دوئِم قُرَنتیان 8:9 - کتاب مقدس به زبان لکی - گویش مرکزی

⁹ اَرِیَگه هُمَه اژ فیض خداونمو عیسی مسیح خَوَر دیرینو گه وَه‌یاآگه دولَمَن بی، وَه خاطر هُمَه ژارا بی تاگَه هُمَه وَه ژاری او دولَمَنا بوئینو.

دوئِم قُرَنتیان 8:9 Iomraidhean Croise

مَتّی 17:27

مِنتائای اَرِیَگه اونَل نَرَنجِنیم، بِچُ اَرِه لو دریاچَه ئو قُلاوی باوژ. اول مایتی گه گِرت دَم واز کِیتی، سکَه چوار دِرهَمی مِهِینَ دی. بیَر مِن ئو ووژت وَه اَوَه ب‌ِئونو.»

مَتّی 20:28

هُنَ گه کُر اِنسون‌یش نِهات تاگَه خِلمت اَژی بِهَنی، بلکِم هات تاگَه خِلمت بِهِه ئو تا گیون ووژ اِجور نَسَخ آزادی اَرِه فِرَه کسَل بِ.»

مَتّی 8:20

عیسی جوواوا داتی: «روائَل لونَه دیرِن ئو مَلَل‌یش لونَه، مِنتائای کُر اِنسو، جای اَرِه سِرا نائن نِری.»

مَرقُس 6:3

مَر هَراَ نجّارَ نیَ؟ مَر کُر مریم ئو بِرا یعقوب، یوشا، یهودا ئو شَمعون نیَ؟ مَر خُیَه‌لی اِ ایرَه اِنوم ایمَه زِنِه‌ی نِمَهَن؟» اَسَه زور اَر وَرو داشدی.

لوقا 16:11

اِسَه اَرّ اِ مالِ‌منال فاسد ایی دنیاءَ اَمونتدار نوئینو، کیَ گه اَ گنج حخیخیَ بِئَه دس هُمَه‌آ؟

لوقا 2:7

مریم نوولَم ووژ گه کُری بی آوِردیَ دی. او کُلپیچِک کِرد ئو حیوَسون اِنوم آحِری، اَرِیَگه اِنوم مِموخونَه جائونی اَرِه نوئی.

لوقا 8:3

یوآنّا ژَن خوزا، پیشکار هیرودیس، سوسن ئو ژِنَل فِرِه‌ی‌تِر. ایی ژِنِلَ اژ دارایی ووژو اَرِه هَوَجَه‌ل عیسی ئو شاگردَلی تیارِکون ما.

لوقا 9:58

عیسی جوواوا داتی: «روائَل لونَه دیرِن ئو مَلَل لونَه، مِنتائای کُر اِنسو، جای اَرِه سِرا نائن نِری.»

یوحنا 1:10

او اِنوم دنیا بی، ئو دنیا وَه‌سونگَ او خَلک بی؛ وَه ایی حالا دنیا او نشتاسیتی.

یوحنا 1:14

ئو کلوم، بیَ اِنسو ئو لیز گِرت اِنوم ایمَه. ایمَه جِلال اومو دیَ، جِلالی لائق اَ یَکونَه کُرَ گه اژ جونِم باوَه آسمونی هات، پِر اژ فیض ئو حخیخت.

یوحنا 1:17

اَرِیَگه شریعت وَه‌سونگَ موسی بَشخیاسَ بینمو؛ فیض ئو حخیخت وَه‌سونگَ عیسی مسیح هات.

یوحنا 12:30

عیسی وِتی: «ایی دَنگَ اَرِه هُمَه بی، نه اَرِه مِه.

یوحنا 16:15

هرچی گه هِن باوِه‌ءَ، هِن مِن‌یشَ. اَژونَسَ وِتمَ بینتو، اَ چیئَه گه هِن مِنَ مَگِری، اِلومَ مِهِیتی اَر هُمَه.

یوحنا 17:19

مِه ووژِم وَه خاطر اُوُ وَخمَ مَهَم، تاگَه اون‌یش اِنوم حخیخت وَخم بوئن.

رومیان 11:12

اِسگَه اَرّ کورفِربونی اونَل باعث دولَمَنی دنیاءَ ئو اَرّ شِکِسو باعث دولَمَنی خِرِیهودیِلَ، وخدی قوم یهود کامل نجاد بِگِری چَنی ویشتِر باعث دولَمَنیَ ماو؟

رومیان 15:3

اَرِیَگه مسیح‌یش وَه دُم خَوشی ووژا نوئی، هَرهُنَ گه اِنوم کِتاو زبور داوود نُیسیاءَ: «مذمت مذمت‌کَرَل تو، کَت اَررُی مِه.»

