اول تیموتائوس 6:21 - کتاب مقدس به زبان لکی - گویش مرکزی

²¹ اَرِیَگه بِری گه ادعاکار ایی چیئِلَ بینَ، اژ رئی ایمون اِرهاتِنَ. فیضَ گَرد تو بو.

اول تیموتائوس 6:21 Iomraidhean Croise

مَتّی 6:13

ئو ایمَل اِنتحو نِهَه، بلکِم اژ اَ شریرَ آزادمو کَ. اَرِیَگه پاتِشائی ئو قدِرت ئو جِلال، تا ابد هِن تونَ. آمین»

رومیان 1:7

وَه کُل اونَلی گه اِنوم شیَر روم، خدا دوسو دیری ئو دَوَت بینَ تاگَه ایمودارَل مسیح بوئن: فیض‌وسِلامتی اژ جونِم خدا، باوَه ایمَه، ئو خداون عیسی مسیح، اَر هُمَه بو.

رومیان 16:20

خداءِ صُئل‌وسِلامتی هَرِ ایی زویَ شِطون اِژیر پال هُمَه مَتِلِنیا. فیض خداونمو عیسی مسیحَ گَردتو بو.

رومیان 16:23

گایوس‌یش گه مِن ئو کُل کلیسا مِمونیمی، سِلامتون‌ئونَ مَرَسِنی. اِراستوس گه خزینَه‌دار شیَرَ، ئو بِرامو کوآرتوس سِلامتون‌ئونَ مَرَسِنِن.

کولُسیَل 4:18

مِه پولُس، ایی سِلامَ وَه خط ووژمَ مَنُیسِنِم. زنجیرَل مِن اِنوم زندو اَویرتو بو. فیض وَه‌گَردتو بو.

اول تیموتائوس 1:19

ئو بچسبَ ایمون ئو وِژدان پاک، اَرِیَگه کَشتی ایمو بِری وَه رد کِردِن ایی چیئِلَ حُیردِحَلو بیَ.

اول تیموتائوس 1:6

بِری اژ رئی ایی چیئِلَ اِرهاتِنَ، چِنَ ویرِ چِنَه مِفت دائِن،

اول تیموتائوس 6:10

اَرِیَگه پیل‌دوسی ریشی کُلِ جور گَنیَ، وَه خاطر هَر ایی طَما پیلَسَ گه بِری اژ رئی ایمون اِرهاتِنَ، دردَل فِرِه‌ئونی کِردیَسَ گیژ ووژونا ئو زیَم‌دارا بینَ.

دوئِم تیموتائوس 2:18

گه اژ حخیخت اِرگیردینَ ئو موشِن زِنیا بیئِن اژ مِردیَل هَراِسگِه‌یشَ اتفاق کَتیَ، ئو دیرِن بِری اژ ایمونَ ماوژِن.

دوئِم تیموتائوس 4:22

خداونَ گَرد روحِ تو بو. فیضَ گَرد تو بو.

تیتوس 3:15

کسَلی گه هانَ گَردِم، کُل سِلامَ مَرَسِنِنَ بینِت. سِلام ایمَه برَسِنَ کسَلی گه اِنوم ایمو دوسمو دیرِن. فیض وَه‌گَرد کُلتو بو.

عِبرانیَل 13:25

فیضَ گَرد کُلتو بو.