دوئِم پطرس 2:2 - کتاب مقدس به زبان لکی - گویش مرکزی

² فِرَه کسَل مَچِنَ تُرّ هُواوهوسَل اونِلا، ئو وَه خاطر اونَل رئی حخیخت کِفِرَ ماوتی اَری.

دوئِم پطرس 2:2 Iomraidhean Croise

مَتّی 22:16

اونَل شاگردَل ووژونَ گَرد بِری اژ کسَلی گه لا هیرودیسو داشد، کِل‌کِرد اَرِه تک او ئو وِتو: «استاد، مَذانیم پیای کین راس‌وَش ئو رئی خدا وَه دُریسی تیَلیمَ مِین ئو دَروَن عخیدَه کس نیئین اَرِیَگه چیَمت اَر ظاهر نیَ.

مَتّی 24:24

اَرِیَگه مسیحَل دِروزِنِ ئو پِخَمَرَل دِروزِنِ هیزَمَگِرِن، ئو نشونَه‌ل ئو مُجِزَه‌ل کَلِنگی اَنجومَ میَن تاگَه اَرّ بو، جُ‌جُ کسَلی گه دیاری بینَ اژ رئی اِربارِن.

مَتّی 7:14

مِنتائای تنگَ اَ دِرَ ئو سخدَ اَ رئیَ گه آخِری مَرَسی زِنِه‌ی، ئو کسَلی گه مَهَنیَ دی کَمِن.

مَرقُس 12:14

اونَل هاتِن اَرِه تک عیسی ئو وِتو: «استاد، مَذانیم پیا راس‌وَشی کین ئو عخیدَه کسی اَر رُی عخیدَه تو اثری نِری، اَرِیَگه چیَمِت اَر ظاهر کسی نیَ، بلکِم رئی خدا وَه دُریسی تیَلیمَ مِین. آیا خِراج دائِن وَه امپراطور روم دُریسَ یا نه؟

مَرقُس 13:22

اَرِیَگه مسیحَل ئو پِخَمَرَل دِروزِنِ آشگارَ موئن، نشونَه‌ل ئو مُجِزَه‌ل اَنجومَ میَن تاگَه اَرّ بو، کسَلی گه دیاری بینَ اژ رئی اِربارِن.

یوحنا 14:6

عیسی وِتیَ توما: «مِنِم رئی، مِنِم حخیخت، ئو مِنِم ژییاین؛ هُیچ کس نِمای اَرِه تک باوَه مَر وَه‌سونگَ مِنا.

کارَل رسولَل 13:10

«اِاِ اولاد ابلیس، اِاِ دشمنِ هر راسی، اِاِ گه پِر اژ فنِ‌فیت ئو شَرین! اَرِه‌چَه اژ هویَلا کِردِن رئیَل راس خداون دس هیزنِمِین؟

کارَل رسولَل 14:2

مِنتائای یهودیَلی گه ایمونو ناوِردوئی، خِرِیهودیَلو آنتریک کِرد ئو فگِرَلون اَرضد بِرالو، مسموم کِرد.

کارَل رسولَل 16:17

او مَکَتِ دُم پولُس ئو ایمَه ئو مَقارونی موئِتی: «ایی پیالَ، خادمَل خداءِ متعالِن ئو رئی نجاد اِلومَ مَهَن اَرینتو.»

کارَل رسولَل 18:26

او وَه جورَتا اِنوم عَبادتگا بِنیا نا اَر قصَه کِردِن. هَریَگه پْریسکیلا ئو آکیلا قصَه‌لو شنَفت، اوُ بِرد اِرَه مال ووژو ئو رئی خدائو دُریس‌تِر یا دائون.

کارَل رسولَل 19:9

مِنتائای وخدی بِری اَژینو اِژیر نِمَچیان ئو ایمونو نِماوِرد ئو اَرتَک کُل، دُشمینونَ ما اَر ’اَل طریقت‘، پولُس اَژینو دویرا گِرتی ئو شاگردِلَ گَرد ووژ بِردی، ئو کُلِ روژی اِنوم مدِرسَه سخنرانی تیرانوس، گپَ ماتی ئو دلیلَ ماوِردِنی اَرِه.

کارَل رسولَل 22:4

مِه مِریدَل ایی ’طریقتَ‘ تا جای گه گیونون اِربِچو آزارمَ ما ئو اونَل چه ژَن چه پیامَ مَگِرت ئو ماآوشدِنمِ زندو.

کارَل رسولَل 24:14

مِنتائای اَرتَک هُمَه اعترافَ مَهَم گه مِه مِطابق طریقتی گه اونِلَ موشِنی‌ئون بدعت، خداءِ باوَه‌لمونَ مَپِرَسِم ئو هر چیئی‌شی گه اِنوم تورات ئو نُسَخ پِخَمَرَل نوسیاءَ، باوار دیرِم.

رومیان 2:24

اَرِیَگه هَرهُنَ گه اِنوم کِتاوَل پِخَمَرَل نُیسیاءَ: «وَه خاطر هُمَه، اِنوم خِرِیهودیَل کِفِرَ موشِنَ نُم خدا.»

اول تیموتائوس 5:14

اِسَه عخیدَه مِه یَسَ گه بیوَه‌ل جِهال‌تِر شوی بِهَن، آویل بارِن ئو بوئنَ کِنو ئو مِجال گَنی وِتِنَ دشمن نیَن.

