دوئِم پطرس 3:7 - کتاب مقدس به زبان لکی - گویش مرکزی

⁷ مِنتائای وَه‌سونگَ هَراَ کلومَ، آسمونَل ئو زمینی گه اِسگَه هَسی اَرِه آگِر نیریانَسِ لا ئو تا روژ داوری ئو نابودی بی‌دینَل حفظَ موئن.

دوئِم پطرس 3:7 Iomraidhean Croise

مَتّی 10:15

حخیختاً، موشِم‌ئونتو، اِ روژ داوری، تیَمِل مِجازات اَرِه شیَرَل سُدوم ئو غُمُورَّه آسُتِرَ ماو تاگَه اَرِه اَ شیَرَ.

مَتّی 11:22

مِنتائای موشِم‌ئونتو گه اِ روژ داوری، تیَمِل مِجازات اَرِه صور ئو صِیدون آسُتِرَ ماو، تاگَه اَرِه هُمَه.

مَتّی 11:24

مِنتائای موشِم‌ئونتو گه اِ روژ داوری، تیَمِل مِجازات اَرِه سُدوم آسُتِرَ ماو، تاگَه اَرِه تو.»

مَتّی 12:36

مِنتائای موشِم‌ئونتو گه اِ روژ داوری مردِم اَرِه هر چِنَه مِفتی گه بارِنَ زوئو، حساوَ میَنِ دُما.

مَتّی 24:35

آسمون ئو زمین اژ بِنَ مَچِن، مِنتائای قصَه‌ل مِه هرگِس اژ بِن نِمَچو.

مَتّی 25:41

اَسَه موشیَ اونَلی گه هانیِ لا چپا: ”اِاِ لیَنَت‌بیَل، اژ مِه دویرا بِگِرِن ئو بِچِن اِنوم آگِر ابدی‌ای گه اَرِه شِطون ئو فریشدَه‌ل او آمادَه بیَ،

مَرقُس 6:11

ئو اَرّ اِ جای هُمِه‌ئون‌ِ گِرد نِئیشت، یاگَه گوشونَ بی نَگِرتینو، وخدی اژ اورَه مَچینو، توز پالتو بِتَکِنِن، تاگَه شاتی‌ای بو اَرضد اُوُ گه خَضو خدا ماءَ سرو.»

یوحنا 12:48

اَرِه اَوَه گه دس رد بِ اَر سینَه مِه ئو نَچوءِ گِرد قصَه‌لِم، کسی هَس گه داوری بِهِیتی؛ هَراَ قصَه گه وِتِم، روژ قیومت مَکومَ مِهِیتی.

رومیان 2:5

مِنتائای تو وَه خاطر یَگه اِژیر نِمَچین ئو یَگه دلِت نِمِیتی توئَه بِهِین، خَضو اَرِه ووژِت، اَرِه روژ خَضو اَمارَ مِهِین، اَ روژَ گه داوری عادلونَه خدا اِنوم آشگارا ماوتی.

اول قرنتیان 3:13

کار هر کی آشگارا ماو، اَرِیَگه اَ ’روژَ‘ کُل چیئَه ماوژیِ در. اَرِیَگه آگِر آخِر کار آشگارَ مِهِه، ئو آگِر گَن ئو خو کار هر کی اِنتحونَ مِهِه.

فیلیپیَل 1:28

ئو اِ هُیچی اژ کسَلی گه هان اَرضدتو زِلَتو نِمَچو. یَه اَرِه اُوُ نشونَه آشگاری اَرِه نابودیونَ، مِنتائای نشونَه نجاد هُمِئَه، ئو یَه اژ جونِم خداءَ.

دوئِم تِسالونیکیَل 2:3

نِیلِن هُیچ‌کس وَه هُیچ رئی‌ای فَنتو دِ. اَرِیَگه تا اول‌بار ناوَ گالِ‌راو اَرضد خدا ئو اَ پیا بی‌دینَ گه کُر هِلاکتَ ظاهر ناو، اَ روژَ نِمای.

اول تیموتائوس 6:9

مِنتائای اونَلی گه هانِ تَما ثرودمن بیئِن، مَکُوئِنِ وسوسَه ئو تِلَه هُواوهوسَلی گه پُیچِن ئو ضِرَد دیرِن ئو باعث نابودی ئو هِلاکت مردِمَ موئن.

عِبرانیَل 12:29

اَرِیَگه «خداءِ ایمَه آگِری کَ گه مَسُزِنی.»

دوئِم پطرس 2:9

اِسَه خداونَ مَذانی چطور آم دیندار اژ اِنتحونَل نجاد بِ ئو آمی گه صالح نیَ بِیلی اَرِه مِکافات روژ داوری،

دوئِم پطرس 3:10

مِنتائای روژ گِلاهُاردِن خداون اِجور دُزی مای، اَ موقَع وَه گِرِمهُر کَلِنگ ئو ترسناکی آسمونَل اژ بِنَ مَچِن ئو آسارَه‌ل آسمونَ مَسُزِن ئو اژ یَکَ مَچویچِن، زمین ئو کُل کارَلی آشگارا موئن.

دوئِم پطرس 3:12

چیَمَ‌رئی روژ خدا بوئن ئو باوژِنیِ نوا. اِ اَ روژَ گه آسمونَل آگِرَ مَگِرِن ئو اژ یَکَ مَچویچِن ئو آسارَه‌ل آسمون اِ زور تاو آگِرَ مَتاوِنا.

اول یوحنا 4:17

مِحبت هُنَ اِنوم ایمَه کاملا بیَ تاگَه ایمَه اِ روژ داوری اطمینونمو داشدوئی، اَرِیَگه ایمَه اِنوم ایی دنیاءَ هَراَ جوریمَ گه او هَس.

یهودا 1:7

ئو هَمیش، شیَرَل سُدوم ئو عَمورَه ئو شیَرَل اَ هِناسَ، گه اِجور اونَل بی‌عصمتیو کِرد ئو چِنَ دُم شَوَتَلی گه اَرِه لار طبیعی نیِن، ئو وَه کَتِن اِنوم مِجازات آگِر ابدی بینَ عبرتی اَرِه ایمَه.

مِکاشفَه 17:11

اَ جونور وَشیَ گه زمونی بیتی ئو اِسگَه نیَسی، هشتِمینِهِئَه ئو او هِن اَ هفت نفرَسَ ئو ویرِ نابودیَ مَچو.

مِکاشفَه 17:8

اَ جونور وَشیتَ گه دی، زمونی بیتی، اِسگَه نیَسی، ئو وَه ایی زویَ اژ چا هاویَه ماءَ دِریر ئو نابودَ ماو. اونَلی گه لیزو گِرتیَس اَررُی زَمی ئو اژ بِنیا دنیا نُمون اِنوم دفتر ژییاین نَنُیسیاءَ، وخدی اَ جونور وَشیَ بوئینِن اژ ووژونا مَچِن، اَرِیَگه زمونی بیتی، اِسگَه نیَسی، ئو مای.

مِکاشفَه 20:11

اَسَه تخت کَلِنگ ئو اِسبیمی دی، ئو کسی گه نیشتوئیتی اَرسرا. آسمون ئو زمین اژ اوءَ مِحوایان ئو جای اَرِنو نوئیَ دی.

مِکاشفَه 21:1

اَسَه آسمو نوو ئو زَمی نوومی دی، اَرِیَگه آسمو اول ئو زَمی اول نابود بوئین ئو دیَر دریای نوئی.