اول تیموتائوس 6:2 - کتاب مقدس به زبان لکی - گویش مرکزی

² اونَلی گه اَرباوَلو ایمودارِن، نَباس وَه خاطر بِرائیو کمتِر عزّت بِنِن اَرِنو. بلکِم برعسک، باس جُ‌جُ بیتِر خِلمت بِهَن، اَرِیَگه فادَه خِلمَتونَ مَرَسی کسَلی گه ایمودار ئو عزیزِن. ایی چیئِلَ تیَلیمو دَ ئو تشویقو کَ اَنجومو دَن.

اول تیموتائوس 6:2 Iomraidhean Croise

مَتّی 23:8

مِنتائای نِیلِن هُمَه هِنا کَنَ ’استاد‘، اَرِیَگه فَخَد یِه استاد دیرینو، ئو کُل هُمَه بِراینو.

مَتّی 25:40

پاتِشا جوواو اونِلا مِ، موشی: ”حخیختاً، موشِم‌ئونتو، اَ چیئَه گه اَرِه یَکی اژ گُجَرتِرین بِرالِم کِردتو، اِراسی اَرِه مِنتو کِردیَ.“

مَتّی 6:24

«هُیچ کس نِمَتونی خِلمت اژ دو اَرباو بِهِه، اَرِیَگه یاگَه اژ یَکی بیزارَ ماو ئو اَ یَکَ دوس دیری، ئو یاگَه گیو ووژَ مِهِئَه خِر یَکی ئو اَ یَکَ خوارَ مِهِه. نِمَتونینو هم خِلمت اژ خدا بِهِینو، هم خِلمت اژ پیل.

کارَل رسولَل 1:15

یَکی اژ اَ روژِلَ، پطرس هوسیا اِنوم بِرال، گه کُل اَرسر یَک نزیک اَر صد ئو بیس نفر بین.

رومیان 11:17

مِنتائای اَرّ قِری اژ پَلَل بِریان ئو تو وَه‌یاآگه پَل زِتو وَشی بین، اِنوم پَلَلی‌تِر پِوَن بینَ قِ دار زِتونا ئو اِسگَه اژ شیرَه قویَت‌دار ریشی دار زِتو بیَردارین،

رومیان 8:29

اَرِیَگه خدا اونَلی گه وِرِکار شناسیتی، هَرِ وِرِکار مَیِّن کِردِنی تا اِ شیوَه کُری اِربان، تا او اِنوم بِرال فِرِه، اول‌زا بو.

غَلاطیَل 5:6

اَرِیَگه اِ مسیحْ عیسی نه ختینَه بیئِن چیئی کَ نه ختینَه نوئین، بلکِم مِهم ایمونی کَ گه اژ رئی مِحبت کارَ مِهِه.

اَفِسُسیَل 1:1

اژ پولُس گه وَه خواس خدا رسول مسیحْ عیسیَ، وَه ایمودارَلی گه هانِ شیَر اَفِسُس‌اِر، وَه اونَ گه اِنوم مسیحْ عیسی وفادارِن:

اَفِسُسیَل 1:15

اَژونَسَ مِن‌یش وخدی اِبارَه ایمونتون اَر عیسی خداون ئو مِحبتتون اَر کُل ایمودارَل مسیحِم شنَفتیَ،

اَفِسُسیَل 3:6

اَ رازَ یَسَ گه خِرِیهودیَل‌یش اِنوم مسیح ئو وَه‌سونگَ انجیل، هُم‌میراتِن ئو عضا یِه لارِن ئو اِ وَدَه او هُم‌بیَرِن.

کولُسیَل 1:2

وَه ایمودارَل مسیح ئو بِرال وفادار اِنوم مسیح گه هانِ شیَر کولُسی‌اِر: فیض ئو سِلامتی اژ جونِم خدا، باوَه آسمونی ایمَه، اَر هُمَه بو.

کولُسیَل 1:4

اَرِیَگه اژ ایمونتون اَر مسیحْ عیسی ئو مِحبتی گه اَر ایمودارَل دیرینو، شنَفتِمونَ.

کولُسیَل 4:1

اِاِ اَرباوَل، وَه‌گَرد خُلُمَلتو وَه عدل ئو انصاف رفدار بِهَن، اَرِیَگه مَذانینو هُمِه‌یش اَرباوی اِ آسمو دیرینو.

دوئِم تِسالونیکیَل 1:3

اِاِ بِرال، ایمَه باس هَر وَه خاطر هُمَه شگِر خدا بِهِیم، ئو هَر یَه سزاواریشَ، اَرِیَگه ایمونتو هَر دیری ویشتِر رشدَ مِهِه ئو مِحبت هرکُمتون اَر یَکتِری فِرَه‌تِرا ماو.

اول تیموتائوس 4:11

یوئنَ فِربو بیَ ئو تیَلیم دَ.

اول تیموتائوس 5:1

خِض اَر پیا رُی‌چَرمین نِهَه، بلکِم اِجور باوَه ووژِت تشویق کِیتی، ئو جِهالَل اِجور بِرال ووژِت،

تیتوس 2:1

مِنتائای تو اَ چیئَه گه مِطابق تیَلیم دُریسَ یاء دَ.

تیتوس 2:15

یوئنَ بوش، ئو وَه قدِرت‌واختیار کامل تشویق ئو تنبیه بِهَه، ئو نِیل کسی تونَ نِئیَ بِگِری.

تیتوس 3:8

ایی قصَه ماو اِتِمادَ بی کِینی، ئو اژ تونمَ مِ بِجُرّین‌ اَر ایی چیئِلَ، تاگَه کسَلی گه ایمونو آوِردیَس اَر خدا حُواسو بو گه ووژو وَخم کارَل خو بِهَن. ایی چیئِلَ اَرِه مردِم فادَه‌ دیری ئو خوءَ.

عِبرانیَل 3:1

اِسَه اِاِ بِرالِم، اِاِ مقدّسَل گه اِ دَوَت آسمونی هُم‌بیَرینو، چیَمتون اَر عیسی بو گه او اَ رسول ئو کاهن اعظمَ‌سَ گه اعترافَ مِهِیمی اَری.

عِبرانیَل 3:14

اَرِیَگه اِنوم مسیح هُم‌بیَرا بیمونَ، اَرّ اِراسی تاگَه آخِر بچسبیمون اَر اَ اطمینو اول ووژمونا.

اول پطرس 5:1

مِه گه ووژِم اژ شیخَلِم ئو شات عذاوَل مسیح بیم ئو هُم‌بیَر جِلالی گه آشگارَ ماو، پَنَ میَمَ شیخَلی گه هانِ نومتون‌اِر:

دوئِم پطرس 2:10

مصقوصاً اونَلی گه هانَ دُم هُواوهوس فاسد نفْس ووژونا ئو هر قدِرت‌واختیاری خوارَ مَذانِن. یوئنَ اَخِنَ گُرساخ ئو قُراتِن گه اژ کِفِر کِردِنَ کَلِنگَل آسمونی زِلَئو نِمَچو؛

یهودا 1:8

وَه ایی حالا، هِرِ ایی جورَ ایی آمَل‌یشَ تَکیو ها اَر خاوَلی گه موئینِن، لار ووژو نِجسَ مَهَن ئو قدِرت‌واختیار خداون رد مَهَن ئو کِفِرَ موشِنَ کَلِنگَل آسمونی.