دوئِم تِسالونیکیَل 2:8 - کتاب مقدس به زبان لکی - گویش مرکزی

⁸ اَسَه اَ بی‌دینَ ظاهرَ ماو، گه خداون عیسی وَه حَفار دَم ووژ نابودَ مِهِیتی ئو وَه بِریقَه ظاهربیئِن هاتِن ووژ ریشی اِرَمارِتی.

دوئِم تِسالونیکیَل 2:8 Iomraidhean Croise

مَتّی 13:19

وخدی گه کسی کلوم پاتِشائی آسمونَ مَشتوئی مِنتائای میَنا نِمَفیَمتی، اَ شریرَ مای ئو اَ چیئَه گه اِنوم دل او کِشت بیَ، مَراقِنی‌اِر. یَه هَراَ تُئمَسَ گه کَت اِنوم رئی.

مَتّی 13:38

زَمی، ایی دنیاسَ؛ ئو تُئم خو، آیلَل پاتِشائی آسمونِن. گیال، آیلَل اَ شریرِنَ؛

مَتّی 16:27

«اَرِیَگه کُر اِنسو وَه‌گَرد فریشدَه‌لیا اِنوم جِلال باوَه ووژَ مای، اَ موقَع وَه هر کی مِطابق کارَلی، اَجِرَ مِ.

مَتّی 16:28

حخیختاً، موشِم‌ئونتو، بِری هوسیانَس اَر ایرَه گه تا کُر اِنسو نوئینِن گه اِنوم پاتِشائی ووژَ مای، طُم مرگ نِمَهَن.»

اول قرنتیان 1:28

خدا اَ چیئَه گه اِنوم ایی دنیاءَ خوار ئو ژارَ ئو جُ‌جُ اونَلی گه کسی نیِن، اِنتخاو کِردی تا ریشی اونَلی گه کسی کِن اِرباری،

دوئِم تِسالونیکیَل 2:3

نِیلِن هُیچ‌کس وَه هُیچ رئی‌ای فَنتو دِ. اَرِیَگه تا اول‌بار ناوَ گالِ‌راو اَرضد خدا ئو اَ پیا بی‌دینَ گه کُر هِلاکتَ ظاهر ناو، اَ روژَ نِمای.

اول تیموتائوس 6:14

گه ایی حکمَ تا موقَع ظاهربیئِن خداونمو عیسی مسیح، بی‌عِو ئو بی‌‌لارَ بارین‌َ جا،

دوئِم تیموتائوس 1:10

ئو اِسگَه وَه‌سونگَ ظاهربیئِن نجاددهندَه‌مو مسیحْ عیسی، کَتیَسِ در- او گه وَه‌سونگَ انجیل مرگ اژ بِن بِردی ئو زِنِه‌ی ئو ژییاین ابدی آشگار کِردی،

دوئِم تیموتائوس 4:1

اَرتَک خدا ئو مسیحْ عیسی گه اَر مِردیَل ئو زِنیَل داوریَ مِهِه ئو وَه خاطر پاتِشائی ئو ظاهربیئِنی، اَمونَتتَ میَمَ بی

دوئِم تیموتائوس 4:8

اَژیرِ دُما تاج صالح‌بیئین اَرِنِم آماده‌ءَ، تاجی گه خداون، اَ داور عادلَ، اِ اَ روژَ موئَشخِتیَ مِه -نه فَخَد وَه مِه بلکِم وَه کُل کسَلی گه وَه دارا بینَ اَرِه ظاهربیئِنی.

تیتوس 2:13

هَرهُنَ گه چیَمَ‌رئی اَ امید بِمارِکیمَ یانی ظاهربیئِن جِلال خداءِ عظیم ئو نجاددهندَه‌مو عیسی مسیح،

عِبرانیَل 10:27

بلکِم چیئی گه مَمینی، چیَمَ‌رئی مَنِن ترسناک اَرِه قضاوت ئو بِلیزَل آگِری کَ گه دشمنَل خدا قویت اِرامِ.

اول یوحنا 2:13

اِاِ باوَه‌ل، اَرِه هُمَه مَنُیسِنِم، اَرِیَگه اَوَه گه اژ اَ اولَ بیَسی، مَشتاسینو. اِاِ جِهالَل، اَرِه هُمَه مَنُیسِنِم، اَرِیَگه فائق هاتینونَس اَر اَ شریرَ. اِاِ آیلَل، اَرِه هُمَه مَنُیسِنِم، اَرِیَگه باوَه مَشتاسینو.

اول یوحنا 3:12

ایمَه نَباس اِجور قائِن بوئیمو گه هِن اَ شریرَ بیَ ئو بِرا ووژ کُشتی. ئو اَرِه‌چَه او کُشتی؟ اَرِیَگه کارَل ووژ گَن بی ئو کارَل بِرای دُریس.

اول یوحنا 5:18

ایمَه مَذانیم گه هر کی اژ خدا زاندَه بیَ دیَر اِنوم گنا زِنِه‌ی نِمِهِه، بلکِم اَ ’زاندَه خدا‘ یانی عیسی، مِتیَه‌جیَ ماوتی ئو دس شِطو نِمَرَستی‌ئون.

مِکاشفَه 1:16

اِ دس راسی هفت آسارَه داشدی، اژ دَمی شِمشیر دودَم تیژی هاتَ دِریر، ئو نوم‌رُی‌ای اِجور هویَر بی گه وَه کُل قویَت ووژَ مَدَرشخی.

مِکاشفَه 13:5

دَمی بَشخیاءَ اَ جونور وَشیَ گه قصَه‌ل کَلِنگ‌کَلِنگ ئو کِفِر بوشی، ئو صِلائو دائون تا اَرِه چِل ئو دو مُنگ قدِرت‌واختیار ووژ بیَریَ کار.

مِکاشفَه 19:15

ئو شِمشیر تیژی اژ دَمَ ماتیَ دِریر، تاگَه وَه اَوَه بی اَر ملتَل. «وَه موزبِرَه آهِنین اَر اونَل حکِمرونیَ مِهِه.» انگویر خِض ئو خَضو خداءِ قادر مطلق اِنوم حوض شِراو اِ ژیر پا مَتِلیقِنی.

مِکاشفَه 2:16

اِسَه توئَه بِهَه. اَرّنَه وَه ایی زویَ مام اِرَه تَکِت ئو وَه شِمشیر دَمِم اَرضدو جنگَ مَهَم.

مِکاشفَه 20:10

ئو ابلیس، گه فَنو دائیتی، آوشدون اِنوم دریاچَه آگِر ئو گوگرد، جای گه اَ جونور وَشیَ ئو نبوّت‌کَر دِروزِنِ بین. ئو اونَل شو ئو روژ تا ابد عذاوَ مَکیشِن.