دوئِم قُرَنتیان 3:7 - کتاب مقدس به زبان لکی - گویش مرکزی

⁷ اِسگَه اَرّ خِلمَتی گه آخِری مرگَ ئو کِلمَه‌لی اَررُی بَرد کَنیاءَ، وَه هُنَ جِلالی هات گه بنی‌اسرائیل نتونستی وَه خاطر جِلال نوم‌رُی موسی گِز کَنی اَری، وَه‌یاآگه اَ جِلالَ داشدی تمومَ موئیا،

دوئِم قُرَنتیان 3:7 Iomraidhean Croise

کارَل رسولَل 6:15

هَراَ حِنَ، کُل کسَلی گه اِنوم شورا بین، گِزو کِرد اَر استیفان ئو دییو نوم‌رُی بیَسیَ چُی نوم‌رُی فریشدَه‌ل.

رومیان 10:4

اَرِیَگه مسیح آخِر شریعتَ تا هر کی ایمو باری، صالح وَه حساو بای.

رومیان 4:15

اَرِیَگه شریعت خَضوءَ ماری؛ مِنتائای جای گه شریعت نیَ، اِشکونِن شریعت‌یش نیَ.

رومیان 5:20

اِسگَه، شریعت هات تاگَه کورفِربونی فِرَه‌آ بو؛ مِنتائای جای گه گنا فِرَه‌آ بی، فیضِ بی‌حدِحساو، فِرَه‌تِرا بی.

رومیان 7:10

هَراَ حکمَ گه وَدَه ژییاین داتی، بیَ باعث مِردِن مِه.

رومیان 7:22

اَرِیَگه مِن اِ باطن اژ شریعت خدا لَذتَ میَرِم،

رومیان 7:5

اَرِیَگه وخدی اِنوم جسم بیمو، هُواوهوسَل گناباری گه اژ شریعت بی، اِنوم عضا لارمو کارَ مَهَردی تاگَه اَرِه مرگ ثمر باریم.

اول قرنتیان 13:10

مِنتائای وخدی کامل بای، دیَر جُزمیِهَه اژ بِنَ مَچو.

دوئِم قُرَنتیان 3:3

ئو هُمَه نشونَ مِینو گه نُامه‌ی اژ جونِم مسیحینو، گه وَه‌سونگَ ایمَه رَسیَ، نُامه‌ی گه نه وَه جوهر بلکِم وَه روحِ خداءِ زِنی نُیسیاءَ، ئو نه اَررُی کتیبَه‌ل بَردین، بلکِم اَررُی کتیبَه دلَل اِنسونی.

دوئِم قُرَنتیان 3:6

او گه کفایت داسیَ ایمَه گه خِلمتکارَل عتِ جدید بوئیم -نه عَتی گه نُیسیاءَ بلکِم عَتی گه اژ روحِ خداءَ. اَرِیَگه نُیسیا مَکُشی، مِنتائای روحِ خدا ژییاینَ موئَشخی.

دوئِم قُرَنتیان 3:8

یانی خِلمَتی گه اژ روحِ خداءَ، جِلال ویشتِری نِری؟

غَلاطیَل 3:10

اَرِیَگه اونَلی گه تکیا میَن اَر کارَل شریعت، کُل هانِ ژیر لیَن‌اِر، اَرِیَگه اِنوم تورات نُیسیاءَ گه «لیَن اَر هر کی گه نوسی اَر سر کُل اَ چیئِلَ گه اِنوم کِتاو شریعت نُیسیاءَ ئو اَنجومو نِ.»

غَلاطیَل 3:21

اِسَه یانی شریعت اَرضد وَدَه‌ل خداءَ؟ اصِلا! اَرِیَگه اَرّ شریعتی هاوِنتوئی گه مَتونِستی ژییاین بوئَشخی، اَسَه اِراسی صالح‌بیئین‌یش اژ رئی شریعت وَه دَسَ ماهات.

عِبرانیَل 12:18

اَرِیَگه نزیکا نوئینونَس اَر کوی‌ای گه بتونینو دس بِنینونی اَر قِ، کوی‌ای گه آگِر گُر گِرتی بو، ئو نه وَه تیَریکی ئو ظلمات ئو واگیژَه؛

عِبرانیَل 3:3

اَرِیَگه عیسی لائق عزّت ویشتِری اژ موسی وَه حساوَ مای، هَرهُنَ گه عزّت کسی گه مالَ ماوژی ویشتِر اژ خود اَ مالَ‌سَ.

عِبرانیَل 9:4

اِنوم ایی بَشقَ، قُرونی‌گا طِلائی بِخور ئو صَنُق عَت بی گه اژ کُل لای وَه طِلا پوشیائی. اِنوم ایی صَنُقَ، کویزَه طِلائی گه ’مَنّا‘ اِنوم بیتی، ئو موزبِرَه هارون گه گل کِردوئی، ئو نُئِشتَه‌ل بَردین عَت، بین.