دوئِم قُرَنتیان 11:3 - کتاب مقدس به زبان لکی - گویش مرکزی

³ مِنتائای زِلَمَ مَچو هَرهُنَ گه مار وَه رِنگَری ووژ، سر حوّا فن داتی، فگِرَل هُمِه‌یش اژ ارادت خالص ئو رُی‌راسی گه اَر مسیح دیرینو، اِرگیردی.

دوئِم قُرَنتیان 11:3 Iomraidhean Croise

مَتّی 24:24

اَرِیَگه مسیحَل دِروزِنِ ئو پِخَمَرَل دِروزِنِ هیزَمَگِرِن، ئو نشونَه‌ل ئو مُجِزَه‌ل کَلِنگی اَنجومَ میَن تاگَه اَرّ بو، جُ‌جُ کسَلی گه دیاری بینَ اژ رئی اِربارِن.

یوحنا 8:44

باوَه هُمَه ابلیسَ ئو هُمَه اژ اَوینونَ ئو هاینونَ دُم اَنجوم دائِن چیئَلی گه باوِ مِیلَسی. او اژ اَ اولَ قاتل بی ئو هُیچ وخد نِموسیا اَر رُی حخیخت، اَرِیَگه هُیچ حخیختی اِنوم او نیَ. هر وخد گه دِروءَ موشی، اژ ذات ووژی دِروءَ موشی؛ اَرِیَگه دِروزِنَ ئو باوَه دِروزِنِلَ.

رومیان 12:8

کسی گه تشویقَ مِهِه، اِنوم تشویق کِردِنی بیَریِ کار؛ کسی گه یاریَ مِ، وَه دسِ‌دلوازی بِهِه؛ کسی گه رَبَریَ مِهِه، وَه خیرَت اَنجوم دِ؛ کسی گه ریَمَ مِهِه، وَه خَوشالیا بِهِه.

دوئِم قُرَنتیان 1:12

اَرِیَگه افتخار ایمَه شاتی وژدانمونَ، گه ایمَه اِنوم ایی دنیاءَ ئو مصقوصاً چَنی ویشتِر وَه‌گَرد هُمَه، وَه ساده‌ی ئو رُی‌راسی گه اژ خداءَ رفدارمو کِرد، نه وَه حکمت بشری بلکِم وَه فیض خدا.

دوئِم قُرَنتیان 11:20

اَرِیَگه اَرّ کسی هُمَه بِهِئَه نوکر یاگَه هُمَه قویت اِرادِ، یا اَژینتو سوءاستفادَه بِهِه، یا ووژ اَر هُمَه سرتِر بِذانی، یا وَه چَپالی بِ اَر نوم‌رُیتو، تیَمِلَ مِهِینو.

دوئِم قُرَنتیان 11:29

کیَ گه ضِیف بو ئو مِه ضِیف نوئم؟ کیَ گه بِکُوءِ اَر زَمی ئو مِه جیَرِم نَسُزی؟

دوئِم قُرَنتیان 2:17

اَرِیَگه اِجور بِری نیئیم گه کلوم خدا دسفِروشَ مَهَن، بلکِم ایمَه اَر وَر چیَم خدا ئو اِنوم مسیح قصَه مِهِیم اِجور آمَل رُی‌راسی گه اژ جونِم خدا ماموریو گِرتیَ.

دوئِم قُرَنتیان 4:2

بلکِم ایمَه رئیَل پنهونی ئو نادُریسمو رد کِردیَ ئو وَه رِنگَریا رفدار نِمِهِیم ئو دس اِنوم کلوم خدا نِمیَریم، بلکِم وَه آشگارا وِتِن حخیخت، تقِلاءَ مِهِیم اَرتَک خدا ئو وِژدان کُل مردِم، تایید بوئیمو.

غَلاطیَل 1:6

بِلُجوئیمَ مای گه هُمَه اَخَ زوی اژ او گه هُمَل اِنوم فیض مسیح دَوَت کِردی گِلتوناهُاردیَ، ئو ویرِ انجیلی‌تِرَ مَچینو.

غَلاطیَل 2:4

یَه وَه ایی خاطرَ بیَ گه بِری اژ بِرال دِروزِنِ‌ئو بی‌کِشکی آوِرد اِنوم جیَم ایمَه، تا جاسوسی اَ آزادیَ گه اِنوم مسیحْ عیسی دیریم بِهَن ئو ایمَه اِدوارَه بِهَنَ بَنَه.

غَلاطیَل 3:1

اِاِ غَلاطیَل نایو، کی جادوتو کِردیِ؟ مرگ عیسی مسیح هُنَ آشگارا اَرِنتو تیَریف بی مَری اِ وَر چیَمَلتو کیشیا اَر صلیب.

غَلاطیَل 4:11

زِلَمَ مَچو زیَمَتَلمی گه اَرِنتو کیشیَ یِلا چوئی.

اَفِسُسیَل 4:14

تا دیَر اِجور آیلَل نوئیمو تا وَه موجَل ویرِ هر لای هُوَ بیریم ئو وا تیَلیمَل جوراجور ایمَه بیَری ویرِ ایلا ئو اَلا ئو فن آمَلی بیریم گه اَرِه اژ رئی اِرآوِردِن نشقَه مَکیشِن.

اَفِسُسیَل 4:22

تا طُرُخ زِنِه‌ی قدیم ووژتو، یانی اَ اِنسو قدیمَ گه وَه خاطر هُواوهوس گنا گَنیائی، اِ وَرتو بِکَنینو.

