دوئِم پطرس 2:1 - کتاب مقدس به زبان لکی - گویش مرکزی

¹ مِنتائای اِنوم قوم، نبوّت‌کَرَل دِروزِنِ‌یش بین، هَرهُنَ گه اِنوم هُمِه‌یش مَلِمَل دِروزِنِ هَن گه وَه بی‌کِشکی تیَلیمَل خِلَطی مارِن گه باعث نابودیَ موئن ئو جُ‌جُ آقای گه اِدوارَه خِرینَسی، حاشاءَ مَهَن، ئو هُنَ، نابودی ناهَلمونه‌ی مارِنَ سر ووژو.

دوئِم پطرس 2:1 Iomraidhean Croise

مَتّی 10:33

مِنتائای هر کی مِن اَرتَک مردِم حاشا کِ، مِن‌یش اَرتَک باوَه ووژِم گه ها نوم آسمون‌اِر، حاشاءَ مَهَمی.

مَتّی 24:11

پِخَمَرَل دِروزِنِ فِرِه هیزَمَگِرِن، فِرَه کسَل اژ رئی اِرَمارِن.

مَتّی 24:24

اَرِیَگه مسیحَل دِروزِنِ ئو پِخَمَرَل دِروزِنِ هیزَمَگِرِن، ئو نشونَه‌ل ئو مُجِزَه‌ل کَلِنگی اَنجومَ میَن تاگَه اَرّ بو، جُ‌جُ کسَلی گه دیاری بینَ اژ رئی اِربارِن.

مَتّی 24:5

اَرِیَگه فِرَه کسَل وَه نُم مِنَ مان ئو موشِن، ”مِه هَراَ مسیحِمَ گه باس بای،“ ئو فِرَه کسَل اژ رئی اِرَمارِن.

مَتّی 7:15

«اژ پِخَمَرَل دِروزِنِ دویرا بِگِرِن. اونَل وَه جِنِک میا مان اَرِه تک هُمَه، مِنتائای اِ باطنا گُرگَل دِرَّندَه‌ن.

مَرقُس 13:22

اَرِیَگه مسیحَل ئو پِخَمَرَل دِروزِنِ آشگارَ موئن، نشونَه‌ل ئو مُجِزَه‌ل اَنجومَ میَن تاگَه اَرّ بو، کسَلی گه دیاری بینَ اژ رئی اِربارِن.

لوقا 12:9

مِنتائای هر کی مِن اَرتَک مردِم حاشا کِ، اَرتَک فریشدَه‌ل خدا حاشاءَ ماو.

لوقا 21:8

عیسی جوواوا داتی: «حُواستو بو اژ رئی اِرناینو؛ اَرِیَگه فِرَه کسَل وَه نُم مِنَ مان ئو موشِن: ”مِه هَر اَوِمَ“ ئو ”زمونی گه باس بای، رَسیَ“. نَچِنَ تُرّونا.

لوقا 6:26

هِرّو اَرِه هُمَه وخدی گه کُل اَژینتو تیَریفَ مَهَن، اَرِیَگه اَژداد اون‌یش وَه‌گَرد پِخَمَرَل دِروزِنِ هُنِئونَ کِرد.

رومیان 16:18

اَرِیَگه هُنَ کسَلی خِلمت اژ خداون ایمَه مسیح نِمَهَن، بلکِم هانَ دُم لَم ووژونا ئو وَه قصَه‌ل نرم ئو چاپلوسی، دل آمَل سادَه فنَ میَن.

اول قرنتیان 11:19

اَرِیَگه باس‌یش چَن دسَه بیئِن اِنومتو بو تا کسَلی گه اِراسی ایمودارِن، شناسیا بوئن.

اول قرنتیان 6:20

اَرِیَگه هُمَه وَه خیمتی خِریاینونَ، اِسَه لار ووژتون اَرِه جِلال خدا بیَرِنِ کار.

اول قرنتیان 7:23

هُمَل وَه خیمتی خِریاینونَ، اِسَه نوئنَ نوکر اِنسونَل.

غَلاطیَل 2:4

یَه وَه ایی خاطرَ بیَ گه بِری اژ بِرال دِروزِنِ‌ئو بی‌کِشکی آوِرد اِنوم جیَم ایمَه، تا جاسوسی اَ آزادیَ گه اِنوم مسیحْ عیسی دیریم بِهَن ئو ایمَه اِدوارَه بِهَنَ بَنَه.

