دوئِم پطرس 3:17 - کتاب مقدس به زبان لکی - گویش مرکزی

¹⁷ اِسَه هُمَه اِاِ عزیزَل، اِسگَه گه یَه اِ وِرِکارَ مَذانینو، هوشیار بوئن تاناخواد ویرِ رئی نادُریس بی‌دینَل اژ رئی اِرباینو ئو پایاریتون اژ کیستون اِربِچو،

دوئِم پطرس 3:17 Iomraidhean Croise

مَتّی 16:11

اِسَه اَرِه‌چَه نِمَفیَمینو گه اِبارَه نُو قصَه نِمَهَم؟ بلکِم وِتِم حُواستون اَر حمیرتُرش فَریسیَل ئو صدّوقیَل بو.»

مَتّی 16:6

عیسی وِتی‌ئونو: «هوشیار بوئن ئو اژ حمیرتُرش فَریسیَل ئو صدّوقیَل دویرا بِگِرِن.»

مَتّی 7:15

«اژ پِخَمَرَل دِروزِنِ دویرا بِگِرِن. اونَل وَه جِنِک میا مان اَرِه تک هُمَه، مِنتائای اِ باطنا گُرگَل دِرَّندَه‌ن.

یوحنا 16:4

مِنتائای ایی چیئَلمَ وِتَ هُمَه تاگَه وخدی یوئنَ وَه سرتونَ مای، بارینونَ ویر گه خَوَرِم دائیَ هُمَه. ایی چیئَلمَ اژ اول نوئتَ هُمَه، اَرِیَگه ووژِم وَه‌گَرد هُمَه بیم.

کارَل رسولَل 2:42

اونَل هَر ووژو وَخمِ تیَلیم گِرتِن اژ رسولَل ئو رِقیفی ئو کُت کِردِن نون ئو دوعا کِردِنونَ مَهَرد.

رومیان 16:18

اَرِیَگه هُنَ کسَلی خِلمت اژ خداون ایمَه مسیح نِمَهَن، بلکِم هانَ دُم لَم ووژونا ئو وَه قصَه‌ل نرم ئو چاپلوسی، دل آمَل سادَه فنَ میَن.

اول قرنتیان 10:12

اِسَه اَوَه گه گُمونَ مِهِه پایارَ، حُواس بوتی گه نَکُوءِ!

اول قرنتیان 15:58

اِسَه، بِرال عزیزِم، پایار بِمینِن ئو اژ جاتو تَکو نیرِن، هَر اژ تیَه دلا اَرِه خداون کار کَن، اَرِیَگه مَذانینو گه زیَمَت هُمَه اِنوم خداون بی‌فادَه نیَ.

دوئِم قُرَنتیان 11:3

مِنتائای زِلَمَ مَچو هَرهُنَ گه مار وَه رِنگَری ووژ، سر حوّا فن داتی، فگِرَل هُمِه‌یش اژ ارادت خالص ئو رُی‌راسی گه اَر مسیح دیرینو، اِرگیردی.

غَلاطیَل 5:4

هُمَه اژ مسیح جیاآ بینونَ، هُمَه گه تقِلاءَ مِهِینو وَه‌سونگَ شریعت صالح وَه حساو باینو؛ هُمَه اژ فیض دویرا کَتینونَ.

اَفِسُسیَل 4:14

تا دیَر اِجور آیلَل نوئیمو تا وَه موجَل ویرِ هر لای هُوَ بیریم ئو وا تیَلیمَل جوراجور ایمَه بیَری ویرِ ایلا ئو اَلا ئو فن آمَلی بیریم گه اَرِه اژ رئی اِرآوِردِن نشقَه مَکیشِن.

فیلیپیَل 3:2

اژ اَ سگِلَ دویرا بِگِرِن! اژ اَ شَرَبارِلَ دویرا بِگِرِن! اژ اونَلی گه اَرِه ختینَه جسمَ مُئرِن دویرا بِگِرِن!

کولُسیَل 2:5

اَرِیَگه وَه‌یاآگه جسماً اَر تَکتو نیِم، مِنتائای اِ روح هامَ گَردتو، ئو خَوشالیَ مَهَم گه نظم خو ئو سفدِسخدی ایمونتون اَر مسیحَ موئینِم.

کولُسیَل 2:8

حُواستو بو کسی وَه فلسفَه ئو رِنگَری پُیچ، اسیرتو نِهِه، گه نه مِطابق مسیح، بلکِم مِطابق رسمِ‌رِسیم بشری ئو مِطابق اصول ایی دنیاسَ.

دوئِم تیموتائوس 4:15

تونیش اژ او دویرا بِگِر، اَرِیَگه فِرَه اَرضد پِغوم ایمِئَه.

عِبرانیَل 3:14

اَرِیَگه اِنوم مسیح هُم‌بیَرا بیمونَ، اَرّ اِراسی تاگَه آخِر بچسبیمون اَر اَ اطمینو اول ووژمونا.

اول پطرس 5:9

اِسَه اِنوم ایمونتو پایار بِمینِن ئو بوسِن اَر نوا او، اَرِیَگه مَذانینو گه بِرالتو اِنوم دنیا هَر هُنَ عذاوَلی مَکیشِن.

دوئِم پطرس 2:7

ئو لوطِ صالح گه اژ خیزی اَ آمَل شرَبارَ آس بوئی، نجاد داتی -

دوئِم پطرس 3:1

اِاِ عزیزَل، یَه نُامَه دوئِمَ گه اَرِنتونَ مَنُیسِنِم. هَردِک ایی نُامَه‌لمَ اَرِه یَه نُیسو گه بارمَ ویرتو تاگَه فگِرَل پاکتو بارِم اَرسر خیرَت،

مِکاشفَه 2:5

اِسَه بارَ ویر گه اژ کو کَتینَس‌اِرا. توئَه بِهَه ئو کارَلی گه اول‌بارِت کِرد، بِهَه. اَرّ نِهِین، مِنَ مام اِرَه تَکِت ئو چراخدونت اژ جا ووژ هیزَمیَم، مَر یَگه توئَه بِهِین.