اول تیموتائوس 6:4 - کتاب مقدس به زبان لکی - گویش مرکزی

⁴ اژ قُراتی مَس بیَ ئو هُیچ نِمَفیَمی. هُنَ کسی ها هَلگَ‌هَلگ‌اِر اَرِه دَمَرَگَ ئو بَث اَر سر کِلمَه‌ل، گه اَژینی حَسوئی ئو مِرافَه ئو دُشمین ئو بدگُمونی هیزَمَگِری

اول تیموتائوس 6:4 Iomraidhean Croise

کارَل رسولَل 15:2

دُما بَث ئو دَمَرَگَ سخدی گه کَت اِنوم پولُس ئو برنابا وَه‌گَرد اونَل، قِطِ‌قِرارو نا گه اَ دوءَ گَرد چَن نفرتِر اژ اونَل اَرِه ایی گپَ بِچِن اِرَه شیَر اورشلیم اِرَه تک رسولَل ئو شیخَل.

کارَل رسولَل 18:15

مِنتائای اَرِیَگه ایی گپَ اَرسر کِلمَه‌ل ئو نُمَل ئو شریعت ووژتونَ، اِسَه ووژتو رَسیدَگی کَنی‌ئون. مِه نِمِم اِبارَه هُنَ چیئَلی قضاوت بِهَم.»

کارَل رسولَل 8:9

مِنتائای اِنوم اَ شیَرَ، پیای شَمعون نُم زِنِه‌یَ مَهَردی گه وِر اژ یَه وَه جادوگری باعثَ موئیا مردِم سامرَه بِلُجوئیو بای ئو ادعا ماهاتی گه آم کَلِنگی کَ.

رومیان 12:16

وَه‌گَرد یَکتِری بسازِن! قُرات نوئن، بلکِم وَه‌گَرد آمَل ضِیف ئو سادَه هاتِن‌چیئینتو داشدوئی. هرگِس ووژتونَ دونا نَذانِن.

رومیان 13:13

بورِن هُنَ دُریس رفدار بِهِیم گه هَماری هایمون اِنوم روشتایی روژاِر نه اِنوم عِیاشی ئو مَسی، نه اِنوم بی‌عصمتی ئو خیزی، نه اِنوم جنگ ئو حَسوئی،

رومیان 14:1

کسی گه ایمو ضِیفِ بِیلِنیِ گِرد، بی‌یَگه اِبارَه عخیدَه‌ل دَمَرَگَ کِینو.

رومیان 2:8

مِنتائای خِض ئو خَضوءَ ماری اَرسر کسَلی گه هَر هانِ فگِر ووژونا ئو اژ حخیخت اطاعت نِمَهَن بلکِم اژ ناراسی اطاعتَ مَهَن.

اول قرنتیان 11:16

اَرّ کسی بِیتی جَرّ بِهِه، اِنوم ایمَه ئو کلیسائَل خدا هُنَ رسمی نیَ.

اول قرنتیان 11:18

اَرِیَگه اولَ مَشتوئِم، وخدی هُمَه اِ دور یَک جیَمَ موئینو، موئینونَ چَن دسَه ئو کَمِ‌کُتی یَه باوارَ مَهَم.

اول قرنتیان 3:18

ووژتو فن نیَن. اَرّ کسی اژ هُمَه ووژ اِنوم ایی زمونَه آم دونای مَذانی، بِیلِن نایو بو تاگَه دوناآ بو.

اول قرنتیان 3:3

اَرِیَگه هَنی جسمونیئینو. وخدی حَسوئی ئو جَرّ ها نومتون‌اِر، یَه نشونَه یَه نیَ گه جسمونیئینو ئو رفدارتو اِجور آمَلی‌تِرَ؟

دوئِم قُرَنتیان 11:20

اَرِیَگه اَرّ کسی هُمَه بِهِئَه نوکر یاگَه هُمَه قویت اِرادِ، یا اَژینتو سوءاستفادَه بِهِه، یا ووژ اَر هُمَه سرتِر بِذانی، یا وَه چَپالی بِ اَر نوم‌رُیتو، تیَمِلَ مِهِینو.

غَلاطیَل 5:15

مِنتائای اَرّ وَه قَپ ئو دِنو بِچینونِ گیژ یَک، حُواستو بو گه وَه دس یَکتِری اژ بِن نَچینو.

غَلاطیَل 5:26

اِلَکی کِلَچ نوئیم ئو اژ عصبونی کِردِن یَکتِری ئو حَسوئی کِردِن اَر یَکتِری دس هیزدِیم.

غَلاطیَل 6:3

اَرِیَگه اَرّ یَکی ووژَ کسی بِذانی گه نیَ، ووژ فنَ مِ.

فیلیپیَل 1:15

بِری اِراسی اژ حَسوئی ئو هُمالی مسیح موعظَه مَهَن، مِنتائای باقی وَه نیّت خو.