تیتوس 2:5

ئو نوا ووژو بِگِرِن ئو نجیم ئو کِنو ئو مِرِبون ئو فِربوبَر میردَه‌لو بوئن تاگَه کسی گَن نوشیَ کلوم خدا.

تیتوس 2:8

ئو هُنَ دُریس قصَه بِهَه گه عِوی اِر ناوتی، تا هُمال اَرِیَگه چی گَنی اِبارَه ایمَه نِری بوشی، خجالتا بو.

اول پطرس 2:12

کردارتو اِنوم خِرِیهودیَل هُنَ وَه عزّتا بو گه اونَلی گه اَرضدتونَ موشِن ئو گَنَ‌کارَل هناتونَ مَهَن، وخدی کارَل خوتو بوئینِن، خدا اِ روژ دیئِنی جِلال دَن.

دوئِم پطرس 2:12

مِنتائای اونَل اِجور جونورَل بی‌شعوری گه وَه غریزَه رفدارَ مَهَن ئو هاتِنَسَ دی گه بِکُوئِنِ تِلَه ئو نابود بوئن، قصَه‌ل گَنَ موشِنَ چیئَلی گه درکی اَژینو نِرِن ئو اِنوم نابودی ووژو، نابودَ موئن

دوئِم پطرس 2:15

رئی راسو وِل کِردیَ ئو ویرِ تُرّ بَلعام بِن بِعور گه مِز نادُریسی دوس داشدی، اژ رئی اِرهاتِنَ.

دوئِم پطرس 2:18

اَرِیَگه وَه قصَه‌لی گه وَه دَنگ کَلِنگ پر اژ قُراتی ئو نَفیَمیَ، اونَلی گه وَه ایی تازَه اژ چِنگ کسَلی گه اژ رئی اِرهاتِنَ حِواینَ، ماوژِنِ تِلَه شَوَتَل نفسونی ووژو.

دوئِم پطرس 2:21

بیتِر بی گه اژ اول‌اِرا، رئی صالح‌بیئینو نِمَشتاسیا، تا یَگه دُما شناسین، اژ حکِم مقدّسی گه سپارتیائونو، ویر اِربِپِلِنِن.

دوئِم پطرس 2:7

ئو لوطِ صالح گه اژ خیزی اَ آمَل شرَبارَ آس بوئی، نجاد داتی -

یهودا 1:10

مِنتائای یوئنَ گَنَ موشِنَ اَ چیئَه گه نِمَفیَمِن، ئو اِجور حِوونَل نَفیَمی کِن گه چیئَلی گه اژ غریزَه مَفیَمِن، هَر اونَ نابودونَ مِهِه.

یهودا 1:15

تا اَر کُل داوری بِهِه ئو کُل خدانشتاسَل وَه‌سونگَ کُل کارَل شرَباری‌ای گه اِنوم خدانشتاسیو کِردیَ مَکوم کِ، ئو وَه تقاص کُل قصَه‌ل گَنی گه گناکارَل خدانشتاس اَرضد اوُ وِتیَ، مَکومو کِ.»

یهودا 1:4

اَرِیَگه بِری گه اژ قدیم اَرِه ایی مَکومیتَ مَیِّن بینَ، وَه بی‌کِشکیا هاتِنَس اِنوم هُمَه. یوئنَ خدانشتاسَلی‌ کِن گه فیض خدا ایمَه مَهَنَ عِیاشی ئو یَکونَه آقا ئو خداونمو، عیسی مسیح حاشاءَ مَهَن.

یهودا 1:7

ئو هَمیش، شیَرَل سُدوم ئو عَمورَه ئو شیَرَل اَ هِناسَ، گه اِجور اونَل بی‌عصمتیو کِرد ئو چِنَ دُم شَوَتَلی گه اَرِه لار طبیعی نیِن، ئو وَه کَتِن اِنوم مِجازات آگِر ابدی بینَ عبرتی اَرِه ایمَه.

مِکاشفَه 12:9

ئو اُژدها کَلِنگو آوشدَ هُار، هَراَ مار قدیمیَ گه ابلیس ئو شِطو نُمَسی، اَوَه گه کُل دنیا اژ رئی اِرَماری. اوُ آوشد اَر زَمی، ئو فریشدِه‌لِهِیشی وَه‌گَرد اوُ آوشد اَر زَمی.

مِکاشفَه 13:14

ئو وَه‌سونگَ نشونَه‌ل ئو مُجِزَه‌لی گه صِلا داشدی اِجال جونور وَشی اولینِهَه اَنجوم بِ، کسَلی گه لیزو گِرتیَس اَررُی زَمی فنَ مِ ئو موشی‌ئونو مِجسمه‌ی دُریس کَن اژ اَ جونور وَشیَ گه وَه شِمشیر زیَم‌دارا بی، وَه ایی حالا زِنی مَن.

مِکاشفَه 13:8

ئو کُل کسَلی گه لیزو گِرتیَس اَررُی زَمی عَبادتَ مَهَنی، یانی کُل کسَلی گه نُمون اژ بِنیا دنیا، اِنوم اَ دفتر ژییاینَ نَنُیسیاءَ گه هِن اَ وَرکَسَ گه قُرونی بی.