دوئِم قُرَنتیان 9:2 - کتاب مقدس به زبان لکی - گویش مرکزی

² اَرِیَگه مَذانِم گه هُمَه اَرِه ایی کارَ شوق دیرینو، ئو اَرِه یَه اَرتَک ایمودارَل هیال مقدونیَه افتخارتونَ بینَ مَهَم ئو وِتِمَسَ بینو گه هُمَه اژ پارنِهَه اِ هیال اَخائیَه اَرِه دائِن پیشکَشی آمادَه بینونَ، ئو ایی خیرَت هُمَه بِری اژ اونَل اَرِه ایی کارَ آوِردیَسی اَر سر خیرَت.

دوئِم قُرَنتیان 9:2 Iomraidhean Croise

کارَل رسولَل 18:12

مِنتائای وخدی گالیو، والی شیَر اَخائیَه بی، یهودیَل کُلَ گَرد یَک رِشیانَ سر پولُس‌اِرا ئو بِردونَ اِرَه محکمَه،

کارَل رسولَل 24:17

«اِسگَه دُما چَن سال، چِم اِرَه شیَر اورشلیم تاگَه اَرِه ژارَل قوم ووژِم صِدقَه بیَرِم ئو قُرونی پیشکَش کَم.

رومیان 15:26

اَرِیَگه کلیسائَل هیالَل مقدونیَه ئو اَخائیَه صِلائو دی گه اَرِه ایمودارَل ژار اورشلیم پیل رِ کَن.

اول قرنتیان 16:15

-هُمَه مَذانینو گه هوز اِستِفاناس اول کسَلی بین گه اِنوم هیال اَخائیَه ایمونو آوِرد، ئو اونَل ووژو وَخم خِلمت اژ ایمودارَل مسیحو کِردیَ- اِسگَه بِرال، مَلالکِم‌ئونتو

دوئِم قُرَنتیان 1:1

اژ پولُس گه وَه خواس خدا رسول مسیح عیسیَ، ئو بِرامو تیموتائوس، وَه کلیسا خدا اِ شیَر قُرَنتُس، ئو وَه کُل ایمودارَل مسیح اِ سِرُسَر هیال اَخائیَه:

دوئِم قُرَنتیان 7:14

اَرِیَگه هر چی اَرتَک او وَه هُمَه افتخارِم کِردوئی، خجالتا نوئیم. بلکِم هَراَ جورَ گه هر چیمونی وِتَ هُمَه دُریس بی، افتخار ایمَه اَرتَک تیتوس‌یش راس اِرهات.

دوئِم قُرَنتیان 7:4

مِه اِتِماد کامل اَر هُمَه دیرِم، فِرَه مَنازِمَ بینتو؛ پِر اژ دلگُوئیِم، ئو اِ کُل سخدیَلمو مِه پِر اژ خَوشیِم.

دوئِم قُرَنتیان 8:10

اِسَه عخیدَه ووژِم اِبارَه ایی گپَ موشِم: یَه وَه نفع هُمِئَه، اَرِیَگه پار، نه فَخَد بِنیا ایی کارتونَ نا، بلکِم اَرِه اَنجوم دائِنی شوقتون‌یش داشد.

دوئِم قُرَنتیان 8:11

اِسَه ایی کارَ برَسِنِنَ سرانجوم تا هَراَ جورَ گه اَرِه اَنجوم دائِنی شوقتو داشد، سرانجوم گِرتِنی مِطابق چیئی بو گه اژ دَستون اِرَمای.

دوئِم قُرَنتیان 8:19

ئو نه فَخَد یَه، بلکِم او اژ جونِم کلیسائَل اِنتخاو بیَ تاگَه اِ ایی کار خِرَ گه اَرِه جِلال خدا ئو نِشو دائِن خِرخواهیمونَ، هُمسفرمو بو.

دوئِم قُرَنتیان 8:24

ایلَهَه مِحبت ووژتو ئو افتخاری گه اَر هُمَه دیریم، اَرتَک کلیسائَل ثابت کَن اَر ایی پیالَ.

دوئِم قُرَنتیان 8:8

یَه حکِم نِمَهَم اَر هُمَه، بلکِم میا مِحبت خالص هُمَه اِ قیاس وَه‌گَرد خیرَت کسَلی‌تِر اِنتحو کَم.

اول تِسالونیکیَل 1:7

هُنَ گه بینونَ سرمقشی اَرِه کُل ایمودارَل هیال مقدونیَه ئو اَخائیَه.

عِبرانیَل 10:24

ئو بورِن وَه فگِر یَه بوئیم گه چطور یَکتِری تشویق کِیم اَر مِحبت ئو کارَل خو.