمونَتتَ میَمَ بی گه ایی فِربونِلَ بی‌خِرَض رایَت بِهِین ئو هُیچ کاری وَه دوچیَمکی نِهِین.

اول تیموتائوس 6:5

ئو باعثَ ماو هَر دَمَرَگَ بو اِنوم کسَلی گه فگِرو گَنَ کِردیِ ئو اژ حخیخت دویرِن، گُمونَ مَهَن دینداری وسیله‌ی کَ اَرِه فادَه کِردِن.

دوئِم تیموتائوس 3:5

وَه‌یاآگه شیوَه دینداری دیرِن، مِنتائای قدِرت حاشاءَ مَهَنی. اژ هُنَ کسَلی دویرا بِگِر.

دوئِم تیموتائوس 4:1

اَرتَک خدا ئو مسیحْ عیسی گه اَر مِردیَل ئو زِنیَل داوریَ مِهِه ئو وَه خاطر پاتِشائی ئو ظاهربیئِنی، اَمونَتتَ میَمَ بی

دوئِم یوحنا 1:10

اَرّ کسی با اِرَه تک هُمَه ئو ایی تیَلیمَ ناری، رئی‌ئون نیَنی با اِنوم مالتو ئو جُ‌جُ رُی خَوش‌ئون نِشو نیَنی؛