غَلاطیَل 3:13

مسیح هُنَ ایمَل اژ لیَن شریعت آزاد کِردی وَه ایی خیمتَ گه ووژ اِجال ایمَه لیَن بو، اَرِیَگه اِنوم تورات نُیسیاءَ گه «هر کی بوءَ دارا، لیَنَ ماوتی اَری.»

غَلاطیَل 4:17

اونَل هُنَ نشونَ میَن گه اَرِه هُمَه خیرَت دیرِن، مِنتائای نه وَه نیّت خِر. اونَ میا جوری هُمَه جیاآ کَن تا اَرِه اُوُ خیرَتِتو داشدوئی.

غَلاطیَل 5:20

بِت‌پِرَسی ئو جادوگری؛ دشمنی، جنگ، حَسوئی، خِض، خودخواهی، فَساتی، جیایی،

اَفِسُسیَل 1:7

اِنوم مسیح، ایمَه وَه خیمت خوین او آزاد بیمونَ، گه یَه هَراَ بشخِش گنائِلَ گه مِطابق دولَمَنی فیض ووژ،

اَفِسُسیَل 4:14

تا دیَر اِجور آیلَل نوئیمو تا وَه موجَل ویرِ هر لای هُوَ بیریم ئو وا تیَلیمَل جوراجور ایمَه بیَری ویرِ ایلا ئو اَلا ئو فن آمَلی بیریم گه اَرِه اژ رئی اِرآوِردِن نشقَه مَکیشِن.

فیلیپیَل 3:19

عاقویَت هُنَ کسَلی نابودیَ، خدا اونَل لَمونَ، افتخارو اَر نَنگونَ، ئو فگِرَلو گیر چیئَل زمینیَ.

کولُسیَل 2:18

نِیلِن کسی گه مَجُرّی اَر یَگه باس لار خوار بو ئو فریشدَه‌ل عَبادت بوئن، محرومتو کِ. هُنَ کسی میا ووژَ رویائَل ووژ مشغول بِهِه ئو بی‌یَگه دلیلی داشدوئیتی وَه فگِرَل اِلَکی ووژ، قُراتا ماو.

کولُسیَل 2:8

حُواستو بو کسی وَه فلسفَه ئو رِنگَری پُیچ، اسیرتو نِهِه، گه نه مِطابق مسیح، بلکِم مِطابق رسمِ‌رِسیم بشری ئو مِطابق اصول ایی دنیاسَ.

اول تیموتائوس 5:8

مِنتائای اَرّ کسی خرجِ‌بَرج زِنِه‌ی قومِ‌خویشَل ئو مصخوصاً عتِ‌عیال ووژ اِرناری، نَچیَسِ ژیر ایمو ئو گَنتِر اژ بی‌ایمونَ.

دوئِم تیموتائوس 4:3

اَرِیَگه زمونی مای گه مردِم تیَمِل شنَفتِن کلوم دُریس نِرِن، بلکِم بِری مَلِم جیَمَ مَهَن اَر دور ووژو گه اَ چیئَه گه گوشَلونَ مِیتی ئو مِطابق هُواوهوسَلونَ، بشتوئِن؛

تیتوس 1:11

اونَل باس دَمو بوئنی، اَرِیَگه وَه خاطر فادَه ناحخ، چیئَلی تیَلیمَ میَن گه نَباس تیَلیم دَن، ئو هُنَ خانوادَه‌ل بِن‌کُل نابودَ مَهَن.

تیتوس 3:10

وَه کسی گه فَساتیَ مِهِه، یِه گِل دُماخِرِ دو گِل هُشتار بیَ، اژ اَوِءِ دُما دیَر قط خدافظیَ گَرد بِهِیتی.

