دوئِم قُرَنتیان 7:1 - کتاب مقدس به زبان لکی - گویش مرکزی

¹ اِاِ عزیزَل، اِسگَه گه ایی وَدِه‌لَ دیریم، بورِن ووژمو پاکا کِیم اژ هر ناپاکی جسم ئو روح، ئو وَه ترس اژ خدا، مقدّس‌بیئین برَسِنیمَ کمال.

دوئِم قُرَنتیان 7:1 Iomraidhean Croise

مَتّی 12:33

«دار خو ثمر خوءَ ماری ئو دار گَن ثمر گَن، هر داری اژ ثمرَ مَشتاسِنی.

مَتّی 5:48

اِسَه هُمَه کامل بوئن هُنَ گه باوَه آسمونی هُمَه کاملَ.

مَتّی 5:8

خَوزگالَ اونَلی گه دِلو پاکَ، اَرِیَگه اونَل خداءَ موئینِن.

کارَل رسولَل 9:31

اُهُنَ، کلیسا اِ سِرُسَر هیال یهودیَه ئو جلیل ئو سامرَه سِتار گِرتی، ئو گیونَ مَگِرتی ئو اِنوم ترس اژ خداون زِنِه‌یَ مَهَردی ئو وَه دلگُوئی روح‌القدس، شِمارو ویشتِرا موئیا.

رومیان 5:20

اِسگَه، شریعت هات تاگَه کورفِربونی فِرَه‌آ بو؛ مِنتائای جای گه گنا فِرَه‌آ بی، فیضِ بی‌حدِحساو، فِرَه‌تِرا بی.

اول قرنتیان 6:20

اَرِیَگه هُمَه وَه خیمتی خِریاینونَ، اِسَه لار ووژتون اَرِه جِلال خدا بیَرِنِ کار.

دوئِم قُرَنتیان 1:20

اَرِیَگه کُل وَدَه‌لی گه خدا اِنوم مسیح داسی ’اِاِ‘ءَ. اَژونَسَ گه وخدی اَرِه ستائشت خدا، وَه‌سونگَ مسیح ’آمینَ‘ ماریمَ زوئو، خدا جِلالَ مِیم.

اَفِسُسیَل 2:3

ایمِه‌یش کُل، زمونی اِنوم یوئنَ اِنوم هُواوهوس جسمو زِنِه‌یمونَ مَهَرد، ئو چیئَلی گه لار ئو فگِرمونَ مِهِستی انجوممونَ ما؛ ئو اِجور کسَلی‌تِر، مِطابق طبیعتمو مَکوم بیمون اَر آیلَل خَضو.

اول تِسالونیکیَل 3:13

ئو دلَلتو قرص بِهِه تا اَسَه گه خداون ایمَه عیسی وَه‌گَرد کُل ایمودارَل ووژَ مای، اَرتَک خدا، باوَه آسمونیمو بی‌عِو ئو مقدّس بوئینو.

اول تِسالونیکیَل 4:7

اَرِیَگه خدا ایمَه دَوَت کِردیَسیَ مقدّس‌بیئین نه ناپاکی.

اول تِسالونیکیَل 5:23

اِسگَه خداءِ صُئل ئو سِلامتی ووژ هُمَه کامل تقدیس بِهِه ئو کُل روح ئو گیون ئو لارتو تا هاتِن خداونمو عیسی مسیح، بی‌عِو پایار بِمینی.

عِبرانیَل 12:23

ئو اَر کلیسا اول‌زائَلی گه نُمون اِنوم آسمو نُیسیاءَ. نزیکا بینونَس اَر خدای گه داور کُلَ، ئو اَر روحَل آمَل صالحی گه کاملا بینَ،

عِبرانیَل 12:28

اِسَه بورِن اَرِیَگه پاتِشائی‌ای گه نِماءِ رِکَه، ماریمَ دس، شگِرگزار بوئیمو ئو وَه ترس ئو عزّتی گه باوِ دلَ، بِپِرَسیمی،

عِبرانیَل 4:1

اِسَه وَه‌یاآگه وَدَه چیئین اِنوم پَلامار او هَر هار سرجا ووژ، زِلَمو بِچو گه ناخواد آشگارا بو یَکی اژ هُمَه، اِ یَگه برَسیَ وَدَه شِکِس هُاردیِ.

عِبرانیَل 6:9

اِاِ عزیزَل، وَه‌یاآگه هُنَ قصَه مِهِیم، مِنتائای اِبارَه هُمَه اطمینو دیریم گه چیئَل بیتِری گه هِن نجادِن، ماوَ نَصُیتو.

یعقوب 4:8

نزیک خدا بوئن گه خدایش نزیکتونَ ماو. اِاِ گناکارَل، دَسَلتو اژ گنا بشورِن ئو اِاِ آمَل دودل، دلَلتو پاکا کَن.

اول پطرس 1:15

بلکِم اِجور اَ قدوسَ گه دَوَتتو کِردیِ، هُمِه‌یش اِ کُل رفدارَلتو مقدّس بوئن؛

اول پطرس 1:17

اَرّ وَه اوءَ موشینو باوَه گه بی‌‌جونِمداری ئو مِطابق کارَل هرکی داوریَ مِهِیتی اَری، اِسَه دورَه خَریوی ووژتونَ خداترسی بِگُذَرِنِن،

اول پطرس 1:22

اِسگَه گه وَه اطاعت اژ حخیخت، گیونَل ووژتو پاکتونا کِردیَ تا مِحبت بِرائی خالصتو داشدوئی، باس اژ تیَه دلا فِرَه یَکتِریتو دوس داشدوئی.

اول پطرس 2:11

اِاِ عزیزَل، خواهشد اَژینتونَ مَهَم اِجور کسَلی گه اِ ایی دنیا بیگونَه ئو خَریوِن، اژ هُواوهوسَل جسم گه وَه‌گَرد روحِ هُمَه هانَ جنگ‌اِر دویرا بِگِرِن.

اول پطرس 5:10

دُما یَگه مِدت کمی عذاوتو کیشی، خداءِ کُل فیضَل گه هُمَه اِنوم مسیح دَوَت کِردیَسیَ جِلال ابدی ووژ، ووژ اِدوارَه بِناتونَ مِهِه، ئو موکَم ئو زوردار ئو پایارتونا مِهِه.

اول یوحنا 1:7

مِنتائای اَرّ اِنوم نُیرَ مَچیم‌َ رئیا، هَرهُنَ گه خدا ها نوم نُیراِر، وَه‌گَرد یَک رِقیفی دیریم ئو خوین کُری، عیسی مسیح ایمَه اژ کُل گنائَل پاکا مِهِه.

اول یوحنا 1:9

اَرّ وَه گنائَل ووژمو اعتراف بِهِیم، او اَمونتدار ئو صالحَ، گنائَلمونَ موئَشخی ئو ایمَه اژ هر نادُریسی پاکا مِهِه.

اول یوحنا 3:3

ئو هر کی هُنَ امیدیَ بی دیرِتی، ووژ پاکا مِهِه، هُنَ گه او پاکَ.