دوئِم قُرَنتیان 10:1 - کتاب مقدس به زبان لکی - گویش مرکزی

¹ مِه، پولُس، ووژِم وَه فِروتنی ئو مِرِبونی مسیح خواهشدتون اَژینَ مَهَم -مِه گه هر اَ جورَ گه هُمَه موشینو وخدی هام اَرتَکتو بی‌جورَتِم مِنتائای وخدی دویرِم اَژینتو جورَت دیرِم-

دوئِم قُرَنتیان 10:1 Iomraidhean Croise

مَتّی 11:29

دارِبرگ مِه باوژِن اَر مِلتو ئو اژ مِه تیَلیم بِگِرِن، اَرِیَگه مِه مِلوم ئو فِروتنِم ئو اِ گیونَلتو آسائشتَ مَگِرینو.

مَتّی 21:5

«بوشِنَ اورشلیم، دِت صَهیون، ”اِسگَه پاتِشاتَ ما اِرَه تَکِت، فِروتن ئو سُوار خری، اَر کول خِرولی‌ایکا.“»

کارَل رسولَل 8:32

اَ جاءَ گه اژ نُسَخ مقدّسَ مَحیوَنی، یَه بیَ: «چُی کاوِری گه اَرِه قُرونیَ میَرِنی، ئو چُی وَرکی گه اَرتَک چیَرَّگَرِهِه بی‌کِشَ، هَراَ جورَ، دَم واز نَهَردی.

رومیان 10:20

اَسَه، اِشعیا پِخَمَر وَه جورَت موشی: «اونَلی گه مِنِی مِنو نَهَردوئی، مِنو کِردَ دی ئو ووژِم اَر کسَلی گه مِنو نِهِستوئی، آشگارا کِرد.»

رومیان 12:1

اِسَه اِاِ بِرال، وَه خاطر ریَمَتَل خدا، خواهشدتون اَژینَ مَهَم گه لارَلتون اِجور قُرونی زِنی ئو مقدّس ئو وَه دل خدا پیشکَش بِهَن گه عَبادت روحانی هُمَه هَر یَسَ.

رومیان 15:15

مِنتائای فِرَه جسارتِم کِرد، اِبارَه چَن چیم اَرِه هُمَه نُیسو، تاگَه بارمونَ ویرتو، وَه‌سونگَ اَ فیضَ گه خدا بَشخیَسی‌ئونِم

اول قرنتیان 2:3

مِه وَه ضیَف ئو ترسِم‌لرزِم فِرِه‌ی اَرتَک هُمَه بیم،

اول قرنتیان 4:10

ایمَه وَه خاطر مسیح اَخمَخیم، مِنتائای هُمَه اِنوم مسیح حکیمینو. ایمَه ضِیفیم، مِنتائای هُمَه قویَت‌دارینو! ایمَه بی‌قُرپیم، مِنتائای هُمَه قُرپ دیرینو!

اول قرنتیان 4:21

کُمینتونَ مِ؟ وَه گُرز بام اَرِه تَکتو یا وَه مِحبت ئو مِلائمت؟

دوئِم قُرَنتیان 10:10

اَرِیَگه موشِن: «نُامَه‌ل او تُنِن ئو سنگینِن، مِنتائای اِ ویراَرویر ضِیفَ ئو قصَه کِردِنی اَرزشد نِری.»

دوئِم قُرَنتیان 10:2

ئو مَلالکِمَ بینتو تاگَه وخدی هام اَرتَکتو مجبور نوئم وَه‌گَردتو وَه گُرساخیا رفدار بِهَم، هَراَ جورَ گه وَه‌گَرد اونَلی گه فگِرَ مَهَن ایمَه مِطابق جسم زِنِه‌یَ مِهِیم، رفدارَ مَهَم.

دوئِم قُرَنتیان 10:7

سِیل بِهَن چَه هار وَر چیَمَلتو. اَرّ کسی اطمینو دیری گه هِن مسیحَ، باس اَویر بوتی هَر اَخَ گه او هِن مسیحَ، ایمِه‌یش هِن مسیحیم.

دوئِم قُرَنتیان 11:21

خجالتِم، باس بوشِم گه ایمَه اَرِه هُنَ کاری فِرَه ضِیف بیمو! مِنتائای اَرّ کسی‌تِر جورَت بِهِه گه وَه چیئی افتخار بِهِه -هَنی اِجور آم اَخمَخی قصَه مَهَم- مِن‌یش جورَتَ مَهَم گه وَه اَوَه افتخار بِهَم.