اَفِسُسیَل 6:24

فیض اَر کُل کسَلی گه خداون ایمَه عیسی مسیح وَه مِحبتی گه اژ بِن نِمَچو، دوس دیرِن.

کولُسیَل 2:18

نِیلِن کسی گه مَجُرّی اَر یَگه باس لار خوار بو ئو فریشدَه‌ل عَبادت بوئن، محرومتو کِ. هُنَ کسی میا ووژَ رویائَل ووژ مشغول بِهِه ئو بی‌یَگه دلیلی داشدوئیتی وَه فگِرَل اِلَکی ووژ، قُراتا ماو.

کولُسیَل 2:4

مِه یَه موشِم تا هُیچ‌کس وَه دلیلَلی گه مَتونی قانیتو بِهِه، فَنتو نِ.

کولُسیَل 2:8

حُواستو بو کسی وَه فلسفَه ئو رِنگَری پُیچ، اسیرتو نِهِه، گه نه مِطابق مسیح، بلکِم مِطابق رسمِ‌رِسیم بشری ئو مِطابق اصول ایی دنیاسَ.

اول تِسالونیکیَل 3:5

اَژونَبیَ اَرِیَگه دیَر طاختِم ناآشد، تیموتائوسِم کِل‌کِرد تاگَه اژ ایمونتو باخَوَرا بوئم، اَرِیَگه زِلَمَ مَچیا گه اَ وسوسَه‌کَرَ یانی ابلیس وَه یِه طوری وسوسَه‌تو کِردوئیتی ئو زیَمَت ایمَه یِه لا چوئی.

اول تیموتائوس 1:3

هَرهُنَ گه وخدی مِهِستِم بِچِم اَرِه مقدونیَه جُرّیام‌‌ اَرینِت، بِمین اِنوم شیَر اَفِسُس تا فِربو بِینَ بِری گه تیَلیم جوراجور نیَن

اول تیموتائوس 2:14

ئو آدم فن نَهُاردی، بلکِم ژَن بی گه فن هُاردی ئو کورفِربونا بی.

دوئِم تیموتائوس 3:13

مِنتائای شَرَبارَل ئو رِنگَرَل اِ گَنی گَنتِرا موئن، فنَ میَن ئو فنَ میرِن.

تیتوس 1:10

اَرِیَگه فِرَه کسَل هَن گه تور، چِنَه‌مِفت ئو رِنگَرِن، مصخوصاً اونَلی گه اژ دسَه طرفدارَل ختینَه‌ن‌.

عِبرانیَل 13:9

وَه تیَلیمَل جوراجور ئو بِلُجوئی اژ رئی اِرنان، اَرِیَگه خوءَ گه دل اِنسو اژ فیض قویَت بِگِری، نه اژ خوراکَلی گه اَرِه کسَلی گه هانَ دُمونا، نفعی نِرِن.

دوئِم پطرس 3:17

اِسَه هُمَه اِاِ عزیزَل، اِسگَه گه یَه اِ وِرِکارَ مَذانینو، هوشیار بوئن تاناخواد ویرِ رئی نادُریس بی‌دینَل اژ رئی اِرباینو ئو پایاریتون اژ کیستون اِربِچو،

دوئِم پطرس 3:3

وِر اژ هر چی، بِذانِن گه اِ روژَل آخِر تیزمَتَل‌کَرَلی ظاهرَ موئن گه هانَ تُرّ هُواوهوسَل گَن ووژونا ئو وَه تیزمَتَلَ

اول یوحنا 2:18

اِاِ آیلَل، یَه سات آخِرَ ئو هَراَ جورَ گه شنَفتِتونَ ’ضدّمسیحَ‘ مای، هَراِسگِه‌یشَ ضدّمسیحَل فِرِه هاتِنَ. اِسَه هَر اژ یَه‌آ مَذانیمو گه سات آخِرَ.

اول یوحنا 4:1

اِاِ عزیزَل، وَه هر روحی باوارتو ناآشدوئی، بلکِم روحَل اِنتحو کَن تاگَه بِفیَمینو گه اژ خدان یاگَه نه. اَرِیَگه پِخَمَرَل دِروزِنِ فِرِه‌ی چِنَس اِنوم دنیاآ.

یهودا 1:4

اَرِیَگه بِری گه اژ قدیم اَرِه ایی مَکومیتَ مَیِّن بینَ، وَه بی‌کِشکیا هاتِنَس اِنوم هُمَه. یوئنَ خدانشتاسَلی‌ کِن گه فیض خدا ایمَه مَهَنَ عِیاشی ئو یَکونَه آقا ئو خداونمو، عیسی مسیح حاشاءَ مَهَن.

مِکاشفَه 12:15

مارِهَه اژ دَم ووژ آوی چُی روو، اِ دُم اَ ژِنا آوشدیِ رئی، تا لافاو وَه‌گَرد ووژ بیَرتی.

مِکاشفَه 12:9

ئو اُژدها کَلِنگو آوشدَ هُار، هَراَ مار قدیمیَ گه ابلیس ئو شِطو نُمَسی، اَوَه گه کُل دنیا اژ رئی اِرَماری. اوُ آوشد اَر زَمی، ئو فریشدِه‌لِهِیشی وَه‌گَرد اوُ آوشد اَر زَمی.

مِکاشفَه 20:2

او اُژدها، اَ مار قدیمیَ، گه هَراَ ابلیس یا شِطونَ، گِرتی ئو اَرِه هزار سال بَسدا.