دوئِم قُرَنتیان 3:6 - کتاب مقدس به زبان لکی - گویش مرکزی

⁶ او گه کفایت داسیَ ایمَه گه خِلمتکارَل عتِ جدید بوئیم -نه عَتی گه نُیسیاءَ بلکِم عَتی گه اژ روحِ خداءَ. اَرِیَگه نُیسیا مَکُشی، مِنتائای روحِ خدا ژییاینَ موئَشخی.

دوئِم قُرَنتیان 3:6 Iomraidhean Croise

مَتّی 13:52

عیسی وِتی‌ئونو: «اِسَه، هر مَلِم توراتی گه اِبارَه پاتِشائی آسمو تیَلیم گِرتوئیتی، هر گا صائای‌مالی کَ گه اژ خزینَه ووژ چیئَل نوو ئو کُینَه ماریَ دِریر.»

مَتّی 26:28

یَسَ خوین مِن اَرِه عَت [جدید] گه وَه خاطر بشخِش گنائَل فِرَه کسَل مَرِشی‌اِرا.

مَرقُس 14:24

ئو وِتیَ بینو: «یَسَ خوین مِه اَرِه عَتی [تازَه] گه وَه خاطر فِرَه کَسِلَ مَرِشی.

لوقا 22:20

ئو هَرِ ایی جورَ، دُما شُم جُمِهَه گِرتی ئو وِتی: «ایی جُمَ، عتِ جدیدَ اِنوم خوین مِه گه اَرِه هُمَه مَرِشی.

یوحنا 5:21

اَرِیَگه هَراَ جورَ گه باوَه مِردیَل زِنیا مِهِه ئو ژییاینَ موئَشخیَ بینو، کُریش وَه هر کی گه بِیتی، ژییاینَ موئَشخی.

یوحنا 6:63

روحِ خداءَ گه زِنیا مِهِه؛ جسم فادِه‌ی نِری. قصَه‌لی گه مِه وِتمَ بینتو، روح ئو ژییاینَ.

رومیان 1:5

خدا وَه‌سونگَ مسیح فیض دائونمو تاگَه رسولَل او بوئیمو ئو کُل ملتَل باریمَ اطاعتی گه اژ ایمونَ.

رومیان 3:20

وَه‌چوینا گه هُیچ بشری وَه کارَل شریعت، اِ چیَم خدا صالح وَه حساو نِمای، اَرِیَگه شریعت، گناءَ مَشتاسِنیَ ایمَه.

رومیان 4:15

اَرِیَگه شریعت خَضوءَ ماری؛ مِنتائای جای گه شریعت نیَ، اِشکونِن شریعت‌یش نیَ.

رومیان 4:17

هَرهُنَ گه اِنوم تورات نُیسیاءَ: «مِه تونِم کِردیَسَ باوَه ملتَل فِرِه.» ئو اَرتَک خدا هُنِ‌یشَ هَس، خدای گه ابراهیم ایمون‌ئون آوِرد، او گه مِردیَل زِنیا مِهِه ئو چیئَلی گه نیِن مِهِئَه چیئَلی گه هَن.

رومیان 7:6

مِنتائای اِسگَه گه نِسوَتَ اَ چیئَه گه اِ قِدِبَن بیمونی، مِردیمونَ، اژ شریعت آزاد بیمونَ، تاگَه وَه‌سونگَ روح‌القدس وَه طُرُخ تازَه، خِلمت بِهِیم، نه وَه طُرُخ کُینَه اَ چیئَه گه نُیسیاءَ.

رومیان 8:2

اَرِیَگه اِنوم مسیحْ عیسی، شریعتِ روحِ ژییاین، مِن اژ قانون گنا ئو مرگ آزاد کِردی؛

اول قرنتیان 11:25

هَرهُنَ، دُما شُم، پیاله‌ی گِرتی ئو وِتی: «ایی پیالَه، عتِ جدیدَ گه اِ خوین مِه رسمیَ ماو. هر گِلی گه اَژی خُرَّ مِینونی، وَه یاء مِه هُنَ بِهَن.»

اول قرنتیان 12:28

ئو خدا اِنوم کلیسا، اول‌بار رسولَل ناتی دوئِم نبوّت‌کَرَل، سِئِم مَلِمَل؛ اَسَه کسَلی گه صائای قدِرت مُجِزَه‌لِن، اَسَه کسَلی گه صائای قدِرت شِفا دائِنِن ئو عطاءِ یاری کِردِن ئو رَبَری کِردِن ئو قصَه کِردِن وَه زوئونَلی‌تِر.

اول قرنتیان 15:45

هَراَ جورَ گه نُیسیاءَ: «اِنسو اول، یانی آدم، موجود زِنی‌ای بی»؛ آدم آخِر، ماوَ روحی گه ژییاینَ موئَشخی.

اول قرنتیان 3:10

مِطابق فیضی گه خدا داسیَ مِه، اِجور مِمار سررشتَه‌داری بِناوَه ساخدِمونِم آوشدیَ ئو یَکی‌تِر اَررُی ایی بِناوَه، ساخدِمونَ ماوژی. مِنتائای هر کی باس حُواس بوتی گه چطورَ ماوژی.

اول قرنتیان 3:5

مَر آپولُس کیَ؟ پولُس کیَ؟ اونَ خِلمتکارَلی کِن گه خداون وَه هرکُمو کاری سپارتیِ تاگَه هُمَه وَه‌سونگَ اونَ ایمو بارینو.

دوئِم قُرَنتیان 11:23

اونَل خِلمتکارَل مسیحِن؟ مِن اژ اونَل بیتِرِم. -اِجور آم لیوه‌ی قصَه مَهَم- مِه ویشتِر اژ اونَل زیَمَتِم کیشیَ، ویشتِر اژ اونَل کَتِمَس اِنوم زندو، ویشتِر اژ اونَل شلاخِم هُاردیَ، ئو ویشتِر وَخدَل نزیک بیَ بِمِرِم.

دوئِم قُرَنتیان 3:14

ذِنو تیَریکا بوئی اَرِیَگه تاگَه ایمِرو وخدی اوُ عَت عتیقَ مَحیوَنِن هَراَ نِقاوَ اَر نوم‌رُیو هَر ها سرجا ووژ ئو هیزنَگِرتیِ، اَرِیَگه فَخَد وَه‌سونگَ مسیح هیزَمَگِری.

دوئِم قُرَنتیان 3:3

ئو هُمَه نشونَ مِینو گه نُامه‌ی اژ جونِم مسیحینو، گه وَه‌سونگَ ایمَه رَسیَ، نُامه‌ی گه نه وَه جوهر بلکِم وَه روحِ خداءِ زِنی نُیسیاءَ، ئو نه اَررُی کتیبَه‌ل بَردین، بلکِم اَررُی کتیبَه دلَل اِنسونی.

دوئِم قُرَنتیان 3:7

اِسگَه اَرّ خِلمَتی گه آخِری مرگَ ئو کِلمَه‌لی اَررُی بَرد کَنیاءَ، وَه هُنَ جِلالی هات گه بنی‌اسرائیل نتونستی وَه خاطر جِلال نوم‌رُی موسی گِز کَنی اَری، وَه‌یاآگه اَ جِلالَ داشدی تمومَ موئیا،

دوئِم قُرَنتیان 3:9

اَرِیَگه اَرّ خِلمَتی گه آخِری مَکومیتَ وَه جِلالا بی، خِلمَتی گه آخِری صالح‌بیئینَ باس وَه جِلال فِرَه‌تِریکا بو.

غَلاطیَل 3:21

اِسَه یانی شریعت اَرضد وَدَه‌ل خداءَ؟ اصِلا! اَرِیَگه اَرّ شریعتی هاوِنتوئی گه مَتونِستی ژییاین بوئَشخی، اَسَه اِراسی صالح‌بیئین‌یش اژ رئی شریعت وَه دَسَ ماهات.

اَفِسُسیَل 2:1

ئو هُمَه اِنوم خطائَل ئو گنائَل ووژتو مِردوئینو،

اَفِسُسیَل 2:5

جُ‌جُ وخدی اِنوم خطائَلمو مِردوئیمو، وَه‌گَرد مسیح زِنیا کِردیمی -اِسَه، وَه‌سونگَ فیض نجادتو گِرتیَ؛

اَفِسُسیَل 3:7

مِه مِطابق عطاءِ فیض خدا بیمَسَ خادم ایی انجیلَ گه یَه وَه‌سونگَ قدِرت او گه کارَ مِهِه، بَشخیاسَ بینِم.

اول تیموتائوس 4:6

اَرّ ایی چیئِلَ بِینَ بِرال، موئینَ خادم خو مسیحْ عیسی، گه اِنوم کلوم ایمون ئو اَ تیَلیم خوءَ گه چینَسیَ تُرّا، تربیت بینَ.

دوئِم تیموتائوس 1:11

ئو مِه اَرِه ایی انجیلَ مَیِّن بیم تاگَه موعظَه‌کَر ئو رسول ئو مَلِم بوئمی.

عِبرانیَل 12:24

ئو اَر عیسی گه بَسخَه‌کَر عَت جدیدی کَ، ئو اَر خوین پِشکیای گه بیتِر اژ خوین هابیل قصَه مِهِه.

عِبرانیَل 13:20

اِسگَه، خداءِ صُئل‌وسِلامتی گه شوئون اعظم کاوِرَل یانی خداونمو عیسی، وَه خوین عَت ابدی اژ مِردیَل زِنیا کِردی،

عِبرانیَل 7:22

وَه خاطر ایی قسمَ، عیسی بیَسَ ضامن عَت بیتِرِکی.

عِبرانیَل 8:13

خدا وَه قصَه کِردِن اژ یِه عَت ’جدید‘، عَت اولینِهَه بی‌اتبارَ مِهِه؛ ئو اَ چیئَه گه بی‌اتبار بیَ ئو دیری کُینَه ماو، آماده‌ءَ گه اژ بِن بِچو.

اول پطرس 3:18

اَرِیَگه مسیح‌یش یِه گِل اَرِه گنائَل عذاو کیشیتی، یانی اَ آم صالحَ اَرِه آمَل ناصالح، تا باریتون‌ اَرِه تک خدا. او اِنوم جسم کُشیا، مِنتائای اِنوم روح، زِنیا بی،

اول یوحنا 1:1

اَ چیئَه گه اژ اول بی، اَ چیئَه گه شنَفتمو، ئو وَه چیَمَلمو دیمو، اَ چیئَه گه سِیلمونَ بی کِرد ئو دَسمو نا اَر قِ، اِبارَه کلوم ژییاینَ.