فیلیپیَل 2:14

هر کاری بی‌خُت‌خَت ئو بی‌دَمَرَگَه اَنجوم دَن،

فیلیپیَل 2:3

اژ حرصی گه اژ خودخواهیَ یا قُراتی هُیچ کاری نَهَن بلکِم وَه تاواضی باقی اژ ووژتو بیتِر بِذانِن.

کولُسیَل 2:18

نِیلِن کسی گه مَجُرّی اَر یَگه باس لار خوار بو ئو فریشدَه‌ل عَبادت بوئن، محرومتو کِ. هُنَ کسی میا ووژَ رویائَل ووژ مشغول بِهِه ئو بی‌یَگه دلیلی داشدوئیتی وَه فگِرَل اِلَکی ووژ، قُراتا ماو.

دوئِم تِسالونیکیَل 2:4

او اَرضد هرچی گه خدا هِناءَ ماو ئو مَپِرَسِنی هیزَمَگِری ئو ووژَ مَنی اَر بِلِنگ‌تِر اژ اونَل، تا جای گه مَنیشی اِنوم معبد خدا ئو اِلومَ مِهِه گه ووژ خداءَ.

اول تیموتائوس 1:4

ئو ووژونَ گَرد پاچائَل ئو تَجِرَنُامچَه‌لی گه بِن نِرِن سرگرم نَهَن، اَرِیَگه یوئنَ اِجال یَگه کار خدا گه اژ رئی ایمونَ بیَرِنِ وَر، باعث دَمَرَگَلی موئن گه ثمری نِرِن.

اول تیموتائوس 1:7

ئو میا مَلِمَل شریعت بوئن، وَه‌یاآگه نِمَذانِن چَه موشِن یا اِبارَه چَه هُنَ وَه اطمینو قصَه مَهَن.

اول تیموتائوس 3:6

ئو نَباس تازَه ایمو آوِردوئیتی، ناخواد قُراتا بو ئو اِجور ابلیس مَکوم بو.

دوئِم تیموتائوس 2:14

یوئنِئونَ بارَ ویر ئو اَرتَک خدا هُشتارَ بینو دَ گه اَر سر کِلمَه‌ل دَمَرَگَ نَهَن، گه ثمری بِخِر اژ نابودی کسَلی گه مَشتوئِنی نِری.

دوئِم تیموتائوس 2:23

اژ بَثَلی گه اژ نایونی ئو اَخمَخیِن دویرا بِگِر، اَرِیَگه مَذانین باعث مِرافَه‌لَ موئن.

دوئِم تیموتائوس 3:4

خیونتکار ئو بی‌مِلاحظَه ئو پِر اژ رِنگَریِن گه عِیاشی ویشتِر اژ خدا دوس دیرِن.

تیتوس 3:9

مِنتائای اژ چِنَه‌ل مِفتی گه اژ اَخمَخیِن ئو تَجِرَنُامَه‌ل ئو بَثَل ئو مِرافَه‌لَ اَر سر شریعت، دویرا بِگِر، اَرِیَگه یوئنَ بی‌فادَه ئو بی‌ارزشدِن.

یعقوب 1:19

بِرال عزیزِم، یَه بِذانِن گه هر کی باس اِ شِنَفتِن زِل بو، اِ قصَه کِردِن آروم بو ئو دیر عصبونی بو!

دوئِم پطرس 2:12

مِنتائای اونَل اِجور جونورَل بی‌شعوری گه وَه غریزَه رفدارَ مَهَن ئو هاتِنَسَ دی گه بِکُوئِنِ تِلَه ئو نابود بوئن، قصَه‌ل گَنَ موشِنَ چیئَلی گه درکی اَژینو نِرِن ئو اِنوم نابودی ووژو، نابودَ موئن

دوئِم پطرس 2:18

اَرِیَگه وَه قصَه‌لی گه وَه دَنگ کَلِنگ پر اژ قُراتی ئو نَفیَمیَ، اونَلی گه وَه ایی تازَه اژ چِنگ کسَلی گه اژ رئی اِرهاتِنَ حِواینَ، ماوژِنِ تِلَه شَوَتَل نفسونی ووژو.

یهودا 1:10

مِنتائای یوئنَ گَنَ موشِنَ اَ چیئَه گه نِمَفیَمِن، ئو اِجور حِوونَل نَفیَمی کِن گه چیئَلی گه اژ غریزَه مَفیَمِن، هَر اونَ نابودونَ مِهِه.

یهودا 1:16

یوئنَ هَر خُت‌خَتَ مَهَن ئو گِلِیَ مَهَن ئو هانَ دُم هُواوهوسَل گنابار ووژونا؛ یوئنَ چِنَه‌مِفتَل قُراتِن ئو وَه نفع ووژو جونِمداریَ مَهَن.

مِکاشفَه 3:17

اَرِیَگه موشین: ”دولَمَنِم؛ مالِ‌منال دیرِم ئو هَوَجَه‌مَ چیئی نیَ،“ نِمَفیَمین گه تو بدبخت ئو هَریَ‌سر ئو ژار ئو کور ئو لُتین.