رومیان 5:8

مِنتائای خدا مِحبت ووژ هُنَ اَر ایمَه ثابت کِردی گه وخدی ایمَه هَنی گناکار بیمو، مسیح اَرِه ایمَه مِرد.

رومیان 8:32

او گه کُر ووژ دَریخ نَهَردی، بلکِم او اَرِه کُل ایمَه تسِلیم کِردی، چطورَ گَرد او کُل چی وَه دسِ‌دلوازیا نِموئَشخِنیَ ایمَه؟

اول قرنتیان 1:4

مِه هَر خدا ووژِم وَه خاطر هُمَه ئو اَ فیضِ خدا گه اِنوم مسیحْ عیسی بَشخیاسَ بینتو، شُگِرَ مَهَم.

اول قرنتیان 15:47

اِنسو اول اژ زَمی بی ئو اژ خاک؛ اِنسو دوئِم اژ آسمونَ.

دوئِم قُرَنتیان 13:14

فیض خداون عیسی مسیح ئو مِحبت خدا ئو رِقیفی روح‌القدس، وَه‌گَرد کُلتو بو.

دوئِم قُرَنتیان 6:10

پَژاریم مِنتائای هَنی خَوشالیم، ژاریم مِنتائای کسَل فِرِه ثروَدمَنا مِهِیم؛ هُیچ نِریم مِنتائای صائای کُل چیئیم.

اَفِسُسیَل 2:7

تاگَه اِ اَ زمونَلی گه میا بان، دولَمَنی بی‌حدِحساو فیض ووژ اِنوم مسیحْ عیسی، اِ مِرِبونی اَر ایمَه، نِشو بِ.

اَفِسُسیَل 3:19

ئو مِحبت مسیح گه بِلِنگ‌تِر اژ درک ئو فیَم بشرَ، بشتاسینو- تا اژ پِری کامل خدا پِرا بوئینو.

اَفِسُسیَل 3:8

وَه‌یاآگه اژ کُل ایمودارَل مسیح کمتِرِم، مِنتائای ایی فیضَ بَشخیاءَ بینِم تا گنجَل مسیح گه حدِحساو نِری، اِلوم بِهَم اَر خِرِیهودیَل،

کولُسیَل 1:24

اِسگَه اژ جُورَلی گه وَه خاطر هُمَه‌م کیشیَ خَوشالِم ئو وَه خاطر لار او گه کلیساءَ، اَ چیئَه گه اِ جُورَل مسیح کمَ، اِنوم جسم ووژِم پِرا مَهَم.

اول تیموتائوس 6:18

فِربو بیَ بینو گه خوئی بِهَن ئو اِ کارَل خِر دولَمَن بوئن، دس‌ِدلواز ئو دسَ‌خِر بوئن.

عِبرانیَل 1:2

مِنتائای اِ ایی روژَل آخِرَ وَه‌سونگَ کُر ووژ وَه‌گَرد ایمَه قصَه کِردیِ، هَراَ کُرَ گه کِردیِ وارث کُل چی ئو وَه‌سونگَ او دنیا خَلک کِردی.

یعقوب 2:5

بِرال عزیزِم، گوش بِگِرِن! مَر خدا ژارَل ایی دنیاءَ اِنتخاو نَهَردیِ تاگَه اِ ایمو دولَمَن بوئن ئو بوئنَ وارث اَ پاتِشائیَ گه وَدَه داسیَ دوسدارَل ووژ؟

مِکاشفَه 2:9

مِه عذاو تون ئو ژاری تونَ مَذانِم، وَه ایی حالا دولَمَنین! اژ بُختِمَل اونَلی گه ووژونَ یهودیَ مَذانِن ئو نیِن، بلکِم عَبادتگا شِطونِن، خَوَر دیرِم.

مِکاشفَه 21:7

هر کی فائق بای، یوئنَ کُلَ میَریَ میرات، ئو مِنَ موئمَ خدا او ئو اوءَ ماوَ کُر مِه.

مِکاشفَه 3:18

پَنتَ میَم گه طِلای گه وَه آگِر خالصا بیَ اژ مِه بِخِرین تاگَه دولَمَنا بوئین؛ ئو جِنِکَل اِسبی تاگَه بِهِینِ وَر ئو ننگ لُتیِت دیار ناو، ئو دِک‌داری تاگَه بِساین اَرسر چیَمَلِت ئو بیناآ بوئین.