دوئِم قُرَنتیان 7:4 - کتاب مقدس به زبان لکی - گویش مرکزی

⁴ مِه اِتِماد کامل اَر هُمَه دیرِم، فِرَه مَنازِمَ بینتو؛ پِر اژ دلگُوئیِم، ئو اِ کُل سخدیَلمو مِه پِر اژ خَوشیِم.

دوئِم قُرَنتیان 7:4 Iomraidhean Croise

کارَل رسولَل 5:41

اَسَه رسولَل وَه خَوشالیا اژ تک عضا شورا کِردونَ دِریر، اَرِیَگه لائقَ حساو هاتوئین تا وَه خاطر نُم عیسی خوارا بوئن،

رومیان 5:3

نه فَخَد یَه، بلکِم اِ عذاوَل‌یش خَوشیَ مِهِیم، اَرِیَگه مَذانیم گه عذاوَل طاخَتَ ماریَ بار

اول قرنتیان 1:4

مِه هَر خدا ووژِم وَه خاطر هُمَه ئو اَ فیضِ خدا گه اِنوم مسیحْ عیسی بَشخیاسَ بینتو، شُگِرَ مَهَم.

دوئِم قُرَنتیان 1:14

دُریس هَراَ جورَ گه کم‌تا‌کُتی ایمَه‌تو فیَمیَ، تاگَه اِ روژ خداونمو عیسی، هَرهُنَ گه ایمَه وَه هُمَه افتخارَ مِهِیم، هُمِه‌یش وَه ایمَه افتخار بِهِینو.

دوئِم قُرَنتیان 1:4

اَوَه گه اِ کُل سخدیَلمو دلگُوئیَ مِئَه ایمَه تاگَه ایمِه‌یش بتونیم وَه اَ دلگُوئیَ گه اژ خدا دیریم، کسَلی‌تِر گه هانِ هر سخدی، دلگُوئی بِیم.

دوئِم قُرَنتیان 10:8

اَرِیَگه جُ‌جُ اَرّ مِه تیکُلُنجِه‌ی ویشتِر افتخار بِهَم اَر قدِرت‌واختیاری گه خداون اَرِه بِنا کِردِن هُمَه ئو نه اَرِه نابود کِردِنتو داسیَ مِه، شَرمَنَ نِموئم.

دوئِم قُرَنتیان 11:21

خجالتِم، باس بوشِم گه ایمَه اَرِه هُنَ کاری فِرَه ضِیف بیمو! مِنتائای اَرّ کسی‌تِر جورَت بِهِه گه وَه چیئی افتخار بِهِه -هَنی اِجور آم اَخمَخی قصَه مَهَم- مِن‌یش جورَتَ مَهَم گه وَه اَوَه افتخار بِهَم.

دوئِم قُرَنتیان 2:14

مِنتائای شگِر اَرِه خدا گه هَر اِ مسیح، ایمَه اِ صف کسَلی گه بِردونَسا رَبَریَ مِهِه، ئو عطِر خَوش شناخت ووژ وَه‌سونگَ ایمَه اِ کُل جا پَشخا مِهِه.

دوئِم قُرَنتیان 3:12

اِسَه اَرِیَگه هُنَ امیدی دیریم، وَه جورَت فِرِه قصَه مِهِیم؛

دوئِم قُرَنتیان 7:14

اَرِیَگه هر چی اَرتَک او وَه هُمَه افتخارِم کِردوئی، خجالتا نوئیم. بلکِم هَراَ جورَ گه هر چیمونی وِتَ هُمَه دُریس بی، افتخار ایمَه اَرتَک تیتوس‌یش راس اِرهات.

دوئِم قُرَنتیان 8:24

ایلَهَه مِحبت ووژتو ئو افتخاری گه اَر هُمَه دیریم، اَرتَک کلیسائَل ثابت کَن اَر ایی پیالَ.

فیلیپیَل 1:14

ئو فِرَه کسَل اژ ایمودارَل وَه خاطر زندونی بیئِن مِه هُنَ اِنوم خداون دِلو قرص بیَ گه کلوم خدا وَه جورَت ویشتِری، بی‌یَگه زِلِئو بِچو، موشِن.

فیلیپیَل 1:20

هُنَ گه وَه شوقا چیَمَ‌رئیِم ئو امید دیرِم گه اِ هُیچی خجالتا نوئم، بلکِم اِسگِه‌یشَ اِجور همیشَه وَه جورَت کامل، مسیح اِنوم لار مِه جِلالَ مَگِری، چه وَه زِنِه‌ی چه وَه مرگ.

فیلیپیَل 1:26

تاگَه وَه خاطر اِدوارَه هاتِنِم اَرِه تک هُمَه، افتخارتون اِنوم مسیح وَه خاطر مِه ویشتِرِ ویشتِرا بو.

فیلیپیَل 2:17

جُ‌جُ اَرّ لازم بو خوین مِه اِجور شِراوی گه وَخم بیَ، بِرِشی‌ اَر رُی پیشکَشی قُرونی ایمو هُمَه، خَوشالِم ئو وَه‌گَرد کُل هُمَه خَوشیَ مَهَم.

کولُسیَل 1:24

اِسگَه اژ جُورَلی گه وَه خاطر هُمَه‌م کیشیَ خَوشالِم ئو وَه خاطر لار او گه کلیساءَ، اَ چیئَه گه اِ جُورَل مسیح کمَ، اِنوم جسم ووژِم پِرا مَهَم.

اول تِسالونیکیَل 2:19

اَرِیَگه امید ئو خَوشی ئو تاج افتخار ایمَه اَرتَک خداونمو عیسی موقَع هاتِنی چیَ؟ مَر هُمَه نیئینو؟

اول تِسالونیکیَل 2:2

بلکِم هُنَ گه مَذانینو وَه‌یاآگه وِر اژ یَه اِ شیَر فیلیپی عذاومو کیشی ئو گَنیونی اَر ایمَه کِرد گه باعث خجالتَ، مِنتائای ایمَه وَه یاری خدا زِلَمو کِرد گه وَه‌یاآگه سخد اَرضد ایمَه بین، انجیل خدا اِلوم بِهِیم اَر هُمَه.

دوئِم تِسالونیکیَل 1:4

اَژونَسَ ایمَه اِنوم کلیسائَل خدا وَه خاطر دَرین‌داری ئو ایمونتو اِ تیَمِل مِصیوَتَل ئو سخدیَل افتخارتونَ بینَ مِهِیم.

فیلیمون 1:7

اَرِیَگه اِاِ بِرا، مِحبت تو خَوشی ئو دلگرمی فِرِه داسی‌ئونِم، اَرِیَگه دلَل ایمودارَل مسیح وَه‌سونگَ تو گیو تازه‌ئونی گِرتیَ.

یعقوب 1:2

بِرال، وخدی هُمَه مَکُوئینون اِنوم اِنتحونَل جوراجور، تا مَتونینو خَوشی بِهَن!