دوئِم قُرَنتیان 8:3 - کتاب مقدس به زبان لکی - گویش مرکزی

³ اَرِیَگه مِه ووژِم شاتِم گه اونَ وَه رضائت ووژو اَخَ گه اژ دَسون اِرَمای موئَشخِن، جُ‌جُ ویشتِریش.

دوئِم قُرَنتیان 8:3 Iomraidhean Croise

مَرقُس 14:8

ایی ژِنَ اَ چیئَه گه اژ دس اِرَماهاتی اَنجوم داتی. او وَه ایی کارَ، اژ وِرِکار لار مِه اَرِه کفنِ‌دفن، آمادَه کِردیَسی.

کارَل رسولَل 11:29

اَسَه شاگردَل قَصو کِرد هر کُم اَخَ گه اژ دَسون اِرَمای، اَرِه بِرالی گه هانِ یهودیه‌اِر یاری کِل‌کَن.

رومیان 10:2

اَرِیَگه اِبارَه اونَل شاتیَ میَم گه اَرِه خدا خیرَت دیرِن، مِنتائای نه اژ رُی شناخت.

اول قرنتیان 16:2

اِ روژ اول هر هفتَه، هرکُم اژ هُمَه اَ چیئَه گه اژ دس اِرَمایتی بِنیِ لا، ئو باوژی‌ِ پِ دس، تاگَه وخدی مام اِرَه تَکتو، اِتیاجی وَه جیَم دائِن پیشکَشیَل ناو.

اول قرنتیان 9:17

اَرِیَگه اَرّ وَه صِلا ووژِم ایی کارمَ مَهَرد، اَجِرمی مَگِرت، مِنتائای اَرّ وَه صِلا ووژِم ناو، فَخَد وظیفَه ووژِم اَنجومَ میَم.

غَلاطیَل 4:15

اَنی اَ شوق ئو ذوقتونَ چِه‌اِر هاتی؟ اَرِیَگه شاتیَ میَم گه اَرّ موئیا، جُ‌جُ چیَمَلتونَ ماوِردَ دِریر ئو ماتونَ مِه.

فیلیپیَل 2:13

اَرِیَگه یَه خداءَ گه هم اِ خواس هم اِ عمل، اَرِه خَوشالی ووژ اِنوم هُمَه کارَ مِهِه.

کولُسیَل 4:13

اَرِیَگه مِه شاتِم گه او اَرِه هُمَه ئو اونَلی گه هانِ لائودیکیَه ئو هیراپولیس سخد کار کِردیِ.

اول تِسالونیکیَل 2:8

اَخَ دوسمو داشدینو گه حاضر بیمو گه نه فَخَد انجیل برَسِنیمَ بینتو بلکِم گیون‌یشمو اَرِنتو بِیم، اَرِیَگه هُمَه فِرَه اَرِنمو عزیزا بوئینو.

فیلیمون 1:14

مِنتائای نِهِستِم کارمی بی‌رضائَت تو کِردوئی، تاگَه خوئی کِردِنِت وَه میل ووژِت بو نه وَه مجبوری.

اول پطرس 4:11

هر کی قصَه مِهِه، اِجور خدا قصَه بِهِه؛ ئو هرکی خِلمتَ مِهِه، وَه قویَتی گه خدا موئَشخی خِلمت بِهِه، تاگَه اِ کُل چی، خدا وَه‌سونگَ عیسی مسیح جِلال بِگِری. جِلال ئو سِلطنت اَر او تا ابد ئو تا ابد. آمین.

اول پطرس 5:2

ریئَن خدا گه ها نوم هُمِه‌اِر شوئونی کَن ئو مِتیَه‌جی بوئنی، نه وَه زور بلکِم وَه میل، [هَراَ جورَ گه خدا مِیتی]؛ ئو نه اَرِه فادَه ناحخ بلکِم وَه شوقا.