دوئِم تِسالونیکیَل 1:8 - کتاب مقدس به زبان لکی - گویش مرکزی

⁸ ئو اژ خدانشتاسَل ئو کسَلی گه اژ انجیل خداونمو عیسی فِربو نِمیَرِن، تقاصَ مَسینی.

دوئِم تِسالونیکیَل 1:8 Iomraidhean Croise

مَتّی 25:41

اَسَه موشیَ اونَلی گه هانیِ لا چپا: ”اِاِ لیَنَت‌بیَل، اژ مِه دویرا بِگِرِن ئو بِچِن اِنوم آگِر ابدی‌ای گه اَرِه شِطون ئو فریشدَه‌ل او آمادَه بیَ،

مَتّی 25:46

اِسَه یوئنَ مَچِنَ نوم عذاو ابدیا، مِنتائای آمَل صالحَ مَچِنَ نوم ژییاین ابدیا.»

یوحنا 3:19

ئو حکِم یَسَ گه نُیر هات اِنوم دنیا، مِنتائای مردِم تیَریکیو ویشتِر اژ نُیر دوس داشد، اَرِیَگه کارَلو گَنَ.

یوحنا 8:19

اَسَه وِتونَ بی: «باوَه‌ت هار کو؟» عیسی جوواو داتی: «نه مِنَ مَشتاسینو ئو نه باوَه‌م. اَرّ مِنتونَ مَشتاسیا باوَه مِن‌یشتونَ مَشتاسیا.»

کارَل رسولَل 6:7

ئو هَرهُنَ، کلوم خدا پَشخا موئیا ئو اِنوم شیَر اورشلیم شاگردَل ویشتِرا موئیان ئو بِری اژ کاهنَل‌یش ایمونو آوِرد.

رومیان 1:28

هَرهُنَ گه شناخت خدا اَرِه اونَل ارزشدی ناآشدی، خدا اونَل تسِلیم فگِرَل گَنو کِردی تاگَه اَوَه گه نَباس، اَنجوم دَن.

رومیان 1:5

خدا وَه‌سونگَ مسیح فیض دائونمو تاگَه رسولَل او بوئیمو ئو کُل ملتَل باریمَ اطاعتی گه اژ ایمونَ.

رومیان 10:16

مِنتائای اُوُ کُل گوشو نَگِرتَ ایی انجیلَ، اَرِیَگه اِشعیا پِخَمَرَ موشی: «اِاِ خداون، کی پِغوم ایمَه باوار کِردیِ؟»

رومیان 15:18

اَرِیَگه جورَت نِمَهَم اِبارَه چیئی قصَه بِهَم، بِخِر اژ اَ چیئَه گه مسیح وَه‌سونگَ مِه، اَنجوم داتی تاگَه وَه قصَه‌لِم ئو کارَلِم خِرِیهودیَل بِهَمَ فِربوبَر ایمو،

رومیان 16:26

ئو اِسگَه کَتیَسِ در ئو وَه‌سونگَ نُسَخ پِخَمَرَل، مِطابق حکِم خداءِ ابدی آشگارا بیَس اَر کُل ملتَل، تاگَه اونَل ایمو بارِن ئو اطاعت بِهَن-

رومیان 6:16

مَر نِمَذانینو اَرّ ووژتو هَر اِجور خُلُمَل فِربوبَری تسِلیم کسی بِهِینو، موئینونَ خُلُمَل اَ کسَ گه فِربون اَژینَ میَرینونی، چه خُلُم گنا، گه آخِری مرگَ، چه خُلُم اطاعت، گه آخِری صالح‌بیئینَ؟

اول قرنتیان 15:34

اژ ایی گیژی مَسیَ بورنَ دِریر ئو دیَر گنا نَهَن؛ اَرِیَگه بِری هَن گه خدا نِمَشتاسِن. یَه موشِم تاگَه خجالتا بوئینو.

دوئِم قُرَنتیان 10:5

ایمَه هر بَث ئو هر عخیدَه کَلِنگی گه اَرضد شناخت خدا بو نابودَ مِهِیم ئو هر فگِری اَرِه فِربو بِردِن اژ مسیح اسیرَ مِهِیم،

غَلاطیَل 3:1

اِاِ غَلاطیَل نایو، کی جادوتو کِردیِ؟ مرگ عیسی مسیح هُنَ آشگارا اَرِنتو تیَریف بی مَری اِ وَر چیَمَلتو کیشیا اَر صلیب.

غَلاطیَل 4:8

وِرِکار، زمونی گه خداتو نِمَشتاسیا، بَنَه اونَلی بینو گه ذاتاً خدا نیِن.

