دوئِم تِسالونیکیَل 2:2 - کتاب مقدس به زبان لکی - گویش مرکزی

² زوی فگِرتو اژ یَک نَچویچی ئو هولتون اِرانَگِری، چه اژ یِه روح چه اژ قصه‌ی، چه اژ نُامه‌ی گه هَماری اژ جونِم ایمِئَه گه موشی هِرازِه روژ گِلاهُاردِن خداون رَسیَ.

دوئِم تِسالونیکیَل 2:2 Iomraidhean Croise

مَتّی 24:24

اَرِیَگه مسیحَل دِروزِنِ ئو پِخَمَرَل دِروزِنِ هیزَمَگِرِن، ئو نشونَه‌ل ئو مُجِزَه‌ل کَلِنگی اَنجومَ میَن تاگَه اَرّ بو، جُ‌جُ کسَلی گه دیاری بینَ اژ رئی اِربارِن.

مَرقُس 13:7

وخدی اِبارَه جنگلَ مَشتوئینو ئو خَوَر جنگلَ مَرَسی گوشتو، هِراسو نوئن. هُنَ اتفاقَلی باس بِکُوءِ، مِنتائای آخِرکار هَنی نَرَسیَ.

لوقا 21:19

وَه طاخَت ئو پایاری گیو ووژتو نجادَ مِینو.

لوقا 21:9

«ئو وخدی خَوَر جنگل ئو گالِ‌راوِلَ مَشتوئینو زِلَتو نَچو. اَرِیَگه اول‌بار باس هُنَ اتفاقَلی بِکُوءِ، مِنتائای جاوارجا نِماوَ آخِر زَمو.»

یوحنا 14:1

«سِتار اژ دلتو نُئِری. ایمونتون اَر خدا داشدوئی؛ ایمونتون اَر مِن‌یش داشدوئی.

یوحنا 14:27

اَرِه هُمَه سِتارَ مِیلِمَ جا؛ سِتار ووژمَ میَمَ بینتو. اَ چیئَه گه مِنَ میَمَ بینتو، اِجور اَ سِتاری نیَ گه دنیا مِئَه بینتو. سِتار اژ دلتو نُئِری ئو هِراسو نوئن.

اول قرنتیان 1:8

او تاگَه آخِر، هُمَه پایارَ مِیلی، تا اِ روژ خداونمو عیسی مسیح بی‌عِو بوئینو.

اول قرنتیان 14:32

روحِ نبوّت‌کَرَل فِربوبَر نبوّت‌کَرِلَ.

اول قرنتیان 7:26

مِه گُمونَ مَهَم وَه خاطر سخدیَلی گه اِسگَه هَس، اَرِه اِنسو خوءَ اِ هر وضی گه هَس بِمینی.

اَفِسُسیَل 5:6

نِیلِن کسی وَه قصَه‌ل پیک فَنتو دِ، اَرِیَگه وَه خاطر هَرایی چیئِلَسَ گه خَضو خدا مَرِشی اَرسر آیلَل کورفِربونی‌اِرا.

اول تِسالونیکیَل 3:3

تاگَه هُیچ‌کس وَه خاطر ایی سخدیِلَ سُسا ناو. اَرِیَگه ووژتونَ مَذانینو گه ایمَه اَرِه یَه مَیِّن بیمونَ.

اول تِسالونیکیَل 4:15

اَرِیَگه وَه‌سونگَ کلوم خداون یَه موشیمَ بینتو: ایمَه گه زِنیئیم ئو تا هاتِن خداون مَمینیم اَر جا، نِمِیمون اَر قِ ایمودارَلی گه مِردِنَ.

اول تِسالونیکیَل 5:2

اَرِیَگه هُمَه ووژتونَ مَذانینو گه روژ گِلاهُاردِن خداون اِجور دُزی گه اِ شوءَ مای، مَرَسی.

دوئِم تِسالونیکیَل 2:15

اِسَه، اِاِ بِرال، پایار بِمینِن ئو بچسبِنَ تیَلیمَلی گه چه زوئونی ئو چه وَه نُامَه اژ ایمَه‌تونا گِرت.

دوئِم تِسالونیکیَل 3:17

مِه، پولُس، وَه خط ووژِم ایی سِلامَ مَنُیسونِم. یَه نشونَه مصخوص کُل نُامَه‌ل مِنَ. مِه هُنَ مَنُیسونِم.

مِکاشفَه 19:20

مِنتائای اَ جونور وَشیَ گرفدار بی ئو وَه‌گَرد او اَ نبوّت‌کَر دِروزِنِ گه اَرتَک او نشونَه‌ل ئو مُجِزَه‌لی کِردوئیتی تاگَه وَه اونَ کسَلی فن بِ گه چوئینِ گِرد نشونَه اَ جونور وَشیَ ئو مِجسمَه اَوُنَ مَپِرَسیا. اُوُنو هَردِک، زِنی آوشد اِنوم دریاچَه آگِر ئو گوگرد.