دوئِم پطرس 1:9 - کتاب مقدس به زبان لکی - گویش مرکزی

⁹ اَرِیَگه هرکی ایی صفتِلَ نِری، اَخَ کورَ گه تا تُک پِت ووژ ویشتِر نِموئینی، ئو اژ ویرا چیَسی گه اژ گنائَلی گه وِرِکار کِردوئیتی، پاکا بیَ.

دوئِم پطرس 1:9 Iomraidhean Croise

مَرقُس 10:21

عیسی سِیلی اَژی کِرد، وَه مِحبت وِتَ بی: «تو یِه چی کَم دیرین؛ بِچُ اَ چیئَه گه دیرین بفِروش ئو پیل بِیتیَ ژارَل گه اِ آسمو گَنجتی داشدوئی. اَسَه بوریَ تُرّ مِنا.»

لوقا 18:22

عیسی وخدی یَه شنَفتی وِتی: «هَنی یِه چی کَم دیرین؛ اَ چیئَه گه دیرین بفِروش ئو پیل بیَرا کِیتی اِنوم ژارَل، گه اِ آسمو گنجی دیرین. اَسَه بورَ تُرّ مِنا.»

رومیان 6:11

هَرهُنَ، هُمِه‌یش باس ووژتو نِسوَتَ گنا وَه مِردی بِگِرینو، مِنتائای اِنوم مسیحْ عیسی نِسوَتَ خدا، زِنی.

غَلاطیَل 5:13

اَرِیَگه اِاِ بِرال، هُمَه دَوَت بینو‌نَسَ آزادی، مِنتائای حُواستو بو آزادیتو ناوَ مِجالی اَرِه جسم، بلکِم وَه مِحبت خِلمت بِهَن اَر یَکتِری.

غَلاطیَل 5:6

اَرِیَگه اِ مسیحْ عیسی نه ختینَه بیئِن چیئی کَ نه ختینَه نوئین، بلکِم مِهم ایمونی کَ گه اژ رئی مِحبت کارَ مِهِه.

اَفِسُسیَل 5:26

تا کلیسا تقدیس بِهِه ئو وَه آو کلوم خدا پاکا کِیتی،

تیتوس 2:14

گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.

عِبرانیَل 9:14

چَنی ویشتِر، خوین مسیح گه وَه‌سونگَ روحِ ابدی، ووژ بی‌عِو پیشکَش کِردی اَر خدا، وِژدان ایمَه اژ کارَل بی‌ثمر پاکا مِهِه تاگَه خِلمت اژ خداءِ زِنی بِهِیم!

اول پطرس 3:21

ایی آوَ نمونَه خُسِل تیَمیدی کَ گه هَراِسگِه‌یشَ نجادتونَ مِ، نه اَرِه شُشتِن کثیفی لار، بلکِم آواخد وِژدو پاکی کَ گه ها دارا گه خدا بوئینی ئو وَه‌سونگَ زِنیابیئِن عیسی مسیح اژ مِردیَل نجادَ مَگِری،

اول یوحنا 1:7

مِنتائای اَرّ اِنوم نُیرَ مَچیم‌َ رئیا، هَرهُنَ گه خدا ها نوم نُیراِر، وَه‌گَرد یَک رِقیفی دیریم ئو خوین کُری، عیسی مسیح ایمَه اژ کُل گنائَل پاکا مِهِه.

مِکاشفَه 3:17

اَرِیَگه موشین: ”دولَمَنِم؛ مالِ‌منال دیرِم ئو هَوَجَه‌مَ چیئی نیَ،“ نِمَفیَمین گه تو بدبخت ئو هَریَ‌سر ئو ژار ئو کور ئو لُتین.