دوئِم قُرَنتیان 4:7 - کتاب مقدس به زبان لکی - گویش مرکزی

⁷ مِنتائای ایمَه ایی گنجَ اِنوم کویزَه‌ل گِلین دیریمو، تاگَه دیار بو گه ایی قدِرت عظیمَ اژ خداونَ نه اژ ایمَه.

دوئِم قُرَنتیان 4:7 Iomraidhean Croise

مَتّی 13:44

«پاتِشائی آسمو هر گا گنجی کَ گه اِنوم دل زَمی پنهونَ ئو یَکی مِهِیتیَ دی، اِدوارَه مَشارِتیا ئو اژ خَوشیَ مَچو ئو هرچی گه دیری، مَفِروشی ئو اَ زمینَ مَخِری.

مَتّی 13:52

عیسی وِتی‌ئونو: «اِسَه، هر مَلِم توراتی گه اِبارَه پاتِشائی آسمو تیَلیم گِرتوئیتی، هر گا صائای‌مالی کَ گه اژ خزینَه ووژ چیئَل نوو ئو کُینَه ماریَ دِریر.»

یوحنا 16:33

یوئنَمَ وِتَ هُمَه تاگَه اِنوم مِه سِتارتو بِگِری. دنیا اَرِه هُمَه ماوَ جُور؛ مِنتائای بِیلِن دلِ‌دَرینتو داشدوئی، اَرِیَگه مِه بیمَسَ حریف ایی دنیاءَ.»

اول قرنتیان 1:28

خدا اَ چیئَه گه اِنوم ایی دنیاءَ خوار ئو ژارَ ئو جُ‌جُ اونَلی گه کسی نیِن، اِنتخاو کِردی تا ریشی اونَلی گه کسی کِن اِرباری،

دوئِم قُرَنتیان 10:10

اَرِیَگه موشِن: «نُامَه‌ل او تُنِن ئو سنگینِن، مِنتائای اِ ویراَرویر ضِیفَ ئو قصَه کِردِنی اَرزشد نِری.»

دوئِم قُرَنتیان 13:4

اَرِیَگه وَه‌یاآگه او اِنوم ضیَف کیشیا اَر صلیب، مِنتائای وَه قدِرت خدا زِنِه‌یَ مِهِه. اَرِیَگه ایمِه‌یش اِنوم او ضِیفیم، مِنتائای اِبِرُوَر هُمَه وَه قدِرت خدا، وَه‌گَرد مسیح زِنِه‌یَ مِهِیم.

دوئِم قُرَنتیان 4:1

اِسَه اَرِیَگه ایمَه ایی خِلمتَ اژ ریَمَت خدا دیریم، دلسردا نِموئیم.

دوئِم قُرَنتیان 5:1

اَرِیَگه مَذانیم اَرّ ایی داوارَ گه مال زمینی ایمِئَه نابود بو، اژ خدا مالی دیریم، نه مالی گه وَه دس کَتوئی، بلکِم مالی‌، ابدی اِ آسمو.

دوئِم قُرَنتیان 6:10

پَژاریم مِنتائای هَنی خَوشالیم، ژاریم مِنتائای کسَل فِرِه ثروَدمَنا مِهِیم؛ هُیچ نِریم مِنتائای صائای کُل چیئیم.

اَفِسُسیَل 2:5

جُ‌جُ وخدی اِنوم خطائَلمو مِردوئیمو، وَه‌گَرد مسیح زِنیا کِردیمی -اِسَه، وَه‌سونگَ فیض نجادتو گِرتیَ؛

اَفِسُسیَل 3:8

وَه‌یاآگه اژ کُل ایمودارَل مسیح کمتِرِم، مِنتائای ایی فیضَ بَشخیاءَ بینِم تا گنجَل مسیح گه حدِحساو نِری، اِلوم بِهَم اَر خِرِیهودیَل،

کولُسیَل 1:27

خدا هُنَ هِستی تا اَرِنو آشگارا بِهِه گه ایی سِرَّ چه جِلال بی‌حدِحساوی اِنوم خِرِیهودیَل دیری، ایی سِرَّ یَسَ گه مسیح، گه امید جِلالَ، ها اِنوم هُمَه.

کولُسیَل 2:12

اِ خُسِل تیَمید، وَه‌گَرد او چال بینونَ، گه اِنوم اَوَه وَه‌سونگَ ایمون اَر کار پِرقویَت‌ خدای گه مسیح اژ مِردیَل زِنیا کِردی، وَه‌گَرد او اژ مِردیَل زِنیا بینو.

کولُسیَل 2:3

هَراَ مسیحَ گه کُل گنجَل حکمت ئو شناخت خدا اِنوم او پنهونَ.

اول تِسالونیکیَل 1:5

اَرِیَگه انجیل ایمَه نه فَخَد وَه قصَه بلکِم اِنوم قدِرت ئو اِنوم روح‌القدس ئو وَه اطمینو کامل رَسیَ هُمَه. هُنَ گه مَذانینو وَه خاطر هُمَه چطور اِنومتو رفدارمو کِرد.

اول تِسالونیکیَل 4:4

هرکُم اژ هُمَه باس بِذانی گه چطور لار ووژ اِ پاکی ئو عزّت حفظ کِ،

دوئِم تیموتائوس 2:20

اِسگَه اِنوم مال کَلِنگی فَخَد حاجَتَل طِلا ئو نُخِرَه نیَ بلکِم چوئین ئو گِلین‌یش هَس؛ قِری اَرِه عزّت نائنَ مانَ کار، قِری اَرِه کارَل وَردَسی.