دوئِم پطرس 3:9 - کتاب مقدس به زبان لکی - گویش مرکزی

⁹ برعسک اَ چیئَه گه بِری گُمونَ مَهَن، خداون اَرِه اَنجوم وَدَه‌لی دیر نِمِهِه، بلکِم اَرِه هُمَه صبِر دیری، اَرِیَگه نِمِیتی کسی نابود بو بلکِم مِیتی کُل توئَه بِهَن.

دوئِم پطرس 3:9 Iomraidhean Croise

رومیان 13:11

هَمیش هُمَه مَذانینو گه هاینونِ چه زمونی‌کِر، گه هَراِسگَه سات رَسیَسی گه اژ خاو هیزگِرینو، اَرِیَگه نجاد ایمَه اِسگَه نزیکتِر اژ زمونی کَ گه ایمونمو آوِرد.

رومیان 13:12

شو دیری تمومَ ماو ئو روژ نزیکَ. اِسَه بورِن کارَل تیَریکی بنیمِ لا ئو زِری نُیر بِهِیمِ وَر.

رومیان 2:4

یاگَه مِرِبونی، صبِر ئو تیَمِل فِرَه خدا وَه هُیچَ مَذانین ئو نِمَذانین گه مِرِبونی خدا اَرِه یَسَ گه تو باری ویرِ توئَه؟

رومیان 9:22

چَه ماو اَرّ خدا وَه‌یاآگه مِیتی خَضو ووژ نِشو دِ ئو قدِرت ووژ بشتاسِنی، حاجَتَل خَضو گه اَرِه نابودی حاضر بوئین، وَه صبِر فِرِه تیَمِل کِ،

اول تیموتائوس 1:16

وَه ایی خاطرَ، ریَم بی اَرینِم تا مسیحْ عیسی صبِر کامل ووژ اَر مِه نِشو دِ گه اژ کُل گناکارَل کَلِنگتِرِم، تا نمونه‌ی بوئم اَرِه اونَلی گه اَژیرِ دُما اَرِه ژییاین ابدی ایمونَ مارِنیَ بی.

اول تیموتائوس 2:4

او گه مِیتی کُل مردِم نجاد بِگِرِن ئو برَسِنَ شناخت حخیخت.

عِبرانیَل 10:37

اَرِیَگه دُما مِدتی‌تِر «اَوَه گه باس بای، مای ئو دیر نِمِهِه.

اول پطرس 3:20

اَرِیَگه اَ روحِلَ قدیم کورفِربونیو کِرد، اَسَه گه خدا اِ زَمو نوح گه کَشتیِهَه دُریسَ موئیا، وَه صبِر چیَمَ‌رئی بی. اِنوم اَ کَشتیَ فَخَد چَن نفر، یانی هشت نفر، وَه‌سونگَ آو نجادو گِرت.

دوئِم پطرس 1:4

گه وَه‌سونگَ یوئنَ او وَدَه‌ل کَلِنگ ئو خیمتی ووژ بَشخیَسیَ ایمَه، تا وَه‌سونگَ اونَ بوئینونَ هُم‌بیَر طبیعت الهی ئو اژ فسادی گه وَه خاطر میلَ گنا ها نوم دنیااِر، آزاد بوئینو.

دوئِم پطرس 3:15

ئو صبِر خداون ایمَه نجاد بِذانِن، هَرهُنَ گه بِرا عزیزگرامیمو پولُس‌یش مِطابق حکمتی گه بَشخیاسیَ بی، اَرِنتو نُیسونی.

مِکاشفَه 2:21

مِجالِم دائون تاگَه توئَه بِهِه مِنتائای او نِمَچوءِ ژیر یَگه اژ بی‌عصمتی ووژ توئَه بِهِه.