دوئِم تِسالونیکیَل 1:7 - کتاب مقدس به زبان لکی - گویش مرکزی

⁷ ئو سِتار بیَ هُمَه گه دیرینو سزاءَ موئنینو ئو وَه ایمِه‌یش. وخدی گه خداون عیسی وَه‌گَرد فریشدَه‌ل زوردار ووژ اِ آگِر گُرّی اژ آسمو ظاهرَ ماو.

دوئِم تِسالونیکیَل 1:7 Iomraidhean Croise

مَتّی 16:27

«اَرِیَگه کُر اِنسو وَه‌گَرد فریشدَه‌لیا اِنوم جِلال باوَه ووژَ مای، اَ موقَع وَه هر کی مِطابق کارَلی، اَجِرَ مِ.

مَتّی 16:28

حخیختاً، موشِم‌ئونتو، بِری هوسیانَس اَر ایرَه گه تا کُر اِنسو نوئینِن گه اِنوم پاتِشائی ووژَ مای، طُم مرگ نِمَهَن.»

مَتّی 25:31

«وخدی گه کُر اِنسون اِنوم جِلال ووژ وَه‌گَرد کُل فریشدَه‌ل بای، اَ موقَع مَنیشی اَرسر تخت پِرجِلال ووژ.

مَتّی 25:41

اَسَه موشیَ اونَلی گه هانیِ لا چپا: ”اِاِ لیَنَت‌بیَل، اژ مِه دویرا بِگِرِن ئو بِچِن اِنوم آگِر ابدی‌ای گه اَرِه شِطون ئو فریشدَه‌ل او آمادَه بیَ،

مَتّی 26:64

عیسی جوواوا داتی: «تو ووژِت وِتِت! موشِم‌ئونتو گه اَژیرِ دُما کُر اِنسونَ موئینینو گه نیشتیَس اَر دس راس خداءِ قادرا، ئو وَه سر اُرَل آسمونا مای.»

مَرقُس 14:62

عیسی وِتَ بی: «هم، ئو کُر اِنسونَ موئینینو گه نیشتیَس اَر دس راس خداءِ قادر، ئو اَر رُی اُرَل آسمونَ مای.»

مَرقُس 8:38

اَرِیَگه هر کی اِنوم ایی نسِل زِنهاکار ئو گناکارَ اژ مِه ئو قصَه‌لِم عار بایتی، کُر اِنسون‌یش اَسَه گه اِنوم جِلال باوَه ووژ وَه‌گَرد فریشدَه‌ل مقدّس بای، اژ او عارَ مایتی.»

لوقا 16:25

مِنتائای ابراهیم جوواوا داتی: ”اِاِ رولَه، بارَ ویرِت گه اِنوم زِنِه‌یت، چیئَل خوتی داشد، ئو چیئَل گَن بیَ نَصُی ایلعازَر. اِسگَه او اَر ایرَه ها آسائشت‌اِر ئو تو هاینِ عذاواِر.

لوقا 17:30

روژ ظاهر بیئِن کُر اِنسون‌یش هِرِ ایی جورَ ماوَ.

یوحنا 1:3

کُل چیئَل وَه‌سونگَ او خَلک بین، ئو اژ هر چیئی گه خَلک بی، هُیچی بی او خَلک نوئی.

یوحنا 1:51

دُماخِرِ وِتی: «حخیختاً، موشِمَ بینتو، هُمَه موئینینو گه آسمو تاق بیَ ئو فریشدَه‌ل خدا دیرِن اَر کُر اِنسو مَچِنِ رُ ئو مانَ هُار.»

کارَل رسولَل 1:11

ئو وِتو: «اِاِ پیال جلیلی، اَرّا هوسیاینونَ ئو گِزتو کِردیَس اَر آسمو؟ هَر ایی عیسیَ گه اژ تک هُمَه ویرِ آسمو بَریا، هَرهُنَ گه دیتو چی اَر آسمو اِدوارَه گِلامیریِ دُما.»

