دوئِم قُرَنتیان 7:5 - کتاب مقدس به زبان لکی - گویش مرکزی

⁵ اَرِیَگه وخدی رَسیمون اَر هیال مقدونیَه، گِری شَکَتیمون ‌اِرنَهَرد، بلکِم اژ هر لای اِ سخدی بیمو -اِ در جنگمونَ مَهَرد ئو اِنوم دل زِلَمونَ مَچیا.

دوئِم قُرَنتیان 7:5 Iomraidhean Croise

کارَل رسولَل 20:1

وخدی گالِ‌راوِهَه نیشت‌اِرا، پولُس شاگردِلِهَه هِنا کِردی ئو دُما دلگُوئی دائِنو، خدافظیَ گَرد کِردِنی ئو چی اِرَه مقدونیَه.

رومیان 15:26

اَرِیَگه کلیسائَل هیالَل مقدونیَه ئو اَخائیَه صِلائو دی گه اَرِه ایمودارَل ژار اورشلیم پیل رِ کَن.

اول قرنتیان 15:31

بِرال، وَه افتخاری گه اَرتَک خداونمو مسیحْ عیسی اَرینتونَ مَهَم، قسم، مِه کُلِ روژی مِردِنَ چیَمَ موئینِم.

اول قرنتیان 16:5

مِه دُما یَگه اژ هیال مقدونیَه رد بوئم، مام اِرَه تَکتو، اَرِیَگه مِه باس اژ مقدونیَه رد بوئم.

دوئِم قُرَنتیان 2:13

روحِم سِتار نَگِرتی اَرِیَگه بِرام تیتوسِم اَر اورَه نَهَردَ دی. اَسَه مردِم اورمَ هُیشتَ جا ئو چِم اَرِه هیال مقدونیَه.

دوئِم قُرَنتیان 2:3

ئو مِه یَئمَ نُیسو تا وخدی هاتم اَرِه تَکتو، کسَلی گه باس مِه خَوشالا کَن، باعث نوئن مِه برنجِم. اَرِیَگه اطمینونَ کُلتو دیرِم گه خَوشی مِه خَوشی کُل هُمِئَه.

دوئِم قُرَنتیان 2:9

اَژونَسَ نُیسونم اَرِنتو تاگَه اِنتحونتو کَم ئو بوئینِم گه اِ کُل چی فِربوبَرینو یاگَه نه؟

غَلاطیَل 4:11

زِلَمَ مَچو زیَمَتَلمی گه اَرِنتو کیشیَ یِلا چوئی.

اول تِسالونیکیَل 3:5

اَژونَبیَ اَرِیَگه دیَر طاختِم ناآشد، تیموتائوسِم کِل‌کِرد تاگَه اژ ایمونتو باخَوَرا بوئم، اَرِیَگه زِلَمَ مَچیا گه اَ وسوسَه‌کَرَ یانی ابلیس وَه یِه طوری وسوسَه‌تو کِردوئیتی ئو زیَمَت ایمَه یِه لا چوئی.