اول تِسالونیکیَل 4:5

نه اِ هُواوهوس شَوَت، اِجور خِرِیهودیَلی گه خدا نِمَشتاسِن.

عِبرانیَل 10:27

بلکِم چیئی گه مَمینی، چیَمَ‌رئی مَنِن ترسناک اَرِه قضاوت ئو بِلیزَل آگِری کَ گه دشمنَل خدا قویت اِرامِ.

عِبرانیَل 10:30

اَرِیَگه ایمَه اَوَه گه یَه وِتی، مَشتاسیم: «تَخاص هِن مِنَ؛ مِنِم گه سزاءَ میَم،»

عِبرانیَل 11:8

وَه ایمو بی گه ابراهیم وخدی دَوَت بی، اطاعت کِردی ئو چی اِرَه جای گه باس موئردیَ میرات، او بی‌یَگه بِذانی ویرِ کوءَ مَچو، کِردیَ دِریر.

عِبرانیَل 12:29

اَرِیَگه «خداءِ ایمَه آگِری کَ گه مَسُزِنی.»

عِبرانیَل 2:3

اِسَه اَرّ ایمَه هُنَ نجاد کَلِنگی وَه نِئیَ بِگِریم چطور اژ مِجازات بِحوایمی؟ خداون عیسی اژ اَ اولَ ایی نجادَ اِلوم کِردی، اَسَه وَه‌سونگَ کسَلی گه اژ اوُ شنَفت ثابت بی اَرینمو،

عِبرانیَل 5:9

ئو وخدی کاملا بی، بیَ سِرآو نجاد ابدی اَرِه کُل کسَلی گه فِربون اَژینَ میَرِنی.

اول پطرس 1:2

اونَلی گه مِطابق اَ چیئَه گه خداءِ باوَه وِرِکار مَذِناسدی، وَه‌سونگَ کار تقدیس‌کَر روحِ خدا، ئو اَرِه اطاعت اژ عیسی مسیح ئو پِشکونِن خوین او اَر اونَل، دیاری بینَ: فیض‌وسِلامتی چَل‌چَل اَر هُمَه بو.

اول پطرس 3:6

هُنَ گه سارا فِربوبَر ابراهیم بی ئو اوءَ آقا هِنا مَهَردی. هُمِه‌یش اَرّ خوئی بِهِینو ئو اژ چیئی گه زِلَ‌تِراقتونا مِهِه زِلَتو نَچو، آیلَل اوئینو.

اول پطرس 4:17

اَرِیَگه وخد اَوَه رَسیَ گه بِنیا داوری، اژ مال خدا بِنِری؛ ئو اَرّ بِنیا اَوَه اژ ایمَه مَنِری، اِسَه عاقویَت اونَلی گه اژ انجیل خدا اطاعت نِمَهَن، چَه ماو؟

دوئِم پطرس 3:7

مِنتائای وَه‌سونگَ هَراَ کلومَ، آسمونَل ئو زمینی گه اِسگَه هَسی اَرِه آگِر نیریانَسِ لا ئو تا روژ داوری ئو نابودی بی‌دینَل حفظَ موئن.

یهودا 1:7

ئو هَمیش، شیَرَل سُدوم ئو عَمورَه ئو شیَرَل اَ هِناسَ، گه اِجور اونَل بی‌عصمتیو کِرد ئو چِنَ دُم شَوَتَلی گه اَرِه لار طبیعی نیِن، ئو وَه کَتِن اِنوم مِجازات آگِر ابدی بینَ عبرتی اَرِه ایمَه.

مِکاشفَه 20:10

ئو ابلیس، گه فَنو دائیتی، آوشدون اِنوم دریاچَه آگِر ئو گوگرد، جای گه اَ جونور وَشیَ ئو نبوّت‌کَر دِروزِنِ بین. ئو اونَل شو ئو روژ تا ابد عذاوَ مَکیشِن.

مِکاشفَه 21:8

مِنتائای بی‌جورَتَل ئو بی‌ایمونَل ئو تویک‌تیَلَل ئو آم‌کُشَل ئو زِنهاکارَل ئو جادوگرَل ئو بِت‌پِرَسَل ئو کُل دِروزِنَل، دریاچَه گُرگِرتی وَه آگِر ئو گوگرد، ماوَ نَصُیو. یَه مرگ دوئِمَ.»

مِکاشفَه 6:10

اونَل وَه دَنگ کَلِنگَ مَقارونو: «اِاِ خداونِ قادر، اِاِ قدوس ئو حخ، تا کِ داوری نِمِهِین ئو تقاص خوین ایمَه اژ مردِم رُی زَمی نِمَسینین؟»