دوئِم یوحنا 1:4 - کتاب مقدس به زبان لکی - گویش مرکزی

⁴ مِه فِرَه خَوشالا بیم گه فیَمیم بِری اژ آیلَلِت هَراَ جورَ گه اژ باوَه فِربونمو گِرتیَ، اِنوم ’حخیخت‘ زِنِه‌یَ مَهَن.

دوئِم یوحنا 1:4 Iomraidhean Croise

اول قرنتیان 13:6

مِحبت اژ گَنی خَوشال نِماو، مِنتائای اژ حخیخت خَوشالیَ مِهِه.

غَلاطیَل 2:14

مِنتائای وخدی دیم رفدارو مِطابق حخیخت انجیل نیَ، اَر تک کُلو وِتمَ پطرس: «اَرّ تو، وَه‌یاآگه یهودی‌ای کین، اِجور خِرِیهودیَل زِنِه‌یَ مِهِین نه اِجور یهودیَل، چطورَ خِرِیهودیَل مجبورَ مِهِین گه اِجور یهودیَل رفدار بِهَن؟»

اَفِسُسیَل 5:2

ئو اِنوم مِحبت رفدار بِهَن، هَرهُنَ گه مسیح‌یش مِحبت کِردی اَر ایمَه ئو گیو ووژ اِجور قُرونی ئو پیشکَشی عطِرداری اَرِه ایمَه تقدیم خدا کِردی.

اَفِسُسیَل 5:8

اَرِیَگه هُمَه زمونی تیَریکی بینو، مِنتائای اِسگَه اِنوم خداون نُیرینو. اِسَه اِجور آیلَل نُیر رفدار بِهَن.

فیلیپیَل 4:10

اِنوم خداون فِرَه خَوشالِم گه اِسگِه‌یشَ هاینونِ هول مِه، هُمَه اِراسی هَرِ هول مِه بینونَ، مِنتائای مِجالتو ناآشدیَ.

اول یوحنا 2:6

اَوَه گه موشی اِنوم اوءَ مَمینِم، باس هَراَ جورَ رفدار بِهِه گه عیسی رفدارَ مَهَردی.