دوئِم پطرس 1:8 - کتاب مقدس به زبان لکی - گویش مرکزی

⁸ اَرِیَگه اَرّ ایی صفتِلَ اِنوم هُمَه بو ئو فِرَه‌آ بوئن، نِمِیلی اِ شناخت خداون ایمَه عیسی مسیح، بی‌‌اثر ئو بی‌ثمر بوئینو.

دوئِم پطرس 1:8 Iomraidhean Croise

مَتّی 13:22

تُئمی گه کَت اِنوم دِرِکو، کسی کَ گه کلوم خداءَ مَشتوئی، مِنتائای دلِ‌هولی اَرِه ایی دنیا ئو فنی گه مالِ‌منالَ اِنسونَ مِ، اَ کلومَ خَفه مِهِه ئو بی‌ثمرَ مِهِیتی.

مَتّی 20:3

نزیک اَر سات نُه صو اِدوارَه داءَ دِریر ئو بِری‌تِر دیتی گه بیگار هوسیانَس اِنوم مِدو.

مَتّی 20:6

ئو نزیک اَر سات پنج ایوارِه‌یش داءَ دِریر ئو اِدوارَه دیتی چَن نفرتِر بیگار هوسیانَ. پِرسیتی اَژینو: ”اَرچَه تمومِ روژ بیگار هوسیاینونَس اَر ایرَه؟“

مَتّی 25:26

مِنتائای اَرباوِهِه جوواو داتی: ”اِاِ خِلمتکار شرَبار ئو تَمَل! تو گه مَذِناسدِت اژ جای گه کِشتِم نَهَردیَ، دروءَ مَهَم ئو اژ جای گه تُئمِم ناآشدیَ، جیَمَ مَهَم،

یوحنا 15:2

هَر پَلی گه اِنوم مِه ثمر ناری، او مُئرِتی ئو هر پَلی گه ثمر باری، هرسَ مِهِیتی تاگَه ویشتِر ثمر باری.

یوحنا 17:3

ئو ژییاین ابدی یَسَ گه، تو تَنیا خدا حخیخی ئو عیسی مسیح‌یش گه تو کِلِت‌کِردیَ، بشتاسِن.

یوحنا 5:42

مِنتائای هُمَل خوءَ مَشتاسِم گه مِحبت خدا اِنوم دلتو نِرینو.

رومیان 12:11

اِ خیرَت تَمَل نوئن؛ اِنوم روح گُر بوئن ئو خِلمت اژ خداون بِهَن.

اول قرنتیان 15:58

اِسَه، بِرال عزیزِم، پایار بِمینِن ئو اژ جاتو تَکو نیرِن، هَر اژ تیَه دلا اَرِه خداون کار کَن، اَرِیَگه مَذانینو گه زیَمَت هُمَه اِنوم خداون بی‌فادَه نیَ.

دوئِم قُرَنتیان 13:5

ووژتو اِنتحو کَن تاگَه بوئینینو هاینون اِنوم ایمو یاگَه نه. ووژتو اِنتحو کَن. یانی یَتونَ اِبارَه ووژتو نَفیَمیَ گه مسیح ها نومتون‌اِر؟ مَر یَگه اِراسی اِنوم ایی اِنتحونَ رِفوزَه بوئینو!

دوئِم قُرَنتیان 8:2

اَرِیَگه اونَل وَه عذاوَل، سخد اِنتحو بین، مِنتائای خَوشی فِرَه‌ئو آشگارا بی ئو اِ ژاری فِرَه‌ئو، دسِ‌دلوازیو بی‌حَدا بی.

دوئِم قُرَنتیان 8:7

اِسَه هَرهُنَ گه اِ کُل چی سَرینو -اِ ایمو، اِ قصَه کِردِن، اِ شناخت، اِ خیرَت اَرِه کُل چی، ئو اِ مِحبتتون اَر ایمَه- اِ ایی کار خِریشَ سر بوئن.

دوئِم قُرَنتیان 9:14

ئو اونَ وَه خاطر فیض عظیم خدا گه ها نوم هُمِه‌اِر، اَرِه هُمَه دوعاءَ مَهَن ئو شوق فِرَه‌تونی اَرِه دیرِن.

فیلیپیَل 1:9

ئو دوعا مِه یَسَ گه مِحبت هُمَه وَه‌گَرد شناخت ئو فیَم کامل ویشتِرِ ویشتِرا بو.

فیلیپیَل 2:5

هَراَ فگِرتونَ داشدوئی گه مسیحْ عیسی داشدی.