عِبرانیَل 10:29

هُمَه فگِرَ مِهِینو کسی گه کُر خدا ناسیِ ژیر پا ئو خوین عَتی گه وَه اَوَه وَخم بوئی، ناپاک وَه حساو آوِردیِ ئو بی‌عزّتی کِردیَسیَ روحِ فیض، چه مِجازات سخدتِری حَخَسی؟

اول پطرس 1:8

هُمَه وَه‌یاآگه اوتو نِئیَ، دوس دیرینونی؛ ئو وَه‌یاآگه اِسگَه نِموئینینونی، ایمونَ بی دیرینونی ئو وَه خَوشی‌ای خَوشالیَ مِهِینو گه نِماو تیَریف کِینی ئو پِر اژ جِلالَ،

دوئِم پطرس 2:3

اونَل اژ طَمائو، وَه یاری قصَه‌ل دِرو، خارَتتونَ مَهَن. مِنتائای مکومیَتو گه وِرِکار مَیِّن بیَ، بیگار نَنیشتیَ ئو نابودیو نَحیوَتیَ!

اول یوحنا 2:26

مِه ایی چیئِلَ اَرِه هُمَه اِبارَه کَسَلمی نُیسونیَ گه میا هُمَه اژ رئی اِربارِن.

اول یوحنا 4:1

اِاِ عزیزَل، وَه هر روحی باوارتو ناآشدوئی، بلکِم روحَل اِنتحو کَن تاگَه بِفیَمینو گه اژ خدان یاگَه نه. اَرِیَگه پِخَمَرَل دِروزِنِ فِرِه‌ی چِنَس اِنوم دنیاآ.

یهودا 1:18

گه وِتونَ بینتو: «اِ زمونَل آخِر، تیزمَتَل‌کَرَلی مان گه هانَ دُم هُواوهوسَل شرَبار ووژونا.»

یهودا 1:4

اَرِیَگه بِری گه اژ قدیم اَرِه ایی مَکومیتَ مَیِّن بینَ، وَه بی‌کِشکیا هاتِنَس اِنوم هُمَه. یوئنَ خدانشتاسَلی‌ کِن گه فیض خدا ایمَه مَهَنَ عِیاشی ئو یَکونَه آقا ئو خداونمو، عیسی مسیح حاشاءَ مَهَن.

مِکاشفَه 13:14

ئو وَه‌سونگَ نشونَه‌ل ئو مُجِزَه‌لی گه صِلا داشدی اِجال جونور وَشی اولینِهَه اَنجوم بِ، کسَلی گه لیزو گِرتیَس اَررُی زَمی فنَ مِ ئو موشی‌ئونو مِجسمه‌ی دُریس کَن اژ اَ جونور وَشیَ گه وَه شِمشیر زیَم‌دارا بی، وَه ایی حالا زِنی مَن.

مِکاشفَه 2:13

مَذانِم جالیزِت هار کو، اَر اورَه گه تخت پاتِشائی شِطونَ. وَه ایی حالا سفدِسخد چسبینَس اَر نُم مِنا ئو ایمونی گه اَر مِنِت داشد، حاشا نَهَرد، جُ‌جُ اِ روژَلی گه آنتیپاس، اَ شات وفادار مِنَ، اِنومجا هُمَه گه جالیز شِطونَ، کُشیا.

مِکاشفَه 2:9

مِه عذاو تون ئو ژاری تونَ مَذانِم، وَه ایی حالا دولَمَنین! اژ بُختِمَل اونَلی گه ووژونَ یهودیَ مَذانِن ئو نیِن، بلکِم عَبادتگا شِطونِن، خَوَر دیرِم.

مِکاشفَه 3:8

کارَل تونَ مَذانِم. سِیل کَ، دِراخِل وازکَریامی ناس اَر وَر تو گه هُیچ‌کس نِمَتونی بوئنتی. مَذانِم گه قویَت کمی دیرین، مِنتائای کلوم مِنِت حفظ کِردیَ ئو نُم مِنِت حاشا نَهَردیَ.

مِکاشفَه 5:9

ئو سروء تازه‌ئونی حیوَن، گه موئِتی: «تو لائق سَنِن طومارین ئو لائق اِشکونِن میرَل اَوَه، اَرِیَگه قُرونی بین ئو وَه خوین ووژِت، مردِمِت اژ هر طائفَه ئو زوئون ئو قوم ئو ملت، اَرِه خدا خِری؛

مِکاشفَه 6:10

اونَل وَه دَنگ کَلِنگَ مَقارونو: «اِاِ خداونِ قادر، اِاِ قدوس ئو حخ، تا کِ داوری نِمِهِین ئو تقاص خوین ایمَه اژ مردِم رُی زَمی نِمَسینین؟»