دوئِم قُرَنتیان 11:30

اَرّ باس افتخار بِهَم، وَه چیئَلی افتخارَ مَهَم گه ضیَف مِه نشونَ مِ.

دوئِم قُرَنتیان 12:5

مِه وَه هُنَ کسی افتخارَ مَهَم. مِنتائای اِبارَه ووژِم، وَه چیئی بِخِر اژ ضیَفَلِم افتخار نِمَهَم.

دوئِم قُرَنتیان 3:12

اِسَه اَرِیَگه هُنَ امیدی دیریم، وَه جورَت فِرِه قصَه مِهِیم؛

دوئِم قُرَنتیان 5:20

اِسَه ایمَه سفیرَل مسیحیمو، خدا وَه‌سونگَ ایمَه خواس ووژ اَنجومَ مِ. ایمَه اژ جونِم مسیح اژ هُمَه خواهشدَ مِهِیم گه وَه‌گَرد خدا دوسی بِهِینو.

دوئِم قُرَنتیان 6:1

ایمَه گه هُمکارَل مسیحیم خواهشد اَژینتونَ مِهِیم گه نِیلِن اَ فیض خداءَ گه آوِردِتونَسَ دس، بی‌فادَه بو.

دوئِم قُرَنتیان 7:4

مِه اِتِماد کامل اَر هُمَه دیرِم، فِرَه مَنازِمَ بینتو؛ پِر اژ دلگُوئیِم، ئو اِ کُل سخدیَلمو مِه پِر اژ خَوشیِم.

غَلاطیَل 4:13

هُمَه مَذانینو گه وَه خاطر مِرَضی گه اِ لارِم داشد، اول‌بار انجیلم اَرِه هُمَه موعظَه کِرد.

غَلاطیَل 5:2

گوش بِگِرِن! مِه، پولُس، موشِمَ بینتو گه اَرّ ختینَه بوئینو، مسیح هُیچ فادِه‌ی اَرِنتو نِری.

اَفِسُسیَل 3:1

اَژونَسَ مِه، پولُس، گه وَه خاطر هُمَه خِرِیهودیَل اَرِه مسیحْ عیسی زندونیِم، -

اَفِسُسیَل 4:1

اِسَه مِه گه وَه خاطر خداون زندونیِم، خواهشد اَژینتونَ مَهَم گه لائق دَوَتی گه اَژینتو بیَ، رفدار بِهَن،

فیلیپیَل 4:5

بِیلِن کُل کس بِذانی چَنی مِلومینو. خداون نزیکَ.

کولُسیَل 1:23

اَرّ هُمَه سفدِسخد ئو پایار بِمینینون‌ اَرسر ایمونتو ئو اژ امید انجیلی گه شنَفتِتونَ تَکو نیرینو، هَراَ انجیلی گه اِنوم تموم خلقت ژیر آسمو اِلوم بیَ، ئو مِه، پولُس، بیمَسَ خادم اَوَه.

دوئِم تِسالونیکیَل 3:17

مِه، پولُس، وَه خط ووژِم ایی سِلامَ مَنُیسونِم. یَه نشونَه مصخوص کُل نُامَه‌ل مِنَ. مِه هُنَ مَنُیسونِم.

فیلیمون 1:19

مِه، پولُس، وَه دسخط ووژمَ مَنُیسِنِم گه تِلافَتیَ میَمیَ دُما -اَلوَت یَه نوشِم گه تو جُ‌جُ گیون‌یشِت بِدیکار مِنین.

فیلیمون 1:9

وَه ایی حالا وَه خاطر مِحبت، بیتِرَ مَذانِم گه خواهشد اَژی بِهَم. اِسَه مِه، پولُس، گه ریش‌اَسبی‌ای کِم ئو اِسگِه‌یشَ وَه خاطر مسیحْ عیسی هامِ زندون‌اِر،

اول پطرس 2:11

اِاِ عزیزَل، خواهشد اَژینتونَ مَهَم اِجور کسَلی گه اِ ایی دنیا بیگونَه ئو خَریوِن، اژ هُواوهوسَل جسم گه وَه‌گَرد روحِ هُمَه هانَ جنگ‌اِر دویرا بِگِرِن.

مِکاشفَه 1:9

مِه، یوحنا، بِرا هُمَه، گه اِ جُور ئو پاتِشائی ئو پایاری‌‌ای گه ها نوم عیسی‌اِر، وَه‌گَردتو شیَریکِم، وَه خاطر کلوم خدا ئو شاتی اَر عیسی، اِ جزیره‌ی بیم گه نُم پاتموس بیتی.