فیلیپیَل 3:8

اِراسی مِه کُل چی وَه خاطر اَرزشد فِرَه شناخت خداونِم مسیحْ عیسی ضِرَدَ حساوَ مارِم گه وَه خاطر او کُل چیئِمِ کیس اِرچیَ ئو اونِلَ اِشخال وَه حساوَ مارِم، تاگَه نفعِم مسیح بو.

کولُسیَل 1:10

تا رفدارتو لائق خداون بو، اِ هر لِحاظ خَوشالا کِینونی، ئو اِ هر کار خوئی ثمر بارینو ئو اِ شناخت خدا رشد کِینو

کولُسیَل 2:7

اِنوم او ریشیا بیَن ئو بِنا بوئن، ئو هَرهُنَ گه گِرتِتونَسا اِنوم ایمون اَر او پایار بِمینِن، پِرا بوئن اژ شگِر کِردِن.

کولُسیَل 3:16

کلوم مسیح وَه دولَمَنیا لیز بِگِری اِنوم هُمَه، وَه تموم حکمت یَکتِری تیَلیم ئو پَن بیَن، اَرِه خدا سروءَل، مزامیر ئو بِیتَلی گه اژ روحِ خداءَ وَه شگِر کِردِن اِ دلَلتو، بحیوَنِن.

اول تِسالونیکیَل 3:12

ئو هُنَ گه مِحبت ایمَه اَر هُمَه فِرَه‌آ ماو، خداون مِحبت هُمَه اَر یَکتِری ئو اَر کُل مردِم ویشتِر ئو فِرَه‌تِرا کِ،

اول تِسالونیکیَل 4:1

دُماخِرِ، اِاِ بِرال، ایمَه اِنوم خداون عیسی مَلالکیمَ بینتو ئو خواهشد اَژینتونَ مِهِیم، هُنَ گه اژ ایمَه‌تو گِرتا گه چطور باس زِنِه‌ی بِهِینو ئو وَه دل خدا بوئینو، هَرهُنَ گه دیرینو مِهِینو، هَر یَه ویشتِرِ ویشتِر بِهَن.

دوئِم تِسالونیکیَل 1:3

اِاِ بِرال، ایمَه باس هَر وَه خاطر هُمَه شگِر خدا بِهِیم، ئو هَر یَه سزاواریشَ، اَرِیَگه ایمونتو هَر دیری ویشتِر رشدَ مِهِه ئو مِحبت هرکُمتون اَر یَکتِری فِرَه‌تِرا ماو.

اول تیموتائوس 5:13

اژ یوئیشَ گذشتَه، عادتَ مَهَنَ تَمَلی ئو مالَ‌مال گیردین؛ ئو نه فَخَد تَمَلِن، بلکِم موئنَ راوَبار ئو فِضول، ئو قصَه‌لی گه نَباس بوشِن مارِنَ زوئو.

تیتوس 3:14

بیلا مردِم ایمَه، بِگِرِنا گه ووژو وَخم کارَل خو بِهَن، ئو اَرِه هَوَجَه‌ل عمدَه تیارِک بوئینِن ئو بی‌ثمر نوئن.

فیلیمون 1:6

دوعام یَسَ گه شریک بیئینِت اِنوم ایمو، اَرِه شناخت کامل هر چی خوئی گه وَه خاطر مسیح ها نوم ایمِه‌اِر وَه کار بای.

عِبرانیَل 6:12

تاگَه تَمَل نوئینو، بلکِم اژ کسَلی سرمقشا بِگِرینو گه وَه‌سونگَ ایمون ئو صبِر، موئنَ وارث وَدَه‌ل.

دوئِم پطرس 1:2

فیض‌وسِلامتی وَه‌سونگَ شناخت خدا ئو خداونمو عیسی، چَل‌چَل اَر هُمَه بو.

دوئِم پطرس 1:3

قدِرت الهی او هرچی گه اَرِه ژییاین ئو دینداری اِکَلَ داسیَ بینمو، یَه وَه‌سونگَ شناخت او اَنجوم گِرتیِ گه ایمَل دَوَت کِردیَسیَ جِلال ئو خوئی ووژ،

دوئِم پطرس 2:20

اَرِیَگه اونَلی گه وَه شناخت خداون ئو نجاددهندَه ایمَه عیسی مسیح، اژ فساد دنیا آزاد بینَ، اَرّ اِدوارَه گرفدار ئو اسیر بوئنی، عاقویَتو گَنتِر اژ اول‌بارونَ ماو.

دوئِم پطرس 3:18

بلکِم اِنوم فیض ئو شناخت خداون ئو نجاددهندَه ایمَه عیسی مسیح رشد بِهَن، گه جِلال اژ اِسگَه تا ابد اَر او بو! آمین.