کارَل رسولَل 3:19

اِسگَه توئَه کَن ئو گِلارِن ویرِ خدا، تاگَه گنائَلتو پاکا بو تاگَه روژَل تازه‌آ بیئِن، اژ حضور خدا اَرِنتو برَسی،

رومیان 8:17

ئو اَرّ آیلَل خدایمو، اِسَه وارثَل‌یش هِیم، یانی وارثَل خدا ئو هُم‌ارثَ گَرد مسیح. وَه شرطی گه ایمِه‌یشَ گَرد او عذاو بِکیشیم تاگَه وَه‌گَرد او جِلال بِگِریم.

اول قرنتیان 3:13

کار هر کی آشگارا ماو، اَرِیَگه اَ ’روژَ‘ کُل چیئَه ماوژیِ در. اَرِیَگه آگِر آخِر کار آشگارَ مِهِه، ئو آگِر گَن ئو خو کار هر کی اِنتحونَ مِهِه.

دوئِم قُرَنتیان 4:17

اَرِیَگه سخدیَلی گه گُجَرِن ئو مَگُذَرِن، اَرِه ایمَه جِلال ابدی‌ای مارِن گه نِماو وَه‌گَرد اَ سخدیِلَ قیاس کِینی.

اَفِسُسیَل 1:2

فیض ئو سِلامتی اژ جونِم خدا، باوَه‌مو، ئو خداون عیسی مسیح، اَر هُمَه بو.

کولُسیَل 1:16

اَرِیَگه کُل چی وَه‌سونگَ او خَلک بی: اَ چیئَه گه ها آسمون‌اِر ئو اَ چیئَه گه ها رُی زَمی، چیئَلی گه ماو بوئینیو ئو چیئَلی گه نِماو بوئینیو، تختَل ئو حکِمرونیَل، ریاستَل ئو قدِرتَل، کُل وَه‌سونگَ او ئو اَرِه او خَلک بین.

اول تِسالونیکیَل 3:13

ئو دلَلتو قرص بِهِه تا اَسَه گه خداون ایمَه عیسی وَه‌گَرد کُل ایمودارَل ووژَ مای، اَرتَک خدا، باوَه آسمونیمو بی‌عِو ئو مقدّس بوئینو.

دوئِم تیموتائوس 2:12

اَرّ تیَمِل بِهِیم، وَه‌گَرد او سِلطنت‌یشَ مِهِیم. اَرّ حاشا کِیمی اویش حاشامونَ مِهِه.

تیتوس 2:13

هَرهُنَ گه چیَمَ‌رئی اَ امید بِمارِکیمَ یانی ظاهربیئِن جِلال خداءِ عظیم ئو نجاددهندَه‌مو عیسی مسیح،

عِبرانیَل 10:27

بلکِم چیئی گه مَمینی، چیَمَ‌رئی مَنِن ترسناک اَرِه قضاوت ئو بِلیزَل آگِری کَ گه دشمنَل خدا قویت اِرامِ.

عِبرانیَل 12:29

اَرِیَگه «خداءِ ایمَه آگِری کَ گه مَسُزِنی.»

عِبرانیَل 4:1

اِسَه وَه‌یاآگه وَدَه چیئین اِنوم پَلامار او هَر هار سرجا ووژ، زِلَمو بِچو گه ناخواد آشگارا بو یَکی اژ هُمَه، اِ یَگه برَسیَ وَدَه شِکِس هُاردیِ.

عِبرانیَل 4:11

اِسَه بورِن سخد تقِلا بِهِیم تاگَه بِچیم اِنوم اَ پَلامارا، تاناخواد کسی وَه‌سونگَ هُنَ کورفِربونی‌ای بِکُوءِ.

عِبرانیَل 4:9

اِسَه یِه پَلامار شَمَه مقدّس اَرِه قوم خدا مَمینی اَر سرجا؛

عِبرانیَل 9:28

اِسَه مسیح‌یش گه یِه گِل قُرونی بی تا گنائَل فِرَه کسَل بِگِریِ کول، اَرِه گِل دوئِم ظاهرَ ماو، نه اَرِیَگه گنائَل هیزدِ، بلکِم تاگَه کسَلی گه وَه شوقا چیَمَ‌رئیِنی، نجاد دِ.

اول پطرس 3:22

هَر او گه ویرِ آسمو چی ئو اِسگَه ها اَر دس راس خدا ئو فریشدَه‌ل ئو صائای‌قدِرتَل ئو قویَتَل فِربوبَر اوئِن.

دوئِم پطرس 3:7

مِنتائای وَه‌سونگَ هَراَ کلومَ، آسمونَل ئو زمینی گه اِسگَه هَسی اَرِه آگِر نیریانَسِ لا ئو تا روژ داوری ئو نابودی بی‌دینَل حفظَ موئن.

یهودا 1:7

ئو هَمیش، شیَرَل سُدوم ئو عَمورَه ئو شیَرَل اَ هِناسَ، گه اِجور اونَل بی‌عصمتیو کِرد ئو چِنَ دُم شَوَتَلی گه اَرِه لار طبیعی نیِن، ئو وَه کَتِن اِنوم مِجازات آگِر ابدی بینَ عبرتی اَرِه ایمَه.

مِکاشفَه 1:7

سِیل کَ، وَه اُرِلَ مای، ئو هَر چیَمی اوءَ موئینی، جُ‌جُ چیَم اونَلی گه نِزِه‌ئو دا اَری؛ ئو کُل طائفَه‌ل زَمی لورَلورَ مَهَنی اَرِه. اَاَ، هُنَ ماو. آمین.

مِکاشفَه 14:10

اویش اژ شِراو خَضو خدا گه پِرمِلات ئو خَص رِشیاس اِنوم جُم خِض او، خُرَّ مِ، ئو او اَرتَک فریشدَه‌ل مقدّس ئو اَرتَک وَرک وَه آگِر ئو گوگرد عذاوَ موئینی.

مِکاشفَه 14:13

اَسَه دَنگمی اژ آسمو شنَفت گه موئِتی: «بِنُیسِن: خَوزگالَ کسَلی گه اَژیرِ دُما اِنوم خداونَ مَمِرِن.» ئو روحِ خدا وِتی: «اَاَ، خَوزگالَ اَرینو، اونَل اژ جُورَلو سِتارونَ مَگِری، اَرِیَگه کارَلو وَه دُم سرونا مای!»

مِکاشفَه 20:11

اَسَه تخت کَلِنگ ئو اِسبیمی دی، ئو کسی گه نیشتوئیتی اَرسرا. آسمون ئو زمین اژ اوءَ مِحوایان ئو جای اَرِنو نوئیَ دی.

مِکاشفَه 21:4

او هر اَسِری اژ چیَمَلو پاکا مِهِه. ئو دیَر مرگ نیَ؛ ئو دیَر چَمَر ئو گیری ئو ژُ نیَ، اَرِیَگه چی نواینِلَهَه نابود بینَ.»

مِکاشفَه 22:16

«مِه، عیسی، فریشدَه ووژِم کِلِم‌کِرد اَرِه تَکتو تا ایی چیئِلَ اَرِه کلیسا شاتی بِ. مِه ریشی ئو نسِل داوود ئو آسارَه بِریقَه‌دار شفقِم.»

مِکاشفَه 22:6

فریشدَه وِتیَ مِه: «ایی قصه‌لَ ماو اِتِمادَ بینو کِین ئو راسِن. خداون، خداءِ روحَل نبوّت‌کَرَل، فریشدَه ووژ کِل‌کِردی تا اَ چیئَه گه باس وَه ایی زویَ اتفاق بِکُوءِ، نِشو خادمَلی دِ.»

مِکاشفَه 22:9

مِنتائای فریشدَه وِتی‌ئونِم: «ناخواد هُنَ بِهِین! مِن‌یش هُم‌قطار تون ئو بِرالتِم، یانی نبوّت‌کَرَل، ئو اونَلی گه کلوم ایی کِتاوَ مارِنَ جا. خدا عَبادت کَ.»

مِکاشفَه 6:11

اَسَه وَه هرکُم اژ اونَل، چوخا اِسبی‌ئونی دا ئو وِتون‌ئونو گه گِری ویشتِر بِکُمِن تاگَه شِمار هُم‌قطارَلو ئو بِرالو گه میا هَر اِجور اونَل بِکُشِرِن، کاملا بو.