دوئِم قُرَنتیان 5:1 - کتاب مقدس به زبان لکی - گویش مرکزی

¹ اَرِیَگه مَذانیم اَرّ ایی داوارَ گه مال زمینی ایمِئَه نابود بو، اژ خدا مالی دیریم، نه مالی گه وَه دس کَتوئی، بلکِم مالی‌، ابدی اِ آسمو.

دوئِم قُرَنتیان 5:1 Iomraidhean Croise

مَرقُس 14:58

«ایمَه ووژمو شنَفتِمونَ گه موئِتی، ”ایی معبدَ گه اِنسو ساخدیَسی مَرِمِنِم ئو سه روژَ معبدی‌تِرَ مَسازِم گه وَه دَسِ اِنسو نسازیاءَ.“»

کارَل رسولَل 7:48

«مِنتائای اَ خداءِ متعالَ، لیز نِمَگِری اِنوم مالَلی گه وَه دس کَتِنَ، هُنَ گه اِشعیا پِخَمَر وِتیَسی:

اول قرنتیان 3:9

اَرِیَگه ایمَه هُمکارَل خدائیمو ئو هُمَه زَمی کشتِ‌کار ئو ساخدِمو خدائینو.

دوئِم قُرَنتیان 4:7

مِنتائای ایمَه ایی گنجَ اِنوم کویزَه‌ل گِلین دیریمو، تاگَه دیار بو گه ایی قدِرت عظیمَ اژ خداونَ نه اژ ایمَه.

دوئِم قُرَنتیان 5:4

اَرِیَگه تا وخدی گه ایمَه هایمِ ایی داوارَ، اِ ژیر بار گِرو هِناسی سردَ مَکیشیم، اَرِیَگه نِمِمو جِنِک اِوَرمون‌ اِرباریم، بلکِم تا جِنِکی‌تِر بِهِیمِ وَر، تاگَه ژییاین، اَ چیئَه گه فانیَ قویت اِرادِ.

کولُسیَل 2:11

ئو اِنوم او هُمَه ختینِه‌یش بینونَ، ختینِه‌ی گه وَه دس نوئیَ، بلکِم وَه اِوَر کَنِن لار جسمونی، وَه‌سونگَ ختینَه مسیح اَنجوم گِرتیَ.

دوئِم تیموتائوس 1:12

اَژونَسَ گه هُنَ عذاویشَ مَکیشِم، مِنتائای عارِم نِمای، اَرِیَگه مَذانِم ایمونِم آوِردیَس اَر کی ئو اطمینو دیرِم گه اوءَ مَتونی اَ چیئَه گه سپارتیاسَ مِه، تا اَ روژَ حفظ کِ.

عِبرانیَل 11:10

اَرِیَگه چیَمَ‌رئی شیَری بی گه بِناوَه داشدوئیتی، گه مِمار ئو بنّای خداءَ.

عِبرانیَل 9:11

مِنتائای وخدی مسیح اِ مقوم کاهن اعظم اَ چیئَل خوءَ ظاهر بی گه هَراِسگِه‌یشَ هاتِنَ، چی اِنوم داوار کَلِنگتِر ئو کاملتِری گه وَه دس اِنسو دُریس نوئیَ، یانی اژ ایی خلقتَ نیَ.

عِبرانیَل 9:24

اَرِیَگه مسیح نَچی اِنوم قدس‌الاقداسی گه وَه دس اِنسو کَتوئی ئو فَخَد نمونه‌ی اژ چیئَل حخیخی بو، بلکِم چی اِنوم آسمو تا اِسگَه اژ جونِم ایمَه اَرتَک خدا ظاهر بو.

اول پطرس 1:4

ئو میراتی گه اژ بِن نِمَچو ئو گَنَ نِمِهِه ئو ژَلما نِماو، گه اَرِه هُمَه نیریاسِ آسمو؛

دوئِم پطرس 3:11

اِسَه گه کُل یوئنَ وَه ایی جورَ اژ یَکَ مَچویچِن، هُمَه اِ ایی زِنِه‌ی مقدّس ئو دینداریَ گه دیرینو باس چطور آمَلی بوئینو؟

اول یوحنا 3:14

ایمَه مَذانیمو گه اژ مرگ جاواز بیمونَسَ ژییاین، اَرِیَگه بِرالمو دوس دیریم. هر کی مِحبت نِمِهِه، اِنوم مرگَ مَمینی اَر جا.

اول یوحنا 3:19

هُنَ ایمَه مَذانیمو گه هِن حخیختیم ئو اِدوارَه اَرتَک او دلَلمو قرصَ مِهِیم؛

اول یوحنا 3:2

اِاِ عزیزَل، اِسگَه آیلَل خدایمو، مِنتائای اَ چیئَه گه میا بوئیمو حالامی دیار نوئیَ، مِنتائای مَذانیمو وخدی گه او ظاهر بو، موئیمون اِجور او، اَرِیَگه او هَراَ جورَ گه هَس، موئینیمو.