دوئِم تِسالونیکیَل 1:10 - کتاب مقدس به زبان لکی - گویش مرکزی

¹⁰ اَسَه گه او اِ اَ روژَ مای تاگَه اِنوم ایمودارَل ووژ جِلال بِگِری ئو اِنوم کُل کسَلی گه ایمونو آوِردیَ باعث بِلُجوئی هاتِن بو، یَه اَرِه هُمِه‌یشَ، اَرِیَگه ایمونتو آوِردیَس اَر شاتی ایمَه.

دوئِم تِسالونیکیَل 1:10 Iomraidhean Croise

مَتّی 16:27

«اَرِیَگه کُر اِنسو وَه‌گَرد فریشدَه‌لیا اِنوم جِلال باوَه ووژَ مای، اَ موقَع وَه هر کی مِطابق کارَلی، اَجِرَ مِ.

مَتّی 16:28

حخیختاً، موشِم‌ئونتو، بِری هوسیانَس اَر ایرَه گه تا کُر اِنسو نوئینِن گه اِنوم پاتِشائی ووژَ مای، طُم مرگ نِمَهَن.»

مَتّی 24:36

«مِنتائای هُیچ‌کس اَ روژ ئو اَ ساتَ نِمَذانی بِخِر اژ باوَه؛ جُ‌جُ فریشدَه‌ل آسمون ئو کُریش خَوَر اَژی نِرِنی.

مَتّی 25:31

«وخدی گه کُر اِنسون اِنوم جِلال ووژ وَه‌گَرد کُل فریشدَه‌ل بای، اَ موقَع مَنیشی اَرسر تخت پِرجِلال ووژ.

مَتّی 7:22

اِ اَ روژَ فِرَه کَسِلَ موشِن‌ئونِم: ”اِاِ خداون، اِاِ خداون، مَر وَه نُم تو نبوّتمو نَهَرد؟ مَر وَه نُم تو مِلاکَتَلمو نَهَردَ دِریر؟ مَر وَه نُم تو مُجِزَه‌ل فِرَه‌مونی اَنجوم نا؟“

لوقا 10:12

موشِم‌ئونتو گه اِ روژ داوری، طاخَت مِجازات اَرِه شیَر سُدوم آسُتِرَ ماو تاگَه اَرِه اَ شیَرَ.

یوحنا 11:4

عیسی وخدی گه ایی خَوَرَ شنَفتی، وِتی: «عاقویَت ایی مریضیَ مرگ نیَ، بلکِم اَرِه جِلال دائِن خداءَ، تا کُر خدا وَه‌سونگَ اَوَه جِلال بِگِری.»

یوحنا 17:10

هرچی گه هِن مِنَ، هِن تونَ ئو هرچی گه هِن تونَ، هِن مِن‌یشَ؛ ئو اِنوم اونَل جِلالِم گِرتیَ.

اول قرنتیان 1:6

جُ‌جُ هَرهُنَ گه شاتی ایمَه اِبارَه مسیح اِنومتو تایید بیَ،

اول قرنتیان 3:13

کار هر کی آشگارا ماو، اَرِیَگه اَ ’روژَ‘ کُل چیئَه ماوژیِ در. اَرِیَگه آگِر آخِر کار آشگارَ مِهِه، ئو آگِر گَن ئو خو کار هر کی اِنتحونَ مِهِه.

غَلاطیَل 1:24

ئو اونَ وَه خاطر مِه خدائو جِلالَ ما.

اَفِسُسیَل 1:12

تا ایمَه گه اول کسَلی بیمو گه امیدمو بَسدَ مسیح، باعث شگِر کِردِن جِلال او بوئیم.

اَفِسُسیَل 1:14

روح‌القدسی گه بِعونَه میرات ایمِئَه تا زمونی گه تمومِ‌کمال بِهِیمیَ هِن ووژمو، تاگَه جِلال او شگِر بو.

اَفِسُسیَل 1:18

تا چیَم دلتو روشِه بو، تاگَه امیدی گه خدا دَوَتتو کِردیَسیَ بی، بشتاسینو ئو اَ میرات بی‌حدِحساو ئو پِرجِلال خدا اِنوم ایمودارَل مسیحَ، بِفیَمینو.

اَفِسُسیَل 1:6

تا هُنَ فیض پِرجِلال او شگِر بو، فیضی گه اِنوم اَ عزیزگرامی ووژَ ایمَه بِرَکت داتی.

اَفِسُسیَل 2:7

تاگَه اِ اَ زمونَلی گه میا بان، دولَمَنی بی‌حدِحساو فیض ووژ اِنوم مسیحْ عیسی، اِ مِرِبونی اَر ایمَه، نِشو بِ.

اَفِسُسیَل 3:10

تا وَه‌سونگَ کلیسا اِسگَه حکمت جوراجور خدا آشگارا بو اَر حکِمرونَل ئو قدِرتَل اِ جائَل آسمونی،

اَفِسُسیَل 3:16

گه مِطابق دولَمَنی جِلال ووژ بوئَشخیَ بینتو تاگَه وَه‌سونگَ روح خدا اِ دَرین ووژتو وَه قویَت زوردار بوئینو،

اول تِسالونیکیَل 1:5

اَرِیَگه انجیل ایمَه نه فَخَد وَه قصَه بلکِم اِنوم قدِرت ئو اِنوم روح‌القدس ئو وَه اطمینو کامل رَسیَ هُمَه. هُنَ گه مَذانینو وَه خاطر هُمَه چطور اِنومتو رفدارمو کِرد.

اول تِسالونیکیَل 2:1

اِاِ بِرال، ووژتونَ مَذانینو هاتِن ایمَه اَرِه تک هُمَه بی‌فادَه نوئی.

اول تِسالونیکیَل 2:12

هرکُم اژ هُمَه‌مو تشویق کِرد ئو دلگُوئیمو دا ئو اَمونَتمو دا گه طوری رفدار بِهِینو گه لائق خدای بو گه دَوَتتونَ مِهِئَه پاتِشائی ئو جِلال ووژ.

اول تِسالونیکیَل 2:13

ئو ایمِه‌یش یِمِجو اَرِه یَه شگِر خداءَ مِهِیم، گه وخدی چینون‌ِ گِرد کلوم خدا گه اژ ایمَه‌تو شنَفت، اَوتونَ نه اِجور کلوم اِنسو بلکِم اِجور کلوم خدا قبول کِرد، گه اِراسی‌ش هَس، کلومی گه اِنوم هُمَه ایمودارَل کارَ مِهِه.

دوئِم تِسالونیکیَل 1:12

تاگَه نُم خداونمو عیسی اِنومتو جِلال بِگِری، ئو هُمِه‌یش مِطابق فیض خدامو ئو خداون عیسی مسیح اِنوم او جِلال بِگِرینو.

دوئِم تِسالونیکیَل 2:13

مِنتائای اِاِ بِرالی گه عزیزگرامی خدائینو، ایمَه باس وَه خاطر هُمَه هَر شگِر خدا بِهِیم، اَرِیَگه خدا هُمَل اِجور نوبر دیاری کِردی تا وَه‌سونگَ کار تقدیس‌کَر روحِ خدا ئو ایمون اَر حخیخت نجاد بِگِرینو.

اول تیموتائوس 3:16

اِراسی گه سِرّ دینداری فِرَه کَلِنگَ: او گه اِنوم جسم ظاهر بی، وَه‌سونگَ روحِ خدا ثابت بی، فریشدَه‌ل اوُ دی، اِنومجا قومَل اِلوم بی، اِنوم دنیا ایمونو آوِردَ بی، ئو وَه جِلال، ویرِ بِلِنگ بَریا.

دوئِم تیموتائوس 1:12

اَژونَسَ گه هُنَ عذاویشَ مَکیشِم، مِنتائای عارِم نِمای، اَرِیَگه مَذانِم ایمونِم آوِردیَس اَر کی ئو اطمینو دیرِم گه اوءَ مَتونی اَ چیئَه گه سپارتیاسَ مِه، تا اَ روژَ حفظ کِ.

دوئِم تیموتائوس 1:18

خداون بوئَشخِتیَ بی گه اِ اَ روژَ اژ جونِم خداون ریَمَت بوتی اَری. تو ووژِت اژ خِلمتَل او اِ شیَر اَفِسُس خو خَوَر دیرین.

دوئِم تیموتائوس 4:8

اَژیرِ دُما تاج صالح‌بیئین اَرِنِم آماده‌ءَ، تاجی گه خداون، اَ داور عادلَ، اِ اَ روژَ موئَشخِتیَ مِه -نه فَخَد وَه مِه بلکِم وَه کُل کسَلی گه وَه دارا بینَ اَرِه ظاهربیئِنی.

اول پطرس 2:9

مِنتائای هُمَه نسِلی کینو گه دیاری بینونَ ئو کاهنَلی کینو گه شاهونَه کاهنیَ مِهِینو، ملت مقدّس ئو قومی گه مِلک مصخوص خداءَ، تا صفتَل فِرَه خاص او اِلوم کِینو، او گه هُمَه اژ تیَریکی دَوَت کِردیَسی‌ِ نُیر بِلُجوئی ووژ.