دوئِم قُرَنتیان 4:2 - کتاب مقدس به زبان لکی - گویش مرکزی

² بلکِم ایمَه رئیَل پنهونی ئو نادُریسمو رد کِردیَ ئو وَه رِنگَریا رفدار نِمِهِیم ئو دس اِنوم کلوم خدا نِمیَریم، بلکِم وَه آشگارا وِتِن حخیخت، تقِلاءَ مِهِیم اَرتَک خدا ئو وِژدان کُل مردِم، تایید بوئیمو.

دوئِم قُرَنتیان 4:2 Iomraidhean Croise

رومیان 1:16

اَرِیَگه مِن اژ انجیل عارِم نِمای، اَرِیَگه قویَت خداءَ اَرِه نجاد هر کی گه ایمو باری، اول‌بار یهود ئو دُماخِرِ یونانی.

رومیان 6:21

ایلَهَه اَ زمونَ، اژ چیئَلی گه اِسگَه اَژینو خجالتینو، چَه بیَ نَصُیوتو؟ اَرِیَگه عاقویَت اَ کارِلَ، مرگَ!

اول قرنتیان 4:5

اِسَه اِبارَه هُیچی وِر اژ اَ وخدَ گه مِ بای، قضاوت نَهَن تاگَه خداون بای. او اَ چیئَه گه اِسگَه اِ تیَریکی شاردیاسا، اِنوم روشتایی آشگارَ مِهِه ئو نیّت دلَل آشگارَ مِهِه. اِسَه هر کی اَجورَ گه لیاخَت دیرِتی، خدا اَژینی تیَریفَ مِهِه.

دوئِم قُرَنتیان 1:12

اَرِیَگه افتخار ایمَه شاتی وژدانمونَ، گه ایمَه اِنوم ایی دنیاءَ ئو مصقوصاً چَنی ویشتِر وَه‌گَرد هُمَه، وَه ساده‌ی ئو رُی‌راسی گه اژ خداءَ رفدارمو کِرد، نه وَه حکمت بشری بلکِم وَه فیض خدا.

دوئِم قُرَنتیان 11:3

مِنتائای زِلَمَ مَچو هَرهُنَ گه مار وَه رِنگَری ووژ، سر حوّا فن داتی، فگِرَل هُمِه‌یش اژ ارادت خالص ئو رُی‌راسی گه اَر مسیح دیرینو، اِرگیردی.

دوئِم قُرَنتیان 11:6

جُ‌جُ اَرّ اِ قصَه‌کَری سرشتَه‌م ناآشدوئی، مِن اِ دانش چیئی کَم نِرِم؛ اِراسی ایمَه یَمونَ اژ کُل لِحاظی اِ کُل چی اَر هُمَه ثابت کِردیَ.

دوئِم قُرَنتیان 2:17

اَرِیَگه اِجور بِری نیئیم گه کلوم خدا دسفِروشَ مَهَن، بلکِم ایمَه اَر وَر چیَم خدا ئو اِنوم مسیح قصَه مِهِیم اِجور آمَل رُی‌راسی گه اژ جونِم خدا ماموریو گِرتیَ.

دوئِم قُرَنتیان 5:11

اِسَه گه مَذانیمو ترس اژ خداون چیَ، تقِلاءَ مِهِیم گه مردِم قانی کِیم. مِنتائای اَ چیئَه گه هِیم اَر خدا آشگارَ ئو امیدَوارِم اَر وِژدان هُمِه‌یش آشگار بو.

دوئِم قُرَنتیان 6:8

اِ عزّت ئو بی‌عزّتی، اِ بَنُمی ئو نیکنُمی. اِجور رِنگَرَل وَه‌گَرد ایمَه رفدارَ ماو، وَه ایی حالا هَنی راس‌وَشیم؛

دوئِم قُرَنتیان 7:14

اَرِیَگه هر چی اَرتَک او وَه هُمَه افتخارِم کِردوئی، خجالتا نوئیم. بلکِم هَراَ جورَ گه هر چیمونی وِتَ هُمَه دُریس بی، افتخار ایمَه اَرتَک تیتوس‌یش راس اِرهات.

اَفِسُسیَل 4:14

تا دیَر اِجور آیلَل نوئیمو تا وَه موجَل ویرِ هر لای هُوَ بیریم ئو وا تیَلیمَل جوراجور ایمَه بیَری ویرِ ایلا ئو اَلا ئو فن آمَلی بیریم گه اَرِه اژ رئی اِرآوِردِن نشقَه مَکیشِن.

اَفِسُسیَل 5:12

اَرِیَگه جُ‌جُ اَر زوئو آوِردِن چیئَلی گه اُوُ وَه بی‌کِشکی اَنجومَ میَن، باعث خجالتَ.