دوئِم قُرَنتیان 13:9 - کتاب مقدس به زبان لکی - گویش مرکزی

⁹ اَرِیَگه وخدی ایمَه ضِیفیم ئو هُمَه زوردارینو، یَه خَوشالمونا مِهِه. ئو دوعا ایمَه یَسَ گه هُمَه کاملا بوئینو.

دوئِم قُرَنتیان 13:9 Iomraidhean Croise

رومیان 15:2

هر کُم اژ ایمَه باس چی خوئی گه اِنوم هُمسا ووژَ موئینی، اَرِه اَوَه خَوشالا کِیتی تاگَه باعث تقویت ایمو بوتی.

اول قرنتیان 1:10

اِاِ بِرال، وَه نُم خداونمو عیسی مسیح خواهشد اَژینتونَ مَهَم گه کُل یِه دل بوئن ئو جیاکی نَکُوءِ نومتو، بلکِم فگِر ئو عخیدَه‌تو، یَکی بو.

اول قرنتیان 2:3

مِه وَه ضیَف ئو ترسِم‌لرزِم فِرِه‌ی اَرتَک هُمَه بیم،

اول قرنتیان 4:10

ایمَه وَه خاطر مسیح اَخمَخیم، مِنتائای هُمَه اِنوم مسیح حکیمینو. ایمَه ضِیفیم، مِنتائای هُمَه قویَت‌دارینو! ایمَه بی‌قُرپیم، مِنتائای هُمَه قُرپ دیرینو!

دوئِم قُرَنتیان 11:30

اَرّ باس افتخار بِهَم، وَه چیئَلی افتخارَ مَهَم گه ضیَف مِه نشونَ مِ.

دوئِم قُرَنتیان 13:11

دُماخِرِ اِاِ بِرال، خَوشال بوئن؛ فگِرتو یَه بوءَ گه کاملا بوئینو؛ یَکتِری دلگُوئی دَن؛ هُم‌رِأ بوئن؛ ئو اِ صُئل‌وسِلامتی زِنِه‌ی بِهَن، ئو خداءِ مِحبت ئو صُئل‌وسِلامتی ها گَرد هُمَه.

دوئِم قُرَنتیان 13:4

اَرِیَگه وَه‌یاآگه او اِنوم ضیَف کیشیا اَر صلیب، مِنتائای وَه قدِرت خدا زِنِه‌یَ مِهِه. اَرِیَگه ایمِه‌یش اِنوم او ضِیفیم، مِنتائای اِبِرُوَر هُمَه وَه قدِرت خدا، وَه‌گَرد مسیح زِنِه‌یَ مِهِیم.

دوئِم قُرَنتیان 4:12

اِسَه مرگ اِنوم ایمَه عملَ مِهِه، مِنتائای ژییاین اِنوم هُمَه.

دوئِم قُرَنتیان 7:1

اِاِ عزیزَل، اِسگَه گه ایی وَدِه‌لَ دیریم، بورِن ووژمو پاکا کِیم اژ هر ناپاکی جسم ئو روح، ئو وَه ترس اژ خدا، مقدّس‌بیئین برَسِنیمَ کمال.

کولُسیَل 1:28

ایمَه مسیح اِلومَ مِهِیم، ئو هُشتارَ مِیمَ کُل کس، ئو وَه تموم حکمت تیَلیمَ مِیمَ کُل کس، تاگَه اِنوم مسیح کُل کس بالغ باریم اَرِه تک خدا.

کولُسیَل 4:12

اِپافْراس، گه یَکی اژ هُمِئَه، ئو خادم مسیحْ عیسیَ، سِلامَ مَرَسِنیَ بینتو. او هَر اِ دوعائَلی اَرِه هُمَه تقِلاءَ مِهِه تاگَه هُمَه بتونینو بالغ ئو وَه اطمینو کامل بوسینون اَر سر تموم خواس خدا.

اول تِسالونیکیَل 3:10

ایمَه شو ئو روژ اژ تیَه دلا دوعاءَ مِهِیم گه هُمَه اِ ویراَرویر بوئینیم ئو کمِ‌کسریتون اِ ایمو زفتِ‌رفت بِهِیم.

دوئِم تیموتائوس 3:17

تا پیا خدا اَرِه هر کار خوئی کامل آمادَه بو.

عِبرانیَل 12:23

ئو اَر کلیسا اول‌زائَلی گه نُمون اِنوم آسمو نُیسیاءَ. نزیکا بینونَس اَر خدای گه داور کُلَ، ئو اَر روحَل آمَل صالحی گه کاملا بینَ،

عِبرانیَل 13:21

هَراَ خدای گه هُمَل مِجهز کِردیَ کُل چیئَل خو تاگَه خواس او اَنجوم دِینو، تاگَه اَ چیئَه گه وَه دِلَسی وَه‌سونگَ عیسی مسیح اِنوم ایمَه اَنجوم دِ، گه جِلال اَر او تا ابدالآباد. آمین.

عِبرانیَل 6:1

اِسَه بورِن اژ تیَلیمَل اولی اِبارَه مسیح رد بوئیم، ئو بِچیمِ نوا ویرِ بالغ‌بیئین، ئو اِدوارَه پِ توئَه اژ کارَلی گه آخِرو مرگَ، ئو ایمون اَر خدا نَنیم،

اول پطرس 5:10

دُما یَگه مِدت کمی عذاوتو کیشی، خداءِ کُل فیضَل گه هُمَه اِنوم مسیح دَوَت کِردیَسیَ جِلال ابدی ووژ، ووژ اِدوارَه بِناتونَ مِهِه، ئو موکَم ئو زوردار ئو پایارتونا مِهِه.