دوئِم قُرَنتیان 2:7 - کتاب مقدس به زبان لکی - گویش مرکزی

⁷ اِسَه اِجالی باس بوئَشخینونی ئو دلگُوئی دِینونی، ناخواد اژ زور خُصَه، زوئینا بو.

دوئِم قُرَنتیان 2:7 Iomraidhean Croise

اول قرنتیان 15:54

وخدی اَژبِن‌چیئِنی، اَوَه گه اَژبِن‌چیئِنی نیَ بِهِئِه وَر ئو فانی، خِرِفانی بِهِئِه وَر، اَسَه اَ کلومِ اِشعیا پِخَمَر وَه اَنجومَ مَرَسی گه موشی: «پیروزی، مرگ سُل اِراداسی.»

دوئِم قُرَنتیان 2:8

اِسَه، مَلالکِمَ بینتو گه مِحبت ووژتون اَری ثابت کِینونی.

دوئِم قُرَنتیان 5:4

اَرِیَگه تا وخدی گه ایمَه هایمِ ایی داوارَ، اِ ژیر بار گِرو هِناسی سردَ مَکیشیم، اَرِیَگه نِمِمو جِنِک اِوَرمون‌ اِرباریم، بلکِم تا جِنِکی‌تِر بِهِیمِ وَر، تاگَه ژییاین، اَ چیئَه گه فانیَ قویت اِرادِ.

دوئِم قُرَنتیان 7:10

اَرِیَگه خُصه‌ی گه اَرِه خداءَ باعث توئِه‌ی ماو گه آخِری نجادَ ئو پشیمونیَ دُما نیِ. مِنتائای خُصه‌ی گه اَرِه دنیا بو آخِری مرگَ.

اَفِسُسیَل 4:32

وَه‌گَرد یَک مِرِبو بوئن ئو دلسوز یَکتِری بوئن ئو یَکتِری بوئَشخِن، هَرهُنَ گه خدا هُمَل اِنوم مسیح بَشخیتی.

فیلیپیَل 2:27

اِراسی گه او مریض بی ئو کَتوئی اَر سَکَرات. مِنتائای خدا ریَم اَری کِرد، ئو نه فَخَد اَر او بلکِم اَر مِن‌یش، تاناخواد خُصه‌ی باءِ سر خُصَه‌لِم.

کولُسیَل 3:13

یَکتِری تیَمِل کَن ئو اَرّ کسی اَرضد کسی‌تِر شکائَت دیری، یَکتِری بوئَشخِن. هَرهُنَ گه خداون هُمَه بَشخیتی، هُمِه‌یش باس یَکتِری بوئَشخینو.

اول تِسالونیکیَل 4:13

مِنتائای اِاِ بِرال، نِمِمو اژ ایمودارَلی گه مِردِنَ بی‌خَوَر بوئینو، ناخواد هُمِه‌یش اِجور باقی مردِم گه امید نِرِن، بنیشینونَ خُصَه هُاردِن.

دوئِم تِسالونیکیَل 3:6

اِسگَه اِاِ بِرال، وَه نُم خداون عیسی مسیح حکمَ مِهِیم اَرینتو گه اژ هر بِرای گه تَمَلیَ مِهِه ئو مِطابق تیَلیمی گه اژ ایمَه‌تو گِرتیَ رفدار نِمِهِه، دویرا بِگِرِن.