دوئِم قُرَنتیان 3:1 - کتاب مقدس به زبان لکی - گویش مرکزی

¹ یانی ایمَه اِدوارَه بِنیا مَنیم اَر تیَریف کِردِن اژ ووژمو؟ یاگَه ایمِه‌یش اِجور کسَلی‌تِر نیازَ سفارش‌نُامَه اژ جونِم هُمَه یا اَرِه هُمَه دیریم؟

دوئِم قُرَنتیان 3:1 Iomraidhean Croise

کارَل رسولَل 18:27

وخدی آپولُس مِهِستی بِچو اِرَه اَخائیَه، بِرال تشویقو کِرد ئو اَرِه شاگردَلو نُیسو تاگَه وَه رُی خَوش بِچِنیِ گِرد. وخدی آپولُس رَسی اَر اورَه یاری فِرِه داءَ کسَلی گه وَه‌سونگَ فیض خدا ایمونو آوِردوئی.

رومیان 16:1

اَمونت خُیَه‌مو فیبیَ میَم‌ئونتو. او خادم کلیسا شیَر کِنخْریه‌ءَ.

اول قرنتیان 10:33

هَراَ جورَ گه مِن‌یش تقِلاءَ مَهَم تاگَه کُل کس اژ کُل چی راضی بِهَم. اَرِیَگه وَه مِنِی نفع ووژِم نیِم، بلکِم هامَ دُم نفع آمَل فِرِه، تاگَه نجاد بِگِرِن.

اول قرنتیان 16:3

وخدی مِه بِرَسِم، سفارش‌نُامَه‌لی میَمَ کسَلی گه هُمَه اطمینونئونِن دیرینو ئو اونِلَ گَرد پیشکَشیَلتو کِلَ‌مَهَم اِرَه اورشلیم.

اول قرنتیان 3:10

مِطابق فیضی گه خدا داسیَ مِه، اِجور مِمار سررشتَه‌داری بِناوَه ساخدِمونِم آوشدیَ ئو یَکی‌تِر اَررُی ایی بِناوَه، ساخدِمونَ ماوژی. مِنتائای هر کی باس حُواس بوتی گه چطورَ ماوژی.

اول قرنتیان 4:15

اَرِیَگه اَرّیش هزارون هزار رَبَر اِنوم مسیحتو داشدوئی، مِنتائای باوَه‌ل فِرِه نِرینو، اَرِیَگه مِه وَه‌سونگَ انجیل اِنوم مسیحْ عیسی بیمَ باوَه‌تو.

دوئِم قُرَنتیان 10:12

نه یَگه ایمَه جورَتَ مِهِیم ووژمو بنیمَ دسَه کسَلی گه اژ ووژو تیَریفَ مَهَن یاگَه ووژمونَ گَرد اُوُ قیاس بِهِیم. مِنتائای اونَل چَنی نفیَمِن وخدی ووژونَ گَرد ووژونَ مَپِیمُنِن ئو ووژونَ گَرد ووژو قیاسَ مَهَن.

دوئِم قُرَنتیان 10:18

اَرِیَگه کسی گه اژ ووژ تیَریفَ مِهِه قبول نِماو، بلکِم اَ کسَ گه خدا اَژی تیَریف کِیتی.

دوئِم قُرَنتیان 10:8

اَرِیَگه جُ‌جُ اَرّ مِه تیکُلُنجِه‌ی ویشتِر افتخار بِهَم اَر قدِرت‌واختیاری گه خداون اَرِه بِنا کِردِن هُمَه ئو نه اَرِه نابود کِردِنتو داسیَ مِه، شَرمَنَ نِموئم.

دوئِم قُرَنتیان 12:11

مِه اَخمَخ بیمَ! هُمَه مِنتو وادار کِرد، هُمَه باس اژ مِه تیَریفتونَ مَهَرد. اَرِیَگه دُریسَ هُیچِم، مِنتائای کمتِر اژ ’کَلِنگتِرین رسولَل‘ نیِم.

دوئِم قُرَنتیان 12:19

اِ ایی مِدتَ هُمَه گُمونتو کِردیَ گه ایمَه اِبِرُوَر هُمَه اژ ووژمو دَفاعمو کِردیَ؟ خدا شاتَ گه ایمَه اِنوم مسیح قصَه‎ مِهِیم، ئو اِاِ عزیزَل یوئنَ کُل اَرِه بِنا کِردِن هُمِئَه.

دوئِم قُرَنتیان 2:17

اَرِیَگه اِجور بِری نیئیم گه کلوم خدا دسفِروشَ مَهَن، بلکِم ایمَه اَر وَر چیَم خدا ئو اِنوم مسیح قصَه مِهِیم اِجور آمَل رُی‌راسی گه اژ جونِم خدا ماموریو گِرتیَ.

دوئِم قُرَنتیان 5:12

ایمَه نِمِمو هَنی اژ ووژمو تیَریف کِیم، بلکِم میا دلیلی بِیمَ بینتو گه وَه ایمَه افتخار بِهِینو، تاگَه بتونینو جوواو اونِلا بِینو گه وَه ظاهر افتخارَ مَهَن، نه وَه اَ چیئَه گه ها نوم دل‌اِر.