دوئِم تِسالونیکیَل 1:4 - کتاب مقدس به زبان لکی - گویش مرکزی

⁴ اَژونَسَ ایمَه اِنوم کلیسائَل خدا وَه خاطر دَرین‌داری ئو ایمونتو اِ تیَمِل مِصیوَتَل ئو سخدیَل افتخارتونَ بینَ مِهِیم.

دوئِم تِسالونیکیَل 1:4 Iomraidhean Croise

رومیان 12:12

اِ امید خَوشالی بِهَن، اِ سخدیَل طاختتو داشدوئی ئو یِمِجو دوعا بِهَن.

رومیان 2:7

او ژییاین ابدیَ موئَشخیَ کسَلی گه وَه صبِر اِ اَنجوم کارَل خو، هان اَر دُم جِلال ئو عزّت ئو زِنِه‌ی ابدیا؛

رومیان 8:25

مِنتائای اَرّ امید اَر چیئی دیریم گه هَنی نِئیمونَ، وَه صبِرا چیَمَ‌رئیَ مَمینیمی.

اول قرنتیان 7:17

فَخَد بِیلِن هر کی اَجورَ زِنِه‌ی بِهِه گه خداون اَرِه او آوشدیَسیَ کِل چیَم ئو خدا اَرِه اَوَه او دَوَت کِردیَسی. یَه حکِم مِنَ اِنوم کُل کلیسائَل.

دوئِم قُرَنتیان 12:10

اِسَه وَه خاطر مسیح، اِنوم ضیَفَل، دُشمینَل، سخدیَل، آزارَل ئو بِلائَل خَوشالِم، اَرِیَگه وخدی ضِیفِم، زوردارِم.

دوئِم قُرَنتیان 7:14

اَرِیَگه هر چی اَرتَک او وَه هُمَه افتخارِم کِردوئی، خجالتا نوئیم. بلکِم هَراَ جورَ گه هر چیمونی وِتَ هُمَه دُریس بی، افتخار ایمَه اَرتَک تیتوس‌یش راس اِرهات.

دوئِم قُرَنتیان 7:4

مِه اِتِماد کامل اَر هُمَه دیرِم، فِرَه مَنازِمَ بینتو؛ پِر اژ دلگُوئیِم، ئو اِ کُل سخدیَلمو مِه پِر اژ خَوشیِم.

دوئِم قُرَنتیان 9:2

اَرِیَگه مَذانِم گه هُمَه اَرِه ایی کارَ شوق دیرینو، ئو اَرِه یَه اَرتَک ایمودارَل هیال مقدونیَه افتخارتونَ بینَ مَهَم ئو وِتِمَسَ بینو گه هُمَه اژ پارنِهَه اِ هیال اَخائیَه اَرِه دائِن پیشکَشی آمادَه بینونَ، ئو ایی خیرَت هُمَه بِری اژ اونَل اَرِه ایی کارَ آوِردیَسی اَر سر خیرَت.

دوئِم قُرَنتیان 9:4

تاناخواد، اَرّ مردِم مقدونیَه وَه‌گَرد مِه بان ئو بفیَمِن گه آمادَه نیئینو، ایمَه وَه خاطر اطمینونی گه وَه هُمَه‌مو داشدیَ اِ نوا اونَل خجالتا بوئیم تا چه برَسیَ هُمَه.

اول تِسالونیکیَل 1:3

اَرتَک خدا ئو باوَه آسمونیمو کارتو گه اژ ایمونَ ئو زیَمَتو گه اژ مِحبتَ ئو درین‌داریتو گه اژ امید اِنوم خداونمو عیسی مسیحَ، ماریمَ ویر.

اول تِسالونیکیَل 2:14

اَرِیَگه اِاِ بِرال، هُمَه اژ کلیسائَل خدا اِ یهودیَه گه هان اِنوم مسیحْ عیسی، سرمقشتو گِرت. اَرِیَگه هُمِه‌یش هَراَ عذاوَلتونی اژ هُم‌‌خاکَل ووژتو دی گه اُوُ اژ یهودیَلو دی،

اول تِسالونیکیَل 2:19

اَرِیَگه امید ئو خَوشی ئو تاج افتخار ایمَه اَرتَک خداونمو عیسی موقَع هاتِنی چیَ؟ مَر هُمَه نیئینو؟

دوئِم تِسالونیکیَل 3:5

خداون دلَلتو هدائَت بِهِئَه مِحبت خدا ئو دَرین‌داری مسیح.

عِبرانیَل 10:36

اَرِیَگه لازمَ پایار بِمینینو تا زمونی گه خواس خداتو اَنجوم دا، اَ چیئَه گه وَدَه هاوِنتیَ بارینونَ دس.

عِبرانیَل 6:12

تاگَه تَمَل نوئینو، بلکِم اژ کسَلی سرمقشا بِگِرینو گه وَه‌سونگَ ایمون ئو صبِر، موئنَ وارث وَدَه‌ل.

عِبرانیَل 6:15

ئو وَه ایی جورَ، ابراهیم دُما یَگه وَه صبِر چیَمَ‌رئی مَن، وَدَه آوِردیَ دس.

یعقوب 5:11

اِسگَه ایمَه کسَلی خوشبختَ مَذانیم گه پایار مَنِنَ ئو هُمَه اِبارَه صبِر ئو تیَمِل ایوبتو شنَفتیَ ئو دیتونَ گه خداون آخِرسر چَه اَرِه کِرد، ئو خداون چَنی رِئیم ئو مِرِبونَ.

دوئِم پطرس 1:6

ئو اَر شناخت، نوا ووژ گِرتِن، ئو اَر نوا ووژ گِرتِن، دَرین‌داری، ئو اَر دَرین‌داری، دینداری،

مِکاشفَه 14:12

یَه پایاری ایمودارَل مسیحَ مِیتی گه حکمَل خدا ئو ایمون اَر مسیحَ مارِن